اللى عنده لغز (رياضى) يدخل بسرعة

السلام عليكم
رجاء من الأعضاء اللى دماغهم كويسة وعندهم ألغاز رياضية يقولوها بسرعة
طبعا رياضى دى معناها حسابى
مفيش حد يفهم غلط ويقولى مين اللى جاب الجون ال140 فى ماتش كوالالامبور وبوركينا فاسو
فى انتظار ألغازكم الجميلة والممتعة

افترض أنك دخلت مزرعة بها أرانب ودجاج وحاولت القيام بعدهم فلم تستطع . فكلفت شخص أخربالعد . فذهب وعاد اليك قائلا : لم أستطع عدهم ولكنى لما عددت أرجلهم جميعا كانوا 58 رجلا وعندما تصورت العكس (الأرنب برجلين والدجاجة بأربعة أرجل ) أصبحت عدد الأرجل 74 رجلا
هل يمكنك تحديد عدد الأرانب وعدد الدجاج فى هذه المزرعة ؟
الرجاء توضيح أٍسلوب وصولك للحل مفسرا اياه

السلام عليكم
تحياتى للعضوة
roaa
وشكرا جزيلا على التفاعل
وانتظروا الإجابة حالا

السلام عليكم
على فكرة اللغز جميل
والحمد لله اتحل فى دقيقة ونصف
عدد الأرانب هو 7
وعدد الدجاج هو 15

أما عن أسلوب الحل
نفرض أن عدد الأرانب =س وعدد الدجاج =ص
الأرنب له 4 أرجل والدجاجة لها 2
إذن 4*س + 2*ص = 58
ودى المعادلة الأولى ......1
ولما يتصور العكس
وهو أن الأرنب برجلين والدجاجة ب4
يكون
إذن 2*س + 4*ص = 74
ودى المعادلة الثانية.........2
بحل المعادلتين ينتج الحل بكل بساطة
مرة أخرى شكرا على اللغز الجميل

يلا يا شباب
شدوا حيلكوا
عايزين ألغاز كمان

ماشى يا باش مهندس
خد عندك
صندوق فيه تفاح
مر على الصندوق 3 أشخاص
الشخص الأول أخد نصف التفاح الموجود ونصف تفاحة زيادة
ومر الشخص الثانى فأخز نصف التفاح الباقى ونصف تفاحة زيادة
ومر الشخص الثالث فأخز نصف التفاح الباقى منهم ونصف تفاحة زيادة
وفى النهاية لم نجد تفاح باقى فى الصندوق
المطلوب معرفة الصندوق كان فيه كام تفاحة وكل واحد منهم أخد كام تفاحة بدون شق أو تجريح أى تفاحة

ياريت الأعضاء يفكروا معانا فى الحل
مش البشمهندس لوحده

طيب يا باشمهندس فاروق
أنا عرفت طريقة الحل
أحل ولا أستنى شوية

مه أنا عارف يا بشمهندس انك هتعرف تحلها
مهى سهله طبعا
والناس الحلوين ال معانا فى المنتدى هيثبتولك انها سهله
بس اصبر شويه وهما ال هيحلوها

ماشى يا عم فاروق
هصبر يا سيدى
بس لازم يكون فيه مهلة محددة
عشان لو محدش حلها فى المهلة أدخل أحلها أنا
عشان عاوزين نشوف اللى بعده
احنا ورانا شغل تانى

السلام عليكم
roaa الأخت
الحل صح ولا غلط
مفيش تعقيب ليه
ولو كان صح منتظرين حاجة تانية
وياريت تكون أصعب

ايه يا عم فاروق
محدش رد يا عم
شفت بقه
أدخل أحل ولا ايه

حلها وخلاص يا بشمهندس وأمرنا لله

خد عندك يا سيدى
أولا: عدد النفاحات كان 7 تفاحات
الأول أخذ نصفهم اللى هو 3 ونصف + نصف تفاحة اللى هما يبقوا 4 والباقى 3
الثانى أخذ نصف الباقى اللى هو 1 ونصف + نصف تفاحة اللى هما يبقوا 2 والباقى 1
الثالث أخذ نصف الباقى اللى هو نصف + نصف تفاحة اللى هما يبقوا 1 والباقى صفر
تمام كده
طريقة الحل يا سيدى عشان ميبقاش فى نفسك حاجة
طبعا واضح ان كل واحد بياخد نصف التفاح وزيادة نصف تفاحة
يعنى التفاح الموجود بينقص النصف وبعدها ينقص كمان نصف تفاحة
يعنى من الآخر بنقسم على 2 وبعدين نطرح نصف
فالحل هييجى بالعكس
ومفتاح الحل ان التفاح خلص بعد الثالث ما أخذ نصيبه
فهنبدأ بالصفر ونمشى بالعكس
يعنى نجمع نصف ثم نضرب فى 2
ونكرر العمل 3 مرات بعدد ال3 أشخاص
كده يعنى
المرة الأولى صفر+.5 = .5 *2 =1
والثانية 1+.5 = 1.5*2 = 3
والثالثة 3+.5 = 3.5 * 2 = 7
بس والسلام ختام
صح ولا ايه يا باشمهندس

تمااااااااااااااااااااااااام يا بشمهندس
الحل صحيح ميه ميه

طيب وبعدين
منا عارف ان الحل صحيح
الحقنى بواحدة تانية
جامدة كده

خد دى ياسيدى
وفكر لحد أما تتعب
وياريت الكل يفكر معاك

عندنا 20 علبة كبريت وكل علبه فيهم فيها 20 عود
وزن العود الواحد هو واحد جرام
ماعدا علبه واحده فيهم وزن العود فيها هو نصف جرام
ومعانا ميزان
المطلوب معرفة العلبه ال وزنها خفيف ( ال فيها وزن العود نصف جرام ) من وزنه واحده
يعنى هنستخدم الميزان مره واحده بس
ياترى هنعمل ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

على فكرة جامده دى يا باشمهندس فاروق
لكن ان شاء الله هتتحل
انتظر الحل فى المشاركة القادمة
سلام

ولغاية لما أفكر
هكتب لغز بسيط كده للأعضاء كبداية
عدد مكون من 3 أرقام
تضربه فى 4
الناتج يطلع 5
يلا سهلة خالص
منتظر الحل

أنا عندى الاجابه يا بشمهندس
بكل بساطة
لو قسمنا
5 /4 يطلع الناتج 1.25
يبقى العدد المطلوب هو ( 1.25 )

يا أسد
صح تمام
وأنا كمان عرفت إجابة اللغز التانى
بس هحله لما آجى من الكلية

اقتباس :

خد دى ياسيدى

وفكر لحد أما تتعب

وياريت الكل يفكر معاك

عندنا 20 علبة كبريت وكل علبه فيهم فيها 20 عود

وزن العود الواحد هو واحد جرام

ماعدا علبه واحده فيهم وزن العود فيها هو نصف جرام

ومعانا ميزان

المطلوب معرفة العلبه ال وزنها خفيف ( ال فيها وزن العود نصف جرام ) من وزنه واحده

يعنى هنستخدم الميزان مره واحده بس

ياترى هنعمل ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

خد عندك الحل يا باشمهندس
بص يا سيدى
أولاً : هنرقم العلب كلها من 1 إلى 20
ثانيا: نأخذ من كل علبة أعواد تساوى رقمها
يعنى العلبة رقم 1 نأخذ منها عود واحد والعلبة رقم 5 نأخذ منها 5 أعواد وهكذا
ثالثا : نوزن كل الأعواد اللى أخذناها من العلب
طبعا كده احنا خدنا من العلب كلها 210 عود
والمفروض أن الوزن يكون 210 جرام لو كلهم وزن واحد
لكن طبعا فيه منهم بعض الأعواد وزنه أقل عن الأوزان الأخرى بنصف جرام
لأن وزنه نصف جرام والباقى وزنه 1 جرام
نشوف الوزن كام ونطرحه من الوزن المفترض
يعنى مثلا لو وزنهم طلع 205 جرام بس
يبقى الفرق 5 جرام
ال 5 جرام دول بيمثلوا كام عود
طبعا الفرق فى كل عود هو نصف جرام
فنضرب 5 * 2 = 10 أعواد
بكده احنا عرفنا ان فيه 10 أعواد هما اللى وزنهم مختلف مثلا
فين العلبة اللى أخذنا منها 10 أعواد
طبعا العلبة رقم 10
انتهى الحل
أنا تعبت
صح يا باشمهندس فاروق؟؟؟
ايه رأيكوا فى الحل ده

ايه ياعم المهندس فاروق
مرديتش ليه يا عم
الحل صح ولا صح
انت اتصدمت لما لقيتنى حليت ولا ايه
ألووووووووووووو
هل تسمعنى
يلا يا جدعان حطوا ألغاز تانية

السلام عليكم
ايه يا جماعة
مفيش حد عنده لغز رياضى ولا ايه
الألغاز خلصت؟؟؟؟!!!!

بصراحة يا بشمهندس كنت فاكرك مش هتعرف تحلها
بس اجابتك صحيحة ميه ميه
ومعلش ان كنت اتأخرت عليك فى الرد
النت رخم شويتين عندى

منا عارف انها صح
ههههههههه

مادام مفيش حد عاوز يكتب ألغاز أكتب أنا
عندنا يا جماعة 9 أكياس أرز
وفيه واحد فيهم ناقص عن الأكياس الأخرى
كيف تكتشف هذا الكيس باستخدام الميزان
مرتين فقط

ولغز تانى كمان
عشان اللى ميعرفش الأول ممكن يعرف التانى

اللغز يقول :

منطاد يحمل أربعة علماء

عالم فيزياء

عالم كيمياء

عالم فلك

عالم أحياء

واجهتم مشكلة بالمنطاد وأصبح
يلزم رمي أحد العلماء لكي
يتغلبوا على المشكلة

أي عالم من وجهة نظرك من بين العلماء
يجب رميه ؟؟

أنا عرفت الحل يا بشمهندس
أولا
بالنسبة لل 9 أكياس
فهناخد 6 أكياس وهنوزنهم 3 أكياس على كفة و 3 على الكفة الثانية
وهيكون فيه 3 أكياس بره الميزان
لو الكفتين اتساوا يبقى الكيس المطلوب فى ال 3 أكياس ال خارج الميزان
ولو متساوش يبقى الكيس المطلوب فى الكفة الخفيفة
وفى الحالتين هيطلع معانا 3 أكياس فيهم الكيس المطلوب
هناخد منهم 2 ونخلى كل واحد على كفة ويكون معانا كيس بره الميزان
لو تساوا يبقى الكيس المطلوب هو ال خارج الميزان
ولو متساوش
يبقى الكيس المطلوب هو الكيس الخفيف فيهم
وأى خدمة

وبخوص ال أربع علماء
فعلى اعتقادى يا بشمهندس
هنشوف مين التقيل فيهم وهنطلب منه بكل أدب واحترام انه يرمى نفسه
دا طبعا ان مطلعش واحد جدع ومن نفسه يؤثر زمايله عليه ويرمى نفسه

» اللى عاوز يتجوز يدخل بسرعة
» الى عنده نكته يقولها مش عندك اسمع وانت ساكت
» موضوع خطير (تبادل الخبرات) : اللى عنده مشكلة فى الكمبيوتر يقولها وأنا أحلها إن شاء الله واللى يعرف يشارك أيضا
» كل اللى عايز يموت.......يخش ينقى الطريقة اللى تعجبو
» حبيبتى........... ادخل بسرعة بسرعة