السلام عليكم ورحمة الله وبركاتة
ازيكو يا شباب
اتمنى انكوا تكونوا بخير جميعاً ان شاء الله
من يومين قابلت جارى وحكالى انهم محتاجين فى الشركة ناس " كتير " ! - للشغل لأن فية ناس مشيت من عندهم يعنى
قولتلة طيب فهمنى اكتر اية نظام الشغل وكدا
قالى
الشغل عبارة عن مدخل بيانات !! فقط لا غير .. هتفهم الشغل كلة فى ربع ساعة ان شاء الله مش هتاخد وقت خالص ولاتعب
طيب .. الناس اللى مشيت دى مشيت ليه ! قالك لظروف زى الدراسة وما الى ذلك ! يعنى يستحب انك تكون خريج عشان تبقى متفرغ يعنى
الشرط الأساسى انك تجيد التعامل مع الكمبيوتر ( أ ب كمبيوتر يعنى ) وبما ان حضراتكم بتفتحوا المنتدى هنا اذن انتوا تجيدوا التعامل على الكمبيوتر الف مبروك
مطلوب موظفين ادخال بيانات على الحاسب
هو كل ما فى الامر انك هتشتغل على برنامج بتدخل فيه البيانات فقط لا غير ..
الشغل ب 450 فى الشهر + 50 جنية فى المواسم والاعياد زيادة
يعنى 500
بتاخد ساعة غداء وبتاخد 3 جنية عليهم اضرب فى 30 يعنى 90 ج
من الساعة العاشرة صباحاً حتى العاشرة مساءاً
المكان : ميدان الساعة .. روح هناك واسأل على شركة رفعت علام وألف من يدلك ..
ياجماعة فرص العمل كتير .. اللى فهمتوا ان فية ناس كتير مشيت وفية اكتر من 9 كمبيوترات فاضيين معليهمش شغل .. يعنى محتاجين ناس .. وحضرتك وحضرتها ( نسيت اقول ان الشغل للشباب من الجنسين ) .. ممكن تلحقوا مكان فيها ان شاء الله
لا يشترط الخبرة
وكمان فية نقطة تانية .. كل ما تبقى الأسرع وتروح تقدم وتشتغل وتتقبل ان شاء الله كل ما تكون اقدم من الناس الجديدة اللى لسة جاية بعدك ! . يعنى مثلا انت جى بعدك 5 افراد .. تمام .. يبقى انت اقرب للترقية عن غيرك
لأنك مش هتفضل طول عمرك داتا انترى فقط لأ ان شاء الله تطلع لحاجة اكبر من كدا
وان شاء الله ربنا ييسرلكوا الحال ويوفقكوا فى حياتكوا يارب اللهم أمين
اتمنى من الله ان ربنا يجعلنى سبب فى مساعدة اى حد من اخواتى هنا فى المنتدى
تحياتى لكم ..
منقول للأمانة و الموضوع بتاريخ اليوم 5/9/2008