ازاى تعرف انك اتربيت فى بيت مصرى؟؟

مش عايزه اسمع صوت . وفي هذه الجمله تدريبا مبكرا على تقبل الديكتاتوريه التي ستواجها طوال حياتك

• تقعد في اول صف قدام السبوره .وهي الجمله تعودك على ان تكون في المقدمه دوما.

• لو مش فاهم حاجه ..ارفع ايدك وقول للاستاذ مش فاهم _ما تتكسفش..فاكرين المدرسين زي اللي كانوا على
ايامهم زمان

• اللي بيشيل قربه مخرومه بتخر عليه لوحده.

• ومالهم كتب الوزاره؟؟؟؟؟

• بص كويس وانت بتعدي الشارع

• ضرب امثله تشجع على الكفاح واشهرها "احد الاقارب اللي كان بيذاكر على لمبه جاز او على نور العامود
في الشارع نجح وخد الدكتوراه وسافر امريكا"

• متتأخرش بعد المدرسه وتقعد تلعب مع اصحابك

• افرد ضهرك

• مافيش مذاكره على المزيكا ..او..بتذاكر ازاي والبتاع ده شغال جنبك

• ماتمشيش حافي في السقعه ديه

• صليت العصر؟!

• اطفي التليفزيون وقوم ذاكر ,او اطفي التليفزيون وقوم خش اوضتك

• اوعى تقول لحد هات لي حاجه

• بلاش وقفه الشبابيك والبلكونات

• كل على مهلك .. وابلع كويس ..وما تاكلش وانت واقف وكل من قدامك ما تحفش

• كفايه رغي في التليفونات

• ماتقعدش قدام المروحه وانت مستحمي

• المسلسل مش هينفعك ..قوم

• وانت فاكر احنا مستنين منك حاجه؟!

• ما تعليش صوتك

• بلاش لعب في الشارع

• يا ابني اللي ذاكر ذاكر خلاص ..قوم نام

• بلاش لعب بالمقص ..بيجيب الفقر

• يابني كلم خالتك العيانه اسأل عليها

• اوعى حد غريب يديلك حاجه تاكلها ولا تشربها وتاخدها منه

• النوم لحد الضهر بيجيب الفقر

• اوعى تكدب عليا تاني مره

• لازم تأكل سلطه

• لو شفت خناقه مالكش دعوه بيها

• عيب..لازم تحترم اللي اكبر منك

• كلمنا لما توصل

• بلاش اكل بره

• مالكش دعوه بالسياسه

• لو فلحت ابقى تعالى

• ماتلبسش القميص على اللحم زي العيال

• ياابني انت مسطول ولا ايه

• انت فاكرنا نايمين على ودنا ولا ايه؟!

• وطي المدعوق ده شويه

• قوم اقرأ لك كلمتين ينفعوك

• ايه اللا مبالاه والاستهتار اللي انت عايش فيهم دول

• انت فاكرنا لاقين الفلوس دي في الشارع

• والله ما انت فالح ..وأدي دقني اهه.

• ماتتكلمش بصوت عالي في الحمام

• ماتنامش غير لما تغسل اسنانك

• ما تلزقش في التليفزيون كده..نظرك هيضيع

• سلم على عمك كويس يا ولد

• يا بني ماحدش بينفع حد في الزمن ده

• ما تطلعش ايدك من شباك العربيه

• قصه الغريق الكاذب اللي كل مره يقول الحقوني ..لحد ما غرق بجد

• ربنا يرزقك بعيل يوريك اللي ورتهوني

• التهديدات المخيفه شكلا والكارتونيه مضمونا .. مثل هأقطع ايدك او هأقطع لك لسانك .. اوهدبحك دبح

• طلع ايدك من جيبك وانت بتكلمني ....

• حول القناه ديه بلاش مسخره وقله ادب

• ما تطلعش على الملايه النضيفه ورجليك متوسخه كده

• نسيت تأكل ؟نسيت تشرب؟نسيت تقول هاتوا المصروف؟نسيت تعكنن عليا؟

• يالا يا ابو كحكه حمرا..انت فاكر نفسك هتقعد تأكل معانا ؟

• عايزه ابص الاقيك قدامي دلوقتي حالا

• ما تتشقاش في الفسحه وكل سندوتشاتك كلها

• آ دي اللي انت فالح فيه
__________________

اى خدمات
المـــــــ مصطفى ـــــــــاظ

يبقي انت اكيد مصر
علي راي الست
مشربتش من نيلها
موضوع جميل

ربنا يخليكى
يا مون ليت
على الرد الجميل

انا متاكده بعد كلامك ده انى اتربيت فى بيت مصرى 100%
سلمت الايادى مشكور

ربنا يخليكى يا ملاك
على مرورك الجميل

الصراحه
الصراحه
كده انا بيتنا مصرررررررررررررررى مليون الميه مش ميه واحده
الا نسيت تشرب؟ دى
ياااااااااه ياما سمعتها لما كنت اطنش الواجب واعمل نسيت الكراسه
عامله عبيطه بس على ميييييييييييييييييين؟؟؟؟؟؟؟؟؟؟؟؟
مشكوووووووور ع الموضوع الرائع بجد

يبقي انت اكيد مصر

لما تلاقى الجد فى ايدة حفيدة والنحية التانية السبحة فى ايدة
وبيقف وط الطريق ويقولة يا جدو ويمسك ايدو ويشدو ويقلوا
انا عايز اتوضى
************************************

» ازاى تعرف انك بتتفرج على فيلم مصرى؟؟!!(الحلقة الأولى)
» ازاى تعرف أنك في فرح مصري ؟؟؟؟؟؟؟؟؟؟؟؟؟؟؟
» ازاى تعرف صاحبك
» ازاى تعرف ان احد الفيتامينات ناقص لديك ؟
» ازاى تعرف الساعة كام وانت مش معاك ساعة ؟؟