رقم تلفون الريس

عندما أعلن الرئيس مبارك عن تليفونه حتي أمسك جميع المواطنين بتليفوناتهم
فرحة كبيرة ... إنتابت الجميع
كان أمل الجميع ... شرف مكالمة الرئيس ... وعرض مشكلته عليه !!
حتي الأطفال ... حبوا أن يكلموا ... جدو الريس
وطلبوا منه طلبات غريبة جداً ... عيب أقولها ليكم !!!

رقم محمول ... الرئيس !!

أشارت مجموعة من خبراء العلاقات العامة علي الرئيس مبارك
أن يقوم بنشر رقم تليفونه المحمول في جميع وسائل الإعلام
لتحسين صورة الرئيس وزيادة شعبيته والتي أظهرت إستطلاعات الرأي أنها في تراجع مستمر

وافق الرئيس علي أمل أن يحدث التواصل المطلوب بينه وبين أفراد الشعب
ويتعرف بنفسه علي مشاكلهم وسبب عدم رضائهم عنه
رغم مخاوفه الشديدة من كثرة التليفونات وإمكانية تعرضه لمكالمات غير لائقة من مغرضين ومندسين
بين صفوف هذا الشعب المدهش المطاوع المسالم المهاود

وبمجرد أن وافق الرئيس تم عمل حملة إعلانية ضخمة وغير مسبوقة في طول البلاد وعرضها للإعلان عن الرقم
وتم كتابة الرقم علي لوحات مضيئة عملاقة أعلي العمارات والمباني الحكومي

وقد صيغت الدعاية بعبارات جذابة وشيقة
منها

إتصل برقم الرئيس ... وإنت وأهلك هاتهيص

إتصل بالرئيس ... يكون لك خير ونيس

اتصل بمبارك......الخير يقل من دارك

ولم تنس الدعاية للمرأة في هذه الحملة فكان منها ما يقول

إتصلي بالرئيس ... وبكره يجيبلك العريس

اتصلي بحسني.......العادلي هايجي ويدوسني

هذا خلاف الإعلانات التليفزيونية والكليبات المثيرة التي رصد لها ملايين الجنيهات حتي تخرج الحملة بصورة مشرفة ووطنية

وتم الإتـفاق أن يسمع المتصل أغنية بدل سماع الجرس عن طريق خدمات (( الكول تون )) قبل أن يرد عليه الرئيس أغنية

آآآلو الريس فين ... الريس هنا ... هنا هو ... أقولوا مين بيكلمه

وذلك لأن هذه الأغنية سهلة وتوحي أن الرئيس قريب ومتواصل مع شعبه

وكان الخلاف حول المكالمة هل تكون مجانية أم لا
وتم حسم الموضوع بأن تكون هناك رسوم
لزيادة الدخل
وتنمية الموارد
ودفع عجلة الإنتاج
وعمل ودعم مشاريع الصرف الصحي والمياة
وعمل نهضة تنموية مستقبليه

وأخيرا

جاءت ساعة الصفر ... وبدأت الخدمة ... وتلقي الرئيس عدة مكالمات

المكالمة الأولي

- آلوووو
ايوااا
انت الريس

- ايوا يا حبيبى انا عمك مبارك؟؟؟

- أنا ياريس دخلت قسم شرطة أعمل محضر قام الظباط والمخبرين ضربوني علي قفايا
وجابوا ساعة رقمية وقعدوا يشوف من حيضربني أكتر علي قفايا في الدقيقة
وماخلصوش إلا لما ظابط المباحث عمل رقم قياسي وضربني 80 ضربه على قفايا في الدقيقة
لغاية ما قفايا ورم ونظري ضعف
يرضيك كده يا ريس وأنا ولا مجرم ولا حاجة
أنا كنت رايح أشتكي وأعمل محضر في الجيران

- بص يا مواطن
إحنا كلنا في خدمة الوطن
والشعب في خدمة الشرطه
لما يكون ظابط بيحميك ويحمي أولادك إيده بردانة شوية وعايز يدفيها ويسخنها في قفاك ده يزعلك
لازم تضحي شوية علشان الوطن

- شكراً ياريس
ربنا يخليك لينا ويخليك للوطن

المكالمة الثانية

- آلووو
ايوااا
الريس معايا شخصيا

- ايوااا قول يا حيوان ايه مشكلتك ؟؟؟

- أنا يا ريس وغيري ملايين ساكنين في المقابر وتحت الكباري وفي عشش في ال...

- اسكت اتكلم عن نفسك بس يا مواطن بلاش تعميم
إنت عايز تعمل لي تنظيم علي التليفون ؟!!
فاهم ... ولا أفهمك بطريقتى !!!

- فاهم فاهم يا ريس

- كمل يا مواطن

- نفسي في شقة من إللي بتتوزع علي لاعيبة الكورة
والعقود إللي بتتوزع وبنشوف تصاويرها في التليفزيون

- واضح يا مواطن إنك مش متعلم ومش فاهم حاجه
تسكينك في المقابر إنت وغيرك ده له حكمة عظيمة
إنت عارف إن الدين بيأمرنا بزيارتها للموعظة والإعتبار من وقت للتاني عشان نعرف إنها دنيا فانية
وإنت محظوظ كل يوم وكل ساعة بتتعظ
ده إنت تحمد ربنا إننا مخدناش منك ضريبة اتعاظ

- طب ما تيجي يا ريس تتعظ عندنا شوية

- إخرس يا كلب يا بن الكلب ...

دببببب
وتم غلق الخط

المكالمة الثالثة

- آلووو
ايوااا
الريس حبيبنا معانا

- ايوا ايوا كدا إيه مشكلتك يا حبيبى ؟؟؟

- أنا يا ريس شاب عندي 29 سنه ومتخرج بقالي 9 سنين ومش لاقي شغل
ولسة بآخد مصروفي من والدى
وقاعد علي القهوة طول اليوم
نفسي أشتغل يا ريس

- إنت غريب قوي يا مواطن
مش تحمد ربنا إننا مريحينك
عايز تروح للشقي برجليك
وبعدين مالها قعدة القهوه
إتعلم منها حاجة تفيدك
ممكن تبقي بطل شطرنج زي كسباروف
وساعتها تعرف إن جلوسك علي القهوة كان مصلحة

- ياريس عايز أكون نفسي

- متكونها يا حبيبي حد حايشك ؟؟!!

- أكونها إزاي من غير شغل ؟؟!!

- إيه يا مواطن أنا ماسك أعصابي
إنت عايز البلد تكون ملايين من الناس
إحنا فاضينلك ولا إيه ؟؟!!
إحنا عندنا عيال بنكونها برضوا
خلي أبوك يكونك ياله يا مواطن

دبببب
وتم غلق الخط

المكالمة الرابعة

- آلووو
صباح الخير يا ريسنا يا جميل

- ألوووووووووو
صباح الجمال
أيوا موزه
حلو الدنيا طريت وبقي في موزز بتتكلم
إيه مشكلتك وأنا أحلها ليكي في فمتوثانية

- أنا يا ريس وصلت لسن 35 ومش لاقية عريس
نفسي أتجوز زي البنات كلها ويبقي عندي بيت وأسمع كلمة ماما

- هاهاهاهاهاها
إنت تحمدي ربنا
جواز إيه وقرف إيه
خلفة وطبيخ وواحد متخلف ينكد عليكي ومسئولية
خليكي كده
و ابقي تعالي وانا هاحل المشكله شخصيا

- يا ريس
نفسي أحب وأتحب

- يا مواطنة
حب الوطن كفاية عليكي

يعني أتجوز الوطن وأجيب منه عيال !!!

مبلاش قله ادب هاتجيبي عيال من الوطن كله شعب سافل صحيح

دبببب
وإنتهت المكالمة

لو الرئيس اعلن عن رقم تليفونه بجد واتصلت بيه هتقوله ايه ؟

ايه ده ولا واحد عنده مشكلة يتصل يقولها للريس

ماهو مفيش حاجة هتتحل من المشاكل
علشان كدة اتعب نفسي واتصل ليه

هههههههههه مشكور اخ محمود موضوعك ........مضحك اوى
ربنا يكرمك اضحك الله سنك وجزاك الله خيرا

انا عن نفسى لو كلمت الريس هقوله ان موظفين الحكومه مبيعملوش اى خدمة غير بالرشوة وهقوله ان اعضاء مجلس الشعب اذا كان حزب وطنى او اى حزب تانى مبيعملوش غير مصالحهم فقط وهقوله تجار المخدرات كترت فى البلد وهقوله خدمات المستشفيات صفر

جزاك الله خيرا موضوع جميل
جعلني أفكر كثير............
أقول له إيه ولا إيه ولا إيه ولاإيه أقول له
الأفكار تتزاحم في عقلي
والكلام كثير نفسي أقوله ....... ولكن أقول له
ياريس أعلم أنك معك نعمة ومسئولية مسئول عنها أمام الله.... تحاسب عنها أمام الله فتش عن رعاياك

هقوله..فاكر العبارة اللى غرقت يا ريس ؟؟؟
وعشان كدة احنا اخترناك..

فاكر يا ريس
فاكر العبارة... فاكر الالمظاهرات التى تحدث فى مصر كل يوم من أساتذة جامعات وحتى المصالح الحكومية

شوفت يا ريس

شوفت الرشوة والفساد والظلم والواسطة والغلاء والبلطجة
علشان كدة اخترناك

والله الواحد ماعارف هيقوله ايه ولا ايه........
دا انا مخى ورم من كتر اللى فيه وكلهم18 سنه
امال اللى عايشين بقالهم 70,80 سنه يعملوا ايه
الله يسامحك على اللى عملته بس بعد ما يخلص حق الشعب منك

الشيخ أحمد فوزي فارس كتب:: جزاك الله خيرا موضوع جميل
جعلني أفكر كثير............
أقول له إيه ولا إيه ولا إيه ولاإيه أقول له
الأفكار تتزاحم في عقلي
والكلام كثير نفسي أقوله ....... ولكن أقول له
ياريس أعلم أنك معك نعمة ومسئولية مسئول عنها أمام الله.... تحاسب عنها أمام الله فتش عن رعاياك

انا بقى مش هتصل بيه ده الريس كبيره اوى رساله بنص جنيه واكتب فيها كلمتين كلمتين وبس (روح منك لله) وربنا يستر لو فى مخبارات على المنتدى naughty

ان هقول للريس السمك عجبك yes احب اوجه كلمة لاحلى دنيا
خلى الكلام دا فى سرك :) وربنا يسترنا

متحفش العيش والحلاوه فى الخدمه واحنا بردو عشره منتدى هههههههههههههه laugh

أقولوا اتق الله

ربنا يستر ومتمسكش

إذا كنت فرحاً بما فى يدك الأن فاعلم أنها تكليف وليست تشريف .

ولا يغرك من حولك من النافقين الذين يصورون لك بأن الناس من غيرك لن تعيش.
وأعلم أن لكل مواطن شكوا ضدك وسوف يعرضها أمام الله فبدأ بإعداد الدفاع.
وسؤالى لك بعد ثلاثون عام من حكمك. لم تصبح مصر دوله متقدة زراعين ولا صناعين ولا تجارين ولا تكنولوجين ليييييييييييييييييييييييييييييييييييييييييييييييييييييييييييييه

اية يا حاج محمود هدى اللعب شوية انت عايز تودينا
على فين احنا بنحب الريس afro

على فكرة انا لو اتحبست هفتن عليكوا كلكوا انا من اول قلم هقول على كل اللى فى المنتدى

قشطة يا حاج انا قلت اللى عندى انا بحبك ياريس بأمارة السمك lol!

هجيبك معايا انت مفكر انك كدة هتخلع

حبيبى ما احنا لنا ناس وصلة هناك فى الكويت انت مش هتتمسك احنا بس .صباحك عسل _@$
المهم سلاملى على محمد رضا

محمود شيحة كتب:: على فكرة انا لو اتحبست هفتن عليكوا كلكوا انا من اول قلم هقول على كل اللى فى المنتدى

ايه دا
ومن أول قلم
طيب يا جماعة
أنا كدا بقى أستأزن وأسيبكوا مع بعض وممكن تعينوا مدير تانى
بدل ما يفتن عليا يودينى فى أبوا زعبل

فى سركوا كدا ومن غير ما حد يسمع
أنا لو معايا رقم تليفون الريس
هأقوله كلمه فيه واحد هنا فى المنتدى كل شوية يقولهالى ويغيظنى بيها ومش عاتقنى والمشكلة انه مش بيقول السبب
وشكلى كدا هأنفز فيه قانون الطوارئ
هأقوله (( اتقى الله ))
أوعوا يكون حد سمعنى
أنا عارف انكوا جدعان ومش هتقولوا
ياعم محمود احنا اخوات برضه

بصراحة انا لو كلمت الريس هقولة تعالى اشترك معانا فى المنتدى احنا معانا ناس زى الفل هههاى ياهو اهو ههههههههههههه

nouranwr كتب:

محمود شيحة كتب:: على فكرة انا لو اتحبست هفتن عليكوا كلكوا انا من اول قلم هقول على كل اللى فى المنتدى

ايه دا
ومن أول قلم
طيب يا جماعة
أنا كدا بقى أستأزن وأسيبكوا مع بعض وممكن تعينوا مدير تانى
بدل ما يفتن عليا يودينى فى أبوا زعبل

فى سركوا كدا ومن غير ما حد يسمع
أنا لو معايا رقم تليفون الريس
هأقوله كلمه فيه واحد هنا فى المنتدى كل شوية يقولهالى ويغيظنى بيها ومش عاتقنى والمشكلة انه مش بيقول السبب
وشكلى كدا هأنفز فيه قانون الطوارئ
هأقوله (( اتقى الله ))
أوعوا يكون حد سمعنى
أنا عارف انكوا جدعان ومش هتقولوا
ياعم محمود احنا اخوات برضه

ولا يهمك يامستر فاروق
انا مسمعتش ولا كلمه من اللى قلتها خالص رقم تلفون الريس 646193

انا لو معايا تليفون الريس هقوله السيد رئيس منتدى جمهورية بلدنا العظمى (زميل سيادتك) رقم تلفون الريس 951399

بيقول كذا كذا كذا ................. رقم تلفون الريس Affraid

يا نهار أبيض
بكدا أنا رحت ورا الشمس
وأنا ال كنت فاكر انك مش هتقولى لحد
تبيعينى كدا بسرعة
ماشى ماشى

انا لو كلمت الريس هقول كلمتين
ربنا علي الظالم والمفتري بس
دول كلام كتير انا عارف
واذن ان دي دعوة بطلبها من ربنا محدش هيقدر يتكلم
والي ياخذ الكلام لنفسه هو حر انا مالى

والله انا ممكن اتحمل قلم كمان عشان خاطرك يا فاروق

سلامك وصل يا بطة

تسلم يا غالى

يا نجم بلاش كلام فى السياسه
هيحبسوك
وانا مالى علاقه فيك

» انا الريس
» تعمل ايه لو بقيت الريس......وربنا يستر