ما سبب تردى الاخلاق فى بلدنا

السلام عليكم ورحمة الله وبركاتة

والله يا اخوانى الكرام انا ترددت كتير قبل ما اكتب هذا الموضوع

بس استعنت بالله وقلت لازم اتحدث مع اصحاب عندهم من رجاحة العقل ما يجعل الكلام معهم والمناقشة مفيدة لى اولا ثم
لهم ثانيا ولم اجد افضل ولا ارجح للعقل من اخوانى واصدقائى على المنتدى

اكيد اخوانى بعد ماقرأو العنوان والكلمتين دول اكيد بيقولوا

ايه ياعم الدخلة دى ؟ اية ياعم الموضوع انت قلقتنا ؟

الموضوع يا اخوانى هو من الاهمية بمكان وهو عن حالة البلد السيئه من الاخبار اللى بنسمعها

كل شوية من حالات سرقة وحالات بلطجة

واعتداءت بالجملة على اصحاب المحلات

حتى ان بعض الناس اخبرنى ان فيه فى البلد بعض الشباب عملوا تشكيل عصابى واعتدوا بالاكراه على صاحب محل

عند ابو حرمى وضربوه وسرقوا منه مبلغ من المال وعندما ذهب وحرر محضر فى القسم ضدهم ذهبوا الى

بيته وارادوا ان يضربوه

ودى طبعا حالة من حالات كثيرة موجودة فى بلدنا ليس هذا مقام ذكرها واكيد اخوانا عرفين عنها اكثر منى

من 5 سنين يا اخوانى لم نكن نسمع اى شئ من هذا الكلام من قبل

بل ان الناس كانت تشير الى الانسان الذى ليس على خلق بالبنان وتعرف وتتجنبة

بل كان عند الناس اخلاقيات قلما تجدها موجود دلوقت

حتى ان الواحد منا لا يأمن على ابنته او اختة او زوجتة او حتى امه ان تذهب الى اخر الشارع اللى هو فية بيته باليل لاى سبب

انا طبعا يا اخوانى مش بسود الصوره فى عيونكم علشان الناس متقوش اننى معقد

بس انتوا كأعضاء من البلد مش معايا فى هذا الكلام

فما هو السبب فى الموضوع ده ؟؟

هل الناس نست ربنا لدرجه انهم مش فكرين انه يراهم وهايحسبهم ؟؟؟؟؟

هل وصل التردى الاخلاقى فى تربية النشء فى البيوت لدرجة التغاضى عن هذة الامور وعدم تعليمهم الصواب من الخطأ ؟؟؟؟؟

هل هو الفراغ وعدم شغل الوقت بما يفيد ؟؟؟؟؟

هل هو الاحباط من الحياة اللى احنا عيشينها ؟؟؟؟؟

وقبل هذا وذاك سؤال لينا كأعضاء :

هل من الممكن اننا نلتمس ليهم العذر فيما فعلوه فى حق انفسهم اولا ثم فى حق من ازوهم ثانيا؟؟؟؟؟

فما هو رايكم وجزاكم الله خيرا

موضوع حلو اوى يا احمد بس عايزه اقول حاجه ان العصابات اتكونت من خوف الناس يعنى واحد اعتدى وسرق ومحصلوش حاجه يقوم واحد صاحبه يقلده بما انها حاجه ببلاش كده ولما صاحبهم التانى وهكذا يشوفهم بيسرقوا ومش بيخدوا عقابهم زى ما بيتقال هيستحلوها بقى
والمفروض لا نلتمس ليهم لا عذر ولا حتى نصف عذر لانهم عارفين الصح من الغلط لانهم مش بيبقوا شباب وبس دول بيبقوا رجاله كبار وبيبقوا فاهمين كويس هما بيعملو ايه والمفروض لو اى شجار حصل من شخص اكتر من مره يبقى مسجل ومعروف ونهايته السجن ناشاء الله

موضع حلو كان لازم يتناقش اولا واخيرا مينفعش نلتمس لهم العذر لانهم زي ما اختي الكريمه قالت عندهم عقل ويعرفوا الصح من الغلط بس برضوا الفساد العام هو السبب ف كده من 5 سنين مكنش دا موجود لان كنا لسا قريه مش ظاهره اوي او بمعنى اصح مكنش فساد كبار الدوله ظاهر زي النهارده والسرقه والنهب اذا كان الكبار اللي مش محتاجين بيرتكبوا الجرائم تفتكر يا استاذ احمد الطبقه المنعدمه او اللي تحت الصفر زي ما بنقول يعملوا ايه

مشكور اخ حمادة موضوعك دا .....مش عارف كنت مخبية فين والله فعلا عندك حق..

....بس احنا الى عملنا كدة فى نفسنا ع فكرة الجبن والخوف .....وان الواحد يخبى ويعدى
دا ..كلة جة ع دماغنا احنا يالا ربنا يكرمك اخى

الاعضاء الكرام احلي دنيا و شيماء و yaso

شكرا على مروركم وتعليقاتكم الجميلة وزيارتكم للموضوع

طب يا اخوانى دى المشكلة واحنا عرفناها وحسينا بيها

طيب اية هو سبب المشكلة عيزين نعرفه ده اولا

وبعدين نناقش حل هذة المشكلة

وهى طبعا فرصة اننا معانا 2 اعضاء ائمه وخطباء ممكن يكون دة موضوع لخطبة جمعة ليهم

ويمكن ربنا يجعلنا سبب فى حل ولو جزء منها

دة مقترحى وياريت اعرف رايكم

شكرا لك يا ا/ أحمد على الموضوع الرائع

و كل اللى انت ذكرته تمام و حال قريتنا
لا يسر عدو و لا حبيب

بس انا شايف ان فيه أسباب كتير للمشكله دى
أولها
غياب الوعى الدينى و الثقافى لدى هؤلاء الشباب
و الخوف من الله انعدم عندهم
و كمان
دور الوالدين اختفى فى حياتهم
و دا بسبب سوء التربيه و الدلع الزائد عن الحد
و عدم تحمل هؤلاء الشباب لقدر من المسؤلية فى الصغر
أضف الى ذلك
غياب الرادع القوى و دا طبعا بيشجع هؤلاء الشباب
انهم يكرروا اخطائهم مرات و مرات

و السبب
الأخطر هو ان كل واحد مننا بيزيح عن دماغة
و يقول نفسى نفسى
و كمان
البطاله و محاولة الحصول على المال بأسهل الطرق

abo_medo2008 كتب:: شكرا لك يا ا/ أحمد على الموضوع الرائع

و كل اللى انت ذكرته تمام و حال قريتنا
لا يسر عدو و لا حبيب

بس انا شايف ان فيه أسباب كتير للمشكله دى
أولها
غياب الوعى الدينى و الثقافى لدى هؤلاء الشباب
و الخوف من الله انعدم عندهم
و كمان
دور الوالدين اختفى فى حياتهم
و دا بسبب سوء التربيه و الدلع الزائد عن الحد
و عدم تحمل هؤلاء الشباب لقدر من المسؤلية فى الصغر
أضف الى ذلك
غياب الرادع القوى و دا طبعا بيشجع هؤلاء الشباب
انهم يكرروا اخطائهم مرات و مرات

و السبب
الأخطر هو ان كل واحد مننا بيزيح عن دماغة
و يقول نفسى نفسى
و كمان
البطاله و محاولة الحصول على المال بأسهل الطرق

انا مع المستر حسام
بس المشكلة ان حتى خطب الجمعة مش هتجيب نتيجة ملحوظة
لان هذة الفئة مبيصلوش اصلالالالالالالالالالالالا

المستر حسام والاستاذ حواس

شكرا على مروركم وزيارتكم للموضوع

طب يا اخوانا كل دة جميل لكن اية الحل احنا مش عيزين نشوف المشكلة ونقف نتفرج

انا هاحكيلكوا حكاية انا شفتها بعينى فى راس البر اليومين اللى فاتوا

كان فى شاب ابن ناس واضح من لبسة وهيأتة ان اهلة مرتحين جدا مديا

وكان معاه عربية اخر موديل مسكناه فى شقة جنبنا وهو بيسرق

وبعد ما اتمسك اعد يبكى لدرجة انة صعب عليا واعد يقول

والله انا ابن ناس والله انا مش عارف انا بعمل كده لية انا مش محتاج والله انا مريض وعندى الداء دة ومش عارف اعمل اية

فهل دة يا اخوانا نفقد فيه الامل ونسيبة يمش كدة لغاية ما يقضى عمرة فى السجن

ويتحول الى مجرم فعلا ؟؟؟؟؟؟؟؟؟؟

ولا نحاول ناخد بأيده ونغير العادات الوحشة فيه

علشان ينفع نفسه والناس اللى حواليه ؟؟؟؟؟

hmada_1399 كتب:: المستر حسام والاستاذ حواس

شكرا على مروركم وزيارتكم للموضوع

طب يا اخوانا كل دة جميل لكن اية الحل احنا مش عيزين نشوف المشكلة ونقف نتفرج

انا هاحكيلكوا حكاية انا شفتها بعينى فى راس البر اليومين اللى فاتوا

كان فى شاب ابن ناس واضح من لبسة وهيأتة ان اهلة مرتحين جدا مديا

وكان معاه عربية اخر موديل مسكناه فى شقة جنبنا وهو بيسرق

وبعد ما اتمسك اعد يبكى لدرجة انة صعب عليا واعد يقول

والله انا ابن ناس والله انا مش عارف انا بعمل كده لية انا مش محتاج والله انا مريض وعندى الداء دة ومش عارف اعمل اية

فهل دة يا اخوانا نفقد فيه الامل ونسيبة يمش كدة لغاية ما يقضى عمرة فى السجن

ويتحول الى مجرم فعلا ؟؟؟؟؟؟؟؟؟؟

ولا نحاول ناخد بأيده ونغير العادات الوحشة فيه

علشان ينفع نفسه والناس اللى حواليه ؟؟؟؟؟

لا حول و لا قوة إلا بالله

انا عايزه افهم حاجه يعنى ايه اللى خلاها يعمل كده لما يكون شكله ابن ناس وراكب عربيه اخر موديل وشكله يعنى مرتاح ولما تمسكوه يقول انا مريض ومش عارف بعمل كده ليه لالالالالالالالالالالالالالالالالالالالالالالالالالالا ده بيبقى طمع انه يقتحم شقه علشان ياخد منها شىء علشان يزود فلوسه بيبقى طمع وجشع ايه اللى يخليه يفكر فى كده يعنى ولازم طبعا يطلع باى حجه ادام الناس

والله يا اختى الفاضلة

انا عن نفسى صدقته وإلتماست له العذر

.......شكرا على الموضوع الجميل ده.......
بس الموضوع جه متاخر
انا اعطكد ان السبب ..الصحبه السوء
الرد كان رائع من الاعضاء

.. اشكرهم ..