المسابقه الرمضانيه الكبرى وشروطها

بسم الله الرحمن الرحيم
أولا : كل عام وكل أعضاء المنتدى طيبون وبخير ورمضان كريم عليكم وعلينا
ثانيا : مش عاوزين نطلع من المسابقه دى الا ونكون على الأقل اكتسبنا منها أكبر استفاده
من خلال الأسئله هندور كتير ونبحث لحد مانلاقى الاجابه وأكيد هنعدى على معلومات تانيه كتير
مش عاوزين نمر عليها مرور الكرام كده لازم نعرفها الاول وبعد كده ندور تانى على اجابات المسابقه
الغرض من المسابقه مش مجرد بحث عن معلومات
الأول نختبر معلوماتنا فى المجالات المختلفه وبعدين نبقى نبحث عن اجاباتها براحتنا

شروط المسابقه::
1ـ ستستلم الاجابات من يوم واحد حتى يوم عشرين فى شهر رمضان الكريم
2ـ الاجابات سترسل عن طريق الرسائل الخاصه لمشرفة المنتدى الاسلامى
3ـ الاجابات تكون مقسمه الى اجزاء كماهو مقسم فى المسابقه
4ـ ياريت تكون الاجابات واضحه ومحدده ولا مجال للاختلاف فيها
5ـ طبعا العضو اللى يشرفنا ويدخل يقرأ أسئلة المسابقه يترك الرد الكريم دليل على مروره العطر
وطبعا هنعرف اللى مردش لما نستلم الاجابات وهنقبض عليه (ههههه)

الجوائز
للفائز الأول :: 750 نقطة تميز + وسام التميز (الفائز الأول فى المسابقه الرمضانيه الكبرى)
للفائز التانى :: 500 نقطة تميز + وسام تميز (الفائز االثانى فى المسابقه الرمضانيه الكبرى)
للفائز الثالث :: 250 نقطة تميز + وسام تميز (الفائز الثالث فى المسابقه الرمضانيه الكبرى)
وطبعا الفائز الاول او التانى او التالت مش لازم واحد ممكن يكون أكتر من واحد

خاتمه
الرسائل الخاصه سوف تحتوى على الاجابات فقط وبدون أى ردود خارج المسابقه
سوف تعلن نتيجة المسابقه يوم السابع والعشرون من شهر رمضان الكريم ان شاء الله

المسابقه الثقافيه الرمضانيه الشامله
أولا :الأسئله الدينيه
أـ القرأن الكريم

1ـاذكر ايتين فى القرآن تبدأن بحرف الدال ؟
2ـ شهود شهدوا بالحق ومع ذلك ادخلوا النار ؟
3ـاذكر آيتان في القرآن تبدآن بحرف الضاد ؟
4ـ جزء من مصر ورد اسمه فى القرآن فما هو ؟
5ـ ما هي أحكم سوره في القرآن وكان النبي صلى الله عليه وسلم يسميها الجامعة الفاذة؟
6ـ ما هي السورة التي تسمى المنجية ؟
7ـ من هى الأم التى لم تلد وذكرت فى القرآن الكريم ؟
8ـما هي السور القرآنية التي قال عنها الرسول صلى الله عليه وسلم: من سره أن يرى القيامة – رأي العين فليقرأها؟
9ـ ما الصوت الذى ذكر فى القرآن الكريم ؟
10ـ ماهى السورة التى تسمى بسوره "المرآه"؟
11ـ ايهما ذكر أكثر في القران أكثر اسحق أم داوود عليهما السلام؟
12ـ ماهى سوره المضاجع؟
13ـ ماهو الحرف الذي خلت منه كل أسماء سور القران الكريم؟
14ـ ماهى السورة التى تسمى الحائلة؟
15ـ ماهى الآيه التى جمعت الطب كله؟
***********
ثانيــــــــا
الحديث النبوى
1ـ قال الرسول (صلى الله عليه وسلم)"ثلاث من فعل اهل الجاهليه لايدعهن أهل الاسلام."فما هى؟؟
أكمل الاحاديث الاتيه
1ـ عن عبد الله بن عمر ، قال .. قال رسول الله(صلى الله عليه وسلم)
(من أعان عبداً في حاجته ..........................الأقدام )
2ـ عن عبد الله بن مسعود رضي الله عنه، عن النبي (صلى الله عليه وسلم)أنه قال::
(( لايدخل الجنة من كان في قلبه مثقال ذرة من كبر، فقال رجل: أن رجل يحب أن يكون......وغمط الناس))..
3ـ عن ابي سعد الخدري رضي الله عنه قال: قال رسول الله (صلى الله عليه وسلم)
(مابعث الله من نبي ولا استخلف من خليفة الا كانت له................)
4ـ عن ‏ ‏أبي هريرة ‏ ‏رضي ‏ الله ‏ عنه ‏ ‏قال :‏ قال النبي ‏ ‏صلى ‏ الله ‏ عليه وسلم ‏:
((‏تحاجت الجنة ‏ والنار فقالت النار :‏ ‏أوثرت ‏ ‏بالمتكبرين ‏
‏والمتجبرين ‏ ‏وقالت : الجنة ما ‏ لي لا يدخلني إلا ضعفاء الناس ‏
‏وسقطهم ،‏ ‏قال ‏ الله تبارك وتعالى : أنت رحمتي..............))
5ـ (( قال رسول الله (صلى الله عليه وسلم) الا انبئكم ما العضه هي......)
****************
ثالثـــــــــــا
مـــن هــــو

1ـ . من هو الصحابي الذي وضع معالم الحرم ؟
2ـ. من أول من ألف في الفقه ؟
3ـ لقب حسان بن ثابت شاعر الرسول.فما لقبه الاخر؟
4ـ من هي أول بكر هاجرت للمدينة ؟
5ـ من هو الصحابي الملقب بالسفينة ؟
6ـ من الذي أخبر باسلام عمر بن الخطاب ؟
7ـ من هو الصحابي الملقب بـ ذو العين ؟
8ـ من هي أول معلمة في الاسلام ؟
9ـ إلى من أعطى الرسول مفاتيح الكعبة يوم الفتح ؟
10ـ ماهي أول سورة تزلت فيها سجدة ؟
**************************
رابعــــــــــــا
الأسئلــــه الفقهيه

1: ما تقول في رجل ذبح شاة وجاز له أن يوزع لحمها على الناس وحُرم عليه أن يأكل منها شيئاً، وليس في
المسألة حَلِف أو نذر؟
2. أوحى الله إليهم وليسوا من الإنس والجن ولا من الملائكة . فمن هم
3.: ما تقول في رجل دخل على آخر فألقى عليه السلام فلم يجز للمدخول عليه أن
يحييه بمثل تحيته ولا بأحسن منها، وكلاهما مسلمين عاقلين بالغين؟
4: ما تقول في وضوء صحيح تام مستغرق لجميع أعضاء الوضوء من مسلم مكلف ولم يجز له أن يصلي به؟
5: ما تقول في رجل نام مساء 29 شعبان ولا يعلم هل غداً أول رمضان أم لا،
ولما استيقظ بعد الفجر أخبره أهله أن اليوم أول رمضان هل يلزمه الإمساك؟
وهل صومه صحيح ؟ أم ماذا يفعل؟

**********************
ثانيا
الاسئلـــه الثقافيه

1ـ.من هو أبو الشعر الفارسي ؟
2ـ من هو صاحب لقب (الدوتشي) ؟
3ـ من هو العربي الذي أصبح امبراطوراً لروما ؟
4ـ ما الطائر الذي يظهر حزيناً اذا جفت الماء ؟
5ـ ماذا تسمى منابت أسنان الصبي ؟
6ـ ما أقصر فترة حمل من الحيوانات ؟
7ـ من هو الفارسي الذي تنسب إليه الكثير من الحكم والأمثال ؟
8ـ. أين تقع مرتفعات فوتا جالون ؟
9ـ ماذا تسمى الحزمة الصغيرة من عيدان الحشائش ؟
10ـ ماهي المادة التي كتبت بها شريعة حمورابي ؟

****************************
الألغــــــــــــــاز

1ـ كيف تحصل على العدد 100 بإستخدام الرقم (1) خمس مرات؟؟
2ــ كيف يتنفس الضفدع تحت الماء؟؟؟
3ـ أنا بداية النهايه ونهاية الزمان والمكان أنا بداية النبات ونهاية الانسان والحيوان ..هل عرفتنى؟؟
4ـ ما الحيوان الذى يحك أنفه بأذنه؟؟
5ـ من هو الشخص الذى قتل سدس سكان العالم؟؟
6ـ ما الذى يولد مره واحده فى الشهر؟؟
7ـ من هو الذى يرى صديقه وعدوه بعين واحده؟
8ـ ما هو الشيء الذي تحت قدمك إذا قطعت رأسه أصبح في فمك!!!؟
9ـ ما هو الشيء الذي إذا جمعته ( حصى ) وإذا تركته ( مشى ) وإذا طبخته ( عشاء)؟؟؟!!
10ـ ما هو الشيء الذي تأكل منه مع أنه لا يؤكل؟!!!

الله اكبر عليك يا اميره انا تقريبا مش عارفه الا اسئله بسيطه ونفسى اعرف الاجابه اوىىىىىىىىىىى بس هابقى اقولك اجباتى انشاء الله وربنا يجزيك خير يارب

ألف شكر لمشرفة المنتدى الاسلامى (( أميرة )) على مجهودها الرائع
مسابقة أكثر من رائعة
أجمل شىء فيها ان الأسئلة صعبة فالبحث عن الاجابات هيفيد العضو بمعلومات أكتر
وان شاء الله أنا هأحاول أحلها وأشترك فى المسابقة

بعون الله وتوفيقه حليت حوالى 6 اسئله ( واحنا لسه فى اول يوم )
يعنى الامل موجود اننا نشارك بها فى رمضان 1432
يابنتى سهلى ربنا يسهلها عليكى وعلى ابوكى]

ياللا ياجماعه بقى شدوا حيلكم أمال
أنا متراهنه ان كل أعضاء المنتدى هيحلوها ويفوزوا كمان ياللا
أنا هستنى الاجابات قريب وانتى يادندن مستنيه اجاباتك ياعسل
ياللا يا باشمهندس انت وبابا دوروا وهتلاقوها ان شاء الله
وشكرا على المجامله الحلوه دى ولا شكر على واجب يا باشمهندس
أنا كفايه عندى انها طلعت حلوه وتعجب الاعضاء

مشكوره اختى الفاضله اميره على مسابقتك الجميله وعلى فكره الاسئله سهله جدا
وبصراحه انا مش عارف اى حاجه ومش عارف المشرفه مسهلاها اوى كده ليه بس لازم الواحد يحاول

أنا جاوبت السؤال الأول كله
القرآن الكريم
15 سؤال
وأرسلت الاجابة فى رسالة خاصة للمشرفة أميرة
وان شاء الله نكمل باقى الاجابات قريب جدااااااااااا

ايه الاسئلة السهلة دى
و الله يا أميرة
رجعتينا لايام زماااااااااااااااااان
لما كنا بنمتحن
عموما ربنا يقدرنا و نقدر نحل كل الاسئلة قبل الوقت ما يخلص
و شكرا ع المجهود

لا شكر على واجب يا مستر
ياللا بقى خد المركز الأول وان شاء الله هتلحق تحلها قبل الوقت ما يخلص
يا اما تعمل تأجيل وتحلها مع بابا ف سنة 1432 هههههههه
كل سنه وانت طيب ورمضان كريم

مسابقة جميلة جدا وجزاكي الله خيرا

مشكورة اختي الفاضلة علي المسابقة الجميله دي
والسهله خالص ....... !! :(
وان شاء الله نحاول نحل منها اي حاجة
وجزاكي الله خيرا علي المجهود الرائع

مشكورين على المرور العطر ده والله
بس ياللا بقى عاوزه أشوف اجابات

انا اولا بحيي أميرتي الغاليه ع المجهود الرائع اللي هي بذلته وعلي يدي ف المسابقه
وبجد طلعت اكتر من رائعه وفعلا تستحق الشكر
انا واثقه ان كتير منا هيستفيد كتييير من كونه هيدور ع الاجابه سواء ان كانت تخص المسابقه او بره المسابقه
وان شاء الله ربنا يوفقنا جمعيا ونقدر نعرف الاجابات

ما شاء الله يا اميرة

مسابقة دمار بجد

سهلة اوووووووووووووى <ما تقوليش هموت بالسكتة هى سهلة اوى

هههههههههههه

ان شاء الله احاول اجاوب عليها

مجرد محاولة

أنت مش عايزه الأعضاء تبحث عن الحل .

أنت عايزة تدوخيهم وراء الحل.
ورغم كده هاحاول أنا والأسرة بالكامل والله المستعان.

مشكورين جميعا على المرور العطر وشرفتونى جدا
نورتوا الموضوع ياللا بقى شدوا حيلكم

abo_whdan2000 كتب:: أنت مش عايزه الأعضاء تبحث عن الحل .

أنت عايزة تدوخيهم وراء الحل.
ورغم كده هاحاول أنا والأسرة بالكامل والله المستعان.

هههههههههه
بس ايه رأيك مش دوخه بفايده برضه؟؟؟؟؟
ياللا شد حيلك مع الأسره الكريمه بس خف عليهم شويه
والسلام أمانه ليهم وكل عام وانتم بخير يارب

السلام عليكم ورحمه الله وبركاته

المسابقه حلوه قوى بجد مع انها صعبه شويتين تلاته :roll:

بس ان شاء الله احاول احلها وابعتلك الاجابه

انا لسه مشتركه معاكم جديد دى اول مساهمه ليا هنا

ربنا يكرمك على المسابقه والمعلومات اللى احنا هنستفادها منها

وكل عام ومنيه سندوب كلها بخير

أهلا وسهلا بيكى معانا فى المنتدى وان شاء الله هتحبيه وتحبينا كمان
وطبعا أنا فخوره ان أول مشاركه ليكى ف المنتدى تكون ف موضوع من مواضيعى
(حتى لو مسابقه)
هستنى اجاباتك وان شاء الله تكون صحيحه
نورتى المنتدى ونورتينا ومستنيين نشوف مشاركاتك الحلوة معانا

تم بحمد الله ارسال اجابة السؤال الثانى كامل للمشرفة أميرة
الحديث النبوى
6 أسئلة
ولنا بقية ان شاء الله

ايه يا جماعة
محدش عارف يجاوب ولا ايه
شدوا حيلكوا يا جماعة
منورة المنتدى يا نور الجنة
عاوز أشوفك فائزة بالمركز الأول
شدى حيلك

السلام عليكم ورحمة الله وبركاته

جاري الإجابة ف السؤال الأول وإن شاء الله عندما انتهى من القسم الأول سوف أرسله

وجزاكم الله خيرا

الحمد لله تم الانتهاء من إرسال قسم القران الكريم

paradise lover كتب:: الحمد لله تم الانتهاء من إرسال قسم القران الكريم

نورت الموضوع طبعا
واهلا بيك معانا ف المسابقه والمنتدى كله بعد غياب

مشكورة اميرةةةةةةةةةةةةةةةة....

تم انى حليت كل الاسئلة..فى قسم القران الكريم.....
وحليت نصف القسم التانى .وجزاااااااااااكى خيرااااااااااااااااااااا...
مفيش اسهل من كدة اميرة..
وشكرا ع المسابقة

ااااااااااااااااااااااااااااااه يا دماغي
دماغي بقت قد كدة من كتر اللف والدوخة بس الحمد لله حليت شوية حلوين وتم الارسال

الحمد لله خلصت

حد عايز حاجة مني قبل ما امشي؟؟؟

هبقى ابص عليكوا ع السريع كدة

هتوحشونى يأحلى أعضاء
السلام عليكم

تم والحمد لله الإنتهاء من المسابقة كاملة ونسأل الله التوفيق والسداد

الحمد لله قدرت احل أسئلة القرآن الكريم
وتم ارسالها بفضل الله
ومعني كده ان اكيد فيه أمل كبيييييييييييير
اني اكمل الحل

فى ناس خلصت المسابقه كامله والحال مبشر
ياللا فين الباقى شدوا حيلكم بقى اصل شكلها هتبقى بالاسبقيه ولا ايييييييييييه؟؟؟؟؟؟
عاوزه الاعضاء كلهم ياخدوا المركز الاول ولا ايه ياباشمهندس فاروق

» المؤامرة الكبرى على غزة
» مسابقة الألوكة الكبرى للإبداع الروائي
» المسابقة الكبرى لمنتدى منية سندوب
» أنباء عن مقتل سفاح المحلة الكبرى عادل عفيفى
» /*/*//*//*//*//*//*//*//*//*// المسابقة الرمضانية الكبرى للقرآن الكريم بمجمع المتولى الاسلامى //*//*//*//*//*//*//*//*//*//*//*