أنت أبيض ولا أحمر؟؟؟؟؟

سؤال متكرر ومشهور أنت أبيض ولا أحمر ...

ناس بتشجع دا وناس بتشجع دا ناس بتحب بعض علشان دا وناس بتكره بعض علشان دا...

ناس ماتت لما دا خسر وناس فرحت وظأططتت لما دا كسب...

بس ياترى هى الحاجة دى مهمة للدرجة دى... طبعا إنتوا عارفين رأيى أو بعضكوا على الأقل...

حتت بلستك منفوخة وناس بتجرى وراها...

أنا بلعبها وساعات قليلة بتفرج عليها يعنى مبقولش حرام...

بس عمرى ما هموت علشانها... ولا هكره مسلم علشانها ...ولا هسيب الصلاة علشانها ...ولا هيبقا عليا إمتحان بكرة

ومذاكرش علشان أتفرج عليها...ولا هشتم وسب علشانها(ولا لحاجة غيرها إن شاء الله)...ولا هغفل عن حال المسلمين برده علشانها

تعرفوا إن إسرائيل ملهاش غير فريق كدا أى كلام بتخش بيه كاس العالم وبتخسر...علشان بالنسبة ليهم مش المهم يكسبوا

متش لكن المهم يعرفوا إزاى يصيطروا علينا فكريا وسياسيا وجغرافيا وإقتصاديا وعسكريا ولو طالوا عقائديا...

وإحنا نفضل نقول أنت أحمر ولا أبيض

ياترى أنت أحمر ولا أبيض.؟؟؟

والله يا دكتور كلامك تمام ومظبوط مائه بالمائه ... المغالاه فى أى أمر والتعصب له انتكاسه ... وخصوصا لما تكون حاجه ثانويه ... لكن فى زمن خلا من نصر واقعى ... يبقى الوهم بيتعمل منه امجاد ... فى زمن جفت فيه الفرحه والاخبار الساره من الداخل والخارج ... يبقى لازم الناس تدور على متنفس أخر ... فى زمن الامال والامانى والانتماء فيه قل لدرجه اعتبارها اشياء خارقه للعاده .. .يبقى لازم الانتماء لشيىء .. أحمر ولا ابيض ... لأن الانسان بطبعه كائن غير محايد ... يبقى لازم يدور على جنب ينتمى له ... صح غلط وطبيعته ايه ماتفرقش... عايز انتماء وخلااااااص ... عذرا على الاطاله

جزاك الله خيرا
اسلوبك جميل
عندك حق الكورة اليويمن دول واخدة وضع كبير قوى زيادة عن حجمها الطبيعى
وانا بقى لا أبيض والاااا أحمر
مليش ف الكورة والحمد لله

نورت الموضوع يا دكتور محمد أنت وأخويا عبدالله

أسعدتونى بتواجدكم فى الموضوع

نسأل الله أن يجعل إنتمأنا للإسلام نحزن لتأخرة عن الركب ونسعد عندما يكون ديننا أولا

جزاكم الله خيرا

ساعات بتحكم الظروف وببقي ابيض لان ف الحاله دي ماينفعشي ابقي ااحمر
وساعات بردوه ببقي حتما ولا بد ابقي احمر لان لو موش احمر الساقع هيضيع عليا
انما ف الاصل انا مون لايت يعني لا ابيض ولا احمر
ههههههههههههههه
يااااااااااااااااتري بقي انت ابيض ولا احمر؟؟؟؟؟؟؟؟

الحمد لله رب العالمين

الذى من على وجعلنى

لا ابيض ولا احمر ولا اى لون كروى

أنا أظن الناس المتعصبة للون معين

عفوا يعني من دون زعل دا إنسان تافه

لأن الإنسان يزعل ع شئ قيم مش شئ هيزول

دا يسمي إنسان دنيوي وميعرفشي المتعة الحقيقية فين

بس الابيض و الاحمر كلها الوان ولكن اهم لون لون مصر
مفيش واحد بيحب الكورة ومتعصب ويهتم بمصر الي بيحب الكورة لازم يشجع مصر مفيش فرق بين ابيض واحمر
انما الي مبيحبش الكور مايزعلش ولكن في الاهم ثم المهم حتي لو كانت الكورة مهمة ففي اهم منها