مشكلة فى قريتنا منية سندوب - القهاوى - (( ادخل واتفرج وقول ايه رأيك))

بجد الموضوع حلو اوى
وبجد فعلا القهاوى كترت جدا \كل واحد مش عارف يشتغل ايه يقوم جايب كرسين وطربيزه وبوتجاز ويعمل قهوه ودى حاجه بقت تتضايق
وفعلا بيبقى اعد ولاد مش كويسين وللاسف رجاله كبيره ويفضلوا يقول كلام غير لائق لسنه ولا لوضعه
وفكره حلوه اوى ان كل بيت يشتكى القهوه اللى حوليه وبكده تنضف البلد بقى
وطبعا الصوره مش محتاجه غير كلمه واحده تسلم ايدك

الموضوع جميل فعلا وانا فعلا مبسوط من الدور الجديد للمنتدى والتطور الرائع دة وهو أنكوا بدأتوا تنزلوا إلى الشارع وتشوفوا مشاكل القرية وهو دة دورنا كلنا مش نقعد نتحاور على النت وخلاص وانا مع الاستاذ احمد بضرورة النصيحة والإرشاد وميكنش مقتصر بس على الجالسين على القهوة ولكن أيضا للبيوت المتضررة من هذا الموضوع بعدم الخوف أو الإحراج من الشكوى لأن هذا ضرر ليهم قبل ما يكون تشويه المنظر العام
وشكرا مرة تانية على الموضوع

بوركت وبارك الله فيك

اما بالنسبة لاهمية الصور

دي الصور دي متصورة بالنهار يعني رحمة شوية

ياريت نسخة ثانية بالليل علشان نشوف البنات والزحمة

اللى بتخليها يا مش تعدي من الشارع ده

ياتعدي وهي وحظها واحد يخبط فيها

او تتكعبل ورجليها تلف على بعضها وهيا معدية من وسط كل الرجالة دي

اوتسمعلها كام لفظ من اللى هما ( يخدشوا حياؤها )

الصور مهمة وبالذات صور البنات لانهم هم اللى متضرريين

مع احترامي لكل المشاركيين

ومع شكري لكل الغيوريين

ومع كل الحلول

ولدي حلول أخري

والتفاصيل فيما بعد

الموضوع جميل
طبعا احنا كلنا شيفين ان معظم الناس اللى على القهوة هم رجال كبار السن
. ده ..بيكون من وقت الفراغ الموجود لديهم
وطبعا اوقات الفراغ من الحياه اليوميه
وهم هؤلاء الناس مش قدرين يستغلو وقت الفراغ فى فى المفيد
وهم يفكرون بشكل سلبى
لو قعد فى البيت .. يلاقى وجع الدماغ
اولا .الزوجه
ثانيا . الاولاد....الخ
فيريحو الدماغ ...... ويخرجو على القهوة
وده تفكير سيىء
ده طبعا ...فطره...النهار
اما فطره الليل
فطره مخصصه لمعظم الشباب
الشاب يفضل نايم طول النهار زى القتيل فى البيت
ليه
علشان يصحا فايق
اللى بيعملوه
كالمعاكسه و التغليس و و و و و و الخ
طبعا على البنات
احنا مانقبلش ان البنت دى تكون اختنا
ومش على القهوه بس فى كل مكان
انا من رأيى
وان القهاوى بتسىء بسمعه البلد
ويتم اغلاقها القهاوى باى طريقه
وشكرا على الموضوع الجميل ده
جذاك الله كل خير

العيب ليس فى اصحاب القهاوى ولكن العيب فى اصحاب البيوت اللى أجرت لهم المحلات وعارفين إنهم هيفتحوها قهاوى

يا أبوكريم
واذا كان صاحب القهوه هو صاحب البيت
يبقى العيب فى مين ؟
أكيد فينا احنا

طيب انا صاحب صاحب المحل اللى جمب القهوتين
فعلا دى حاجه تخنق بس الناس اللى قاعدين على القهاوى دول ناس فاضين

السلام عليكم و رحمة الله و بركاته
وفي صحيح مسلم عن أبي هريرة رضي الله عنه قال : قال : رسول الله صلى الله عليه وسلم { من دعا إلى هدى كان له من الأجر مثل أجور من تبعه لا ينقص ذلك من أجورهم شيئا ، ومن دعا إلى ضلالة كان عليه من الإثم مثل آثام من تبعه لا ينقص ذلك من آثامهم شيئا } . فأخبر صلى الله عليه وسلم أن المتسبب إلى الهدى بدعوته له من الأجر مثل أجر من اهتدى به ، وكذلك المتسبب إلى الضلالة عليه من الوزر مثل وزر من ضل به ، لأن الأول بذل وسعه وقدرته في هداية الناس ، والثاني بذل قدرته في ضلالتهم ، فنزل كل واحد منهما منزلة الفاعل التام .

الموضوع أكثر من رائع و لكن علينا أن نفكر بمضوعية شوية معنا مجموعة من الحلول كما أقترح بعض المساهمين في الموضوع
تتلخص المشكلة في
سلوك خاطئ من الأتي :
أولا : من أقدم على فتح تلك المقاهي
ثانيا : من سمح لإستئجار جزء من بيته لتلك المقاهي
ثالثا : الجالسون علي المقاهي و هم من أبناء القرية
الحل الأولعلينا أولا أن نقرب من صاحب المقهى بالنصح و الإرشاد و التوعية بأن كل من يحدث من أذي للمسلمين من الجلسون علي تلك المقاهي سواء بالكلام أو الغمز أن اللمز أو الإيذاء البدي ( جراء المشاكسات و المعكسات ) فهو مشارك في هذا الذنب و سوف يحاسب عليه يوم القيامة هذا غير أنه مشارك في إفساد هذا الشباب و هذا الأمر ( نصح صاحب المقهى )صعب و لكن يحتاج الي صبر و مثابرة و لا يفعله أي أحد إلا أن يكون مقرب من صاحب المقهي أو شيخ جليل يسمع له أو لجنة من أصحاب الرئ في البلد حتي يتم القضاء علي تلك المهاهي التي تؤذي المسلمين ليل نهار
الحل الثاني
توعية أصحاب البيوت بعدم استئجار محالهم لتلك الفئة من الناس . و أنهم بتلك الإيجارات يشاركون أصحاب المقاهي في الذنب و لا يفعل ذلك أيضا أي أحد إلا أن يكون مقرب من صاحب المقهي أو شيخ جليل يسمع له أو لجنة من أصحاب الرئ في البلد
الحل الثالث
من يجلسون علي المقاهي فهولاء هم أقاربنا و جيراننا و علينا جميعا بأن نصحهم و نقدم لهم العون بالمطوية و الشريط و النصح بالحسنى وهذا يمكن أن نفعله جمعيا كما قلت سالفا لان هؤلاء إما قريب أو جار حتي نقدم المعزة الى الله

و أخيرا أقول إن على مشايخ القرية الفضلاء دور كبير في التوعية الجادة من جراء تلك العادات السيئة التى تعود على القرية بالضرر فعليهم أن يضعوا هذا الأمر محط إهتمامهم .

موضوع ممتازومشكلة المقاهى عدم وجود حاكم قوى للقرية يجبر الناس على احترام القانون
والدليل على ذلك المقهى الموجود فى ميدان ابو حرمى والذى يحتل اكثر من نصف الميدان