افرح وازعج الناس

فى هذه الأيام كثرت الأفراح فى قريتنا والحمدلله وربنا يفرح الجميع وتكتر الأفراح أكثر وأكثر ولكن المشكلة فى الإزعاج إللى بيعملوها أصحاب الأفراح بداية من ذهاب العزال لبيت العريس فأصبح هناك ظاهرة غريبة على بلدنا إن العزال لازم يلف البلد كلها بالطمبل والمزمار والدى جى وهو نوع من الفشخرة إللى ملهاش لازمة علشان أبو العروسة يعرف الناس كلها إن جايب عزال لبنته محدش جاب قبله ولا بعده وطبعا الناس بتراعى بعضها وكله عايز يقلد بعضه حتى ولو كان فقير لازم يجيب لبنته عزال كويس زى جاره فلان وعلان هو مش أقل منهم
طيب حضراتكم جبتم العزال وربنا يفرحكم بس الناس ذنبها أيه فى الإزعاج والطبل والزمر والفشخرة الكدابة

والله ابو كريم......مش عارف اقول اية......
الله المستعان والله.........ربنا يهديهم....
يعنى هما لو معملوش كدة ااعريس والعروسة مش هيتزوجوا....
بجد دى مصيبة انا لله وانا الية راجعون........................

هى ظاهرة غريبة اليومين دول يا أبو كريم
و فعلا حاجة تضايق
لكن
هل الظاهرة دى فى بلدنا احنا بس و لا فى بلاد تانية بتعمل كده؟

طب و دى حلها أيه؟؟

كل التحية للأخ أبو كريم على موضوعاته الجريئة ومعك كل الحق .

ياعم الحاج هذا سلوك أفراد بمعنى أن هذا السلوك مني ومنك ومن أخويا وأخوك وعمي وعمك ويمكن القضاء عليه لو تكاتفت الأيادي وتصدى لهذا السلوك المشين كل من لديه رصانة واحترام ووقار ولكن وآآآه وألف آآآآه من لكن هذه ساعتها ستكون أنت المخالف وغير مشارك في فرحنا ولافرحان لنا . ياعم الحاج لقد فاقت تكاليف الزواج وخاصة لولي أمر العروسة كل الحدود ومنهن لله أمهات العرائس المخربات لبيوت أزواجهن والساعيات لتقليد أعمى لأختها وسلفتها وجارتها دون الأعتبار لظروفها وظروف زوجها ومنهم لله أصحاب الفلوس الذين ظلموا بقية الناس معهم ياعم ربنا وسع عليك بلاش تضيقها علينا وتظلمنا معاك في شراء أشياء لا فائدة منها غسالة أوتوماتيك مبتعرفشي تشغلها أو متقدرشي على تكاليفها وغسالة نص اوتوماتيك وغسالة عادية وغسالة اطفال والله جاااااي وحرام عليكم . الراجل بيجوز البنت وبعهدا إما يتجنن أو يتسجن أو يموت غيظا .
كمان الاضاءة التي يتم تركيبها في الفرح ( سرقة ) ثم بعد ذلك تتحسب على وعليك في الفاتورة يا أخي والله حرام ...حرام أرجوك يا أخ ابو كريم حاول تخف شوية في الموضوعات دي لأنك بتنكشني وانا مابصدق ونرجع تاني نقول معلهش ياعم كفاية .

أنا بحب انكشك يا أستاذ / مهدى لإننا اتعلمنا الجرأة منك وهذه مهمة المنتدى لابد أن يظهر السلبيات فى مجتمعنا ويسلط الضوء عليها ونحاول مع بعض تغييرها لكى يكون شكلنا أحسن أمام أنفسنا وأمام الناس

اراها فشخرة كدابة وعندك حق

» اخاف الناس اتستحى من الناس ولا تستحى من رب الناس ؟؟؟؟؟؟
» الناس فى غفلة...
» كلام الناس
» من محمود الى كل الناس
» الناس فى المستقبل