بحبك ....... موت

موضوع: بحبك ....... موت الثلاثاء 14 يوليو 2009, 2:56 am

بقولها وبصوتي الكسير اللي الخجل كمل عليه
ما اقصدش إني أجرَّحك
أو ألعنك
أنا بلعن الليل اللي نشف دمعتك من برد ساكن في الطريق
أنا بس خنقة روحي دايسة على الجروح
بتعض مني القلب
تعصف بالجناح
ترميه لأسفل أرض
تخنق فـ النشيد اللي ابتديته ،
يوم ما دقت الشوق لبن
من صدرك الحاني العفيف
والريح تطوح في الكلام
وبتقلب المعنى فيفهم كل شاعر إني فوق قبرك
بصب الكاس وبسكر
فاوصفك أسفل نساء العالمين
أو لعنة فوق كل اللي داق كاسك ،
وداق المر واتجرجر فـ ديل تعابين
وليه فايتاني ؟
ناسياني ؟
طب استني
تروحي لمين
تروحي لمين وانا حضني برغم الضيق براح
مداح انا فيكي
وانا الدرويش إذا قِمْتِكْ في ورد الليل سجود وركوع
وانا المجذوب إذا بانت مقاماتك بكل خشوع
وانا الموجوع
وانا الموضوع في حدوتة ماليش دعوة
ضعيف خايف
وانا الممنوع أبوسك بوسة الإبن اللي راجع ليكي
واستشهد على إيدك
تروحي لمين وفايتاني
يا ريتك تبقي سامعة الآه ضنا قلبي
وربك عشت بتحسر على الكلمة اللي طلعت فـ الفضا أنفاس
زفير بيلاحق التاني
وضلت مني ألحاني على عودك
فلحنت الكلام تاني بكل التيه
وانا منك
وتكوينك ما بين بيني
وبيني بيلعن الغربان إذا احتلوا المكان
عدوا على كل الطرق
قافلين معابر ضحكتك
سادَّين عليكي طريقك المفتوح زمان للناس
وانا لساني بتمشى على جبينك
وحقك تزعلي مني وانا النبت اللي ضل الأرض
واتكبر على جدره بشعره وفارق المسموح
لكن وشهادة من قلبي
ما هوش ذنبك بإن الليل يصر الويل فـ منديلك
ويطْفي عيونك القنديل
ويلعن فيكي وفـ ناسك
وانا ناسك .... وخان العهد واتجرأ على وِرْدُه
صلاته الحسرة والنصرة تفوت حاله
وترحاله ...... قدر مخطوط على وشه اللي متشقق
جرئ يمكن
شجاع يمكن
غبي ......... ممكن
لكن الذنب مش ذنبه
ما هو انتي اللي بنيتي الشعر شريانه
وحلفتيه على المصحف ليلعن وش سجانه
وحلفتيه وبالغالي يقول الشعر ما يخافشي
وجرأتيه وقلتي له يهاب الله وما يهابشي سواد الليل
فلما لقاكي عالمسرح بتتهزي لكل عويل
ما صدقشي
برغم انك على الأشواك
وكرباج اللي ما يرحم على ضهرك
ولكن للأسف صدق بإنك أقوى
فاستقوى عليكي وكترت الحواديت
وانا الشاعر بأمرك لما خطيتي سطورك فيا موالك
وانا الشاعر
بتاخده الشهوة فـ الأبيات
وتاه حين تاهت الدفة
فلملم قهرته فـ كفه ولملم حسرته أموات
أنا عيل شريــــــــــــــد سكران
وتايه فيكي والقول اللي انا قلته
ما يفهمهوش غير اللي داق من الكاس اللي انا شربته
وعاش مسجون بلا أسوار
وشاف الموت
وصاحب سمه وانيابه
وباس بابه
عشان يرحم دموع عينك
ودقك وشم فوق قلبه
وقلبي شفيف
وهمسي خفيف
ما بيعديش غير اما يبوس تراب أرضك
لكن ممنوع يكون في النور
فمستني ضلام ليلك عشان حُضنك
برغم اني بكل الحب بلعن فيه
لكن أسف
بحبك موت
أنا بحبك موت .....

شكرا ليك ونتمنى كمان احسن من كده بس يا عم عوزين حاجه من عندك

مشكوووووووووووووور

مفيش حاجه من ابداعتك على العموم مرسى على المجهود الجميل ده

موضوع: رد: بحبك ....... موت الأحد 19 يوليو 2009, 2:45 am

شكرا ياأستاذ محمد تيموووووووووووو

مرسى على مرورك يا إيمى وتسلمى على ردك الجميل

» أيوه بحبك .. بقلمي
» اية شعورك لما يتقالك (بحبك)
» بحبك بلغات العالم
» حبيبى ...كل عام وقلبى ينبض بحبك
» خايف اقول كلمه بحبك....