بالله عليكم حد يفهمنى

أنا عارف هما بيغيروا الساعة ليه...علشان يخنقونى أنا بالذات دونا عن باقى المصريين..
لأنهم طبعا عارفين إنى أكره الشغل فى محل الألبان فزودوه ساعة..
ربنا يسامحهم بأة....وعندا فيهم أنا هدور على شغلانة تانية مع المسجد...ربنا يسهل..ادعولى

الرفيق حواس :
تحية طيبة وبعد...
عليك ان تحب ما تعمل حتى تعمل ما تحب
من قال لك أنك إذا أحببت ما تعمل سيؤدى بك ذلك إلى أن تعمل ما تحب..
أضف إلى معلوماتك:
قائل هذا المثل أكيد كان واحد فاشل ما عرفش يحقق حلمه فافتكس هذا القول الخادع الكاذب..لأنى حاولت مرارا وتكرارا حتى مللت المحاولة أن أحب العمل فى هذا المحل فلم أستطع..مع العلم أنى فى شهر 2 الماضى أتممت العام الرابع فى هذا المحل..
تخيل يا مؤمن يا موحد بالله..أربع سنين بحاول أحب ما أعمل حتى أعمل ما أحب ومش عارف ..يبقى أكيد المثل دا خاطئ..
وبعد إذنك أنا عايز اعتذار رسمى مشفوع بتوقيع من اتنين موظفين ومدموغ بورقتين دمغة واحدة فئة 15قرشا والتانية فئة 50جنيه بتاعة عقد الجواز ....لأنك جرحت مشاعرى المرهفة اللى هيا أصلا مش ناقصة واللى فيها مكفيها..وشكرا