اعتذاااااااااااااار

بصراحه يا شباب انا كان نفسي اساعد المنتدي هنا
واقدم كل العون ليكم

بس مش لاقي حد يشجعني ولا حتي بيشاركني اهتمامي
انا تركت الموقع الرئيسي اللي انا شغال فيه من 3 سنين وبيخدم اكتر من 150 الف عضو
بس علشان خاطر اسم المنتدي وهدفه

لكن للاسف

كل عضو هنا في وادي لوحده ومش بيهتم بأي شئ تاني

مفروض عدد الاعضاء وصل 26 مش بيتواجد منهم غير واحد او اتنين بالكتير
مع ان المفروض ان دول هما المؤسسين للمنتدي يعني مفروض تواجد اكبر وقت ممكن
والعمل علي تظبيط المنتدي ومشاركه الاخرين وتشجيعهم

لذلك قررت

الاعتذار عن كل الاقسام اللي تحت اشرافي

ولكن هظل متواجد كعضو عامل وفعال واكيد برده هقدم خبرتي للمنتدي هنا

وانتظروووووووووووا قريب جدا

موقع باسم منيه سندوب

موقع متكامل .. سيرفر قوي .. امكانيات بشريه وتكنولوجيه وماديه علي اعلي مستوي
داتا بتتجهز من اكثر من شهر عن البلد وعن كل مشاريعها و انجازاتها صوت وصوره
فكر عالي وتصور معتمد علي الخبره ..

مجموعه اشخاص فيهم الكبير في السن والخبره العاليه وفيهم لسه الطلبه اللي بيبدأو الطريق ..
بس اللي متاكد منه ان الموقع ده مش هيشوف النور قبل ما يكون جاهز 100 %
.. بالاضافه انهم هيكونوا علي اتصال مباشر بالجمعيات الموجوده في البلد
لتنفيذ اي فكر هيساعد البلد .. ومساعده الشباب

بجد حاجه هتشرفنا كلنا وهتفيدنا كلنا

وعلي فكره انا مليش علاقه بالموقع التاني ده بس انا بصراحه نفسي في موقع يكون باسم بلدنا وشبابنا
بس يكون قوي ويشرفنا ويقدر يقدمنا صح

وبأكد اني مش هسيب الموقع هنا

ارجو اني كلامي ميزعلش اي حد مني بس كان لازم اقوله
لان لو المنتدي بدأ غلط مش هيكون له اسم ولا حتي مكانه نهائي وهيفضل محلك سر

مش مهم اننا نسمع النقد .. الاهم اننا نستفاد منه ونتعلم منه اخطأنا

شكرا للجيمع

القلب الحزين

بصراحه ومن غير مجامله انا بحترم مواضيعك جدا وبقدرها لانك شخصيه تستحق التقدير
بس هو للاسف الانسان مننا بيزعل لما بيلاقي مجهوده ضايع ومفيش تقدير
ولا حتي كلمه شكر

بس علشان خاطر كلامك الجميل ده .. انا مستمر

nouranwr

عذرك معاك وانت عارف ان الكلام مش موجه ليك لانك بتعتبر من القليلين جدا اللي بيتفاعلوا معانا
هنا في المنتدي ..
يارب ظروف تكون مرت علي خير وسلام