اسئله غبيييييييه

لسلام عليكم يا احلى اعضاء...

دى بقه شويه اسئله غبيه باجابتها !!!

* ايه الشبه بين الجرنال والشمس ؟

ج) الاتنين بيطلعوا الصبح

* ايه الشبه بين التفاح و الكمثرى ؟

ج) الاتنين مش جوافه
* ايه الشبه بين الصعيدى الذكى وسوبر مان؟

ج)الاتنين خيال علمى

* ايه الفرق بين الصحراء . وايام الاسبوع ..وموس لورد ؟

ج)الصحراء مافيهاش حد
ايام الاسبوع فيها حد واحد
وموس لورد فيه حدين

* واحد وقع من الدور التاسع لقى ايه ؟؟

ج) لقى مصرعه

* واحد وقع من الدور العاشر لقى ايه ؟؟؟

ج)لقى حتفه

* ليه الارنب مبيعديش من قدام القهوه ؟؟

ج)علشان بيخاف من السحلب المكار

* دكتور اسنان ارتكب جريمه يسجنوه فين ؟؟؟؟

ج) فين؟؟
فى سيجنال تو

* ليه نابليون كان بيقعد قدام التلاجه ؟

ج)علشان يستنى حمله فريزر

* ايه هى قمه الادب ؟؟

ج)انك تخبط على التلاجه قبل ماتفتحها

* ايه هى قمه الصبر ؟؟

ج)انك تستنى حد يفتحلك

* ايه هى قمه الدهشه ؟

ج)حد يفتحلك فعلا

*ليه فى الارجنتين مش بيزرعوا تين ؟؟

ج)لانها من الدول اللاتينيه

* ايه الفرق بين الزمالك والشامبو البرت بلاس ؟؟

ج)البرت بلاس اتنين فى واحد .ولكن الزمالك اتنين فى عبد الواحد

طيب اية الفرق بين ردى
ورد العضو اللى بعدى؟

اكيد اللى بعدى احسن

انا الى بعدك
بس عمرى ماجى حاجة جمب رد حضرتك يا استاذ
حــــــــــــواس
...........................
موضوع جميل يا اميرة
وسؤال يطرح نفسة
اسم بلد اوربيا لو حطينا نقطة على اخر حرف فيها اديتنا اسم عالم زرة
.............................

انا ممكن ارد عليك بس هيبقى فيه مشكلتين
الرد.......الدوله قطر واسم العالم هيبقى قطز
المشكله الاولى......قطر مش دوله اوروبيه
المشكله التانيه........قطز مش عالم ذره
تخيل طلع سؤال اغبى من الموضوع نفسه
شكرا على مروركم الكريم
شرفتوا الموضوع

ماشى يا اميرة
حلتيها فى ثنية

هههههههههههههههههههههههههه
جميل بجد تسلمى اميره على الاسئله الجامده دى

ايه العسل دا كله
تسلم يا جميل
هو دا الغباء اللي علي حق
ههههههههههههههههههههه

شكرا على الموضوع الجميل

شكرا على مروركم الاجمل
شرفتوا الموضوع