نموذج للامتحان المثالى فى مصر

السؤال الأول التعبير
اكتب ما لايقل عن 650 سطر فى أحد الموضوعات التالية :
1) لم يجد الطفل غير الشارع ملجأ نظرا لحالة البلد الهباب..فاتجه إلىالسرقة والقتل والحشيش.. حتى نال جزاءه وقبض عليه متلبسا بباكتة بانجو..اكتب قصته مع تسليم الحِرز للباشا مراقب اللجنة
.
2) شهدت بلدنا الحبيبة نهضة متخته فى مجال التشييد والبناء وخصوصا بعد وصول سعرالحديد إلى 8000جنيه للطن. اكتب ما يمليه عليك ضميرك على أن يبدأموضوعك بعبارة أنا باشتغل فى حديد عز
.
3)بعد انتشار ظاهره التيفود التي ترجع اساسا الي شرب الماء الملوث بالصرف الصحي اكتب عن اسباب الظاهره و المؤثر فيها بس بدون غلط .. الورق متراقب

********************************************************************

السؤال الثانى القصة
من قصة ' وعهد الله ما انت داخل الانتخابات' ... اقرأ القطعة وأجب عن الأسئلة التى تليه

ثم أتى إليه وضربه بالجزمة وقال: انت عايز تترشح فى الانتخابات يامعفن يا بن المعفن ؟؟دانت عايز معجزة..مش كفاية بتاكلوا لحمة ومستورين.. عايزين إيه تانى؟
1) ما هى اللحمة؟ أو على الأقل حدد أقرب معنى خيالى لها .

2) مرادف معجزة فى اللغة ( نشوف رئيس تاني– نشوف حزب تاني– نشوف حاجه حلوه في ام دي بلد)؟

3) لماذ ضربه الرجل بالجزمة وليس بالعصى مثلا؟(كسل .. لسة هيرفع العصاية؟ - عشان العصاية قلة قيمة واحنا فى عصرالديمقراطية – عشان العصاية شغالة في واحد تانى)

4) حلل بمزيد من التفصيل جملة ضربه بالجزمة ومدى توافقها مع جملة مصر بتتقدم بينا

*******************************************************************

السؤال الثالث القراءة
من موضوع ( الزعيم..و الفنان.. والقدوة) اقرأ القطعة وأجب عن الأسئلة التى تليها :
وقد نفى الزعيم عادل إمام الإشاعات التى أكدت أنه مرشح لوزارة الثقافة..وأكد أنه فنان فقط وليس سياسيا كما أنه يرحب بالتوريث ومقتنع بكل سياساتالحكومة
1) ذكرنا فى الدرس أن عادل إمام سيتقاضى فى فيلمه القادم 12 مليون جنيه..فى رأيك ياعم المحروم تبقى البوسة بكام فى الفيلم؟؟

2) دخل كاتب هذه السطور مسرحية بودى جارد للزعيم رغم قرفه منه أساسا..فى رأيك ما السبب فى دخوله؟ ( أكيد معزوم – طبيعى معزوم – وربنا معزوم ) اختر من بين القوسين على أن تضع إيدك على المصحف وانت بتحلف للمراقب بتاع اللجنة
*******************************************************************

السؤال الرابع النصوص
أجب عن أحد النصين الآتيين
أ ) النص الأول من نص ( ماشربتش من نيلها) .. اقرأ ثم أجب ماشربتش من نيلها
.. جربت تغنى لها.. جربت فى عز ماتحزن تمشى ف شوارعها وتشكى لها
1) بعد رغبة صاحبة النص فى أن تلد ابنتها فى أمريكا لتحصل على الجنسيةالأمريكية.... ما المقصود بنيلها فى النص؟ المسيسبى - الأمازون –يانج تسى
2) هذا النص من نصوص الحزب الوطنى والدليل وجود اسم مهم من قيادات الحزبفى النص. استخرج الاسم. وبوسه من بُقـُّه ورجَّعُه مكانه
3) أكمل الأبيات إلى آخر كحكة فى الكليب
4) قوبل النص بانتقادات بسبب بعده عن الواقع..وضح من النص ما يتفق معالقول المأثور اطبخى ياجارية .. كلف يا سيدى
*********************************
ب) النص الثانى من نص (حين ميسرة)..أجب عن الآتى
1) اذكر اسم مصيبة واحدة محصلتش فى النص الأسود ده
2) وضح عبقرية أحمد بدير الإرهابى فى النص وهو يكتب رسالة على الكمبيوترباستخدام أزرار الأرقام فقط ومفيش حروف.. ويعطى أمر التنفيذ بزرار قايمةستارت مش بإنتر كمبيوتر إرهابى بقى
3) سبب وجود الشرطة كل خمس دقائق فى النص موسم ترقيات عقبال أملتك ولازم شغل – أخو خالد يوسف ظابط ولازم يخدم أخوه– عشان الشرطة بتراقب قسم البوليس اللى جنب أحداث النص اختر
*******************************************************************
السؤال الخامس النحو
أعرب ما تحته خط لو مالقيتش القطعة أصلا .. اتصرف
ذهب الرئيس إلى المؤتمر .. ضع الجملة السابقة فى صيغة المثنى.. ماعداالرئيس طبعا ياكلب
كان جمال مبارك مقرفا.. ضع إن مكان كان.. على ألا تنصب جمال.. عشان هوه بينصب لوحده
فُرِضت الضرائب علينا ببشاعة ..أعرب الجملة .. وارفع الضرائب أبوس إيد أمك
******************************************************************
السؤال السادس الخط
كوز المحبة انخرم..طرطش على كمى..ياحبيبى بطل جفا وارحم امى
اكتب الجملة السابقة ثلاث مرات بثلاث خطوط مختلفه
خط موبينيل
خط فودافون
خط اتصالات

تمام
موزززززززززززززززززززززز

على فكره يا محمود انت مشكله
وموتنى من الضحك يخربيت كده ايه الجمال ده هههههههههههههههههههههههههههههههههههههههههههههههههه والموضوع جاااااااااامد جدااااااا (بلدنا امانه فى ايدينا نعليها بدام عيشين) هههههههههههههههههههه وابقى هاتلنا من ده حاجات تضحك ومواضيع لطيفه بجد عجبتنى Very Happy

هههههههههههههههههههههههههههههههههههههههههه

هههههههههههههههههههههههههههههههههههههههه
هههههههههههههههههههههههههههههههههههه
اضحك الله سنك محمود انتا عسول اوى با اخى...
بس حاسب لموضوعك دا يكزن متراقب.............
انتا ضحكتنى كتير كتير محمود.............

» اعرف وزنك المثالى
» شوف الطالب الفاشل بيدعي اذاي للامتحان
» نموذج امتحان مهم جدا لو عاوز تنجح
» لغه عربيه أولى ثانوى (نموذج لاختبار اللغة العربية العامة)