الجاموسة والسياسة

"الرئيس المصري يقبل استقالة وزير النقل على خلفية تصادم قطارين بسبب جاموسة"

وكان قطار درجة أولى مليء بالركاب اصطدم بقطار متوقف شبه خال من الركاب
على نفس القضبان بعد ارتطام القطار الأول بجاموسة مما تسبب في الحادث

نقلا عن العربية.نت

أعتقد حان الوقت لاحترام الجاموسة فى مصر ، فلقد تمكنت الجاموسة الشهيدة في الإطاحة بواحد من وزراء مصر بعدما فشلت أحزاب متعددة ، و أكثر من 80 مليون بني أدم في عمل ذلك.
وعليه أقترح أن يتم إنشاء حزب جديد مستقل إسمه "حسب الجاموسة"، ويرأسه جاموسه أو بقرة كباره كده، وشوية حمير وبهايم يبقوا أعضاء حزب الجاموسة. وأكيد مع التضحية بجاموسه أو حمار من أعضاء الحزب كل فتره سوف يتم استقالة الحكومة واحد واحد.

وذلك بدل ما عندنا رئيس وزراء "نظيف"، والشعب لسه "وسخ"، ووزير ماليه "غالى" والشعب "رخيص"، ورئيس شورى "شريف" والشعب هو اللى "حرامى"، ورئيس شعب "سرور" والشعب "حزين"، ووزير تعليم "جمل" والشعب " حمار"، ووزير إسكان "مغربى" والشعب "هندى"، ووزير إتصالات "كامل" والشعب " ناقص"، ووزير تجارة "رشيد" والشعب هو اللى "فييس وصريف" أوى، ووزير إعلام "فقى" والشعب "سميعه"
وعجبى
إبقوا تعالوا زرونى بعيش وحلاوه

الجاموسه دى مش جاموسه عاديه احنا نعمل ليها مقام ونزوره وناخد البركه لعل وعسى نتعلم منها عملت الى مش قدر عليها 70 مليون مصرى وسلام صعيدى لاجدع جاموسه

صرح مصدر مسؤل طخين المستوى ان الجاموسة المتسببة فى الحادث مختلة عقليا

والله الجاموسه حبت تنتحر فرمت نفسها تحت عجلات القطار
وكتبت افرار فى الزريبه انها انتحرت برغبتها البيهيميه
وانها غير مسؤله عن اى ضحايا بشريه او انسانيه
وفى جاموس قريبها كان واقف وقال
والله مش كفايا بيحلبونا وبيكلو لحمنا هما هيقطعوا كمان فى سيرتنا
ههههههههههههههههههههههه

بس العيب مش فى الجاموسه ولا فى سواق القطار ولا حتى فى الركاب

العيب ان مفيش سكه لمرور الجمايس والحيوانات
لما الجموسه رايحه تنتحر
امال الناس تعمل ايه ؟

اية يا أخوانه... جمايس أية وكلام فاضى أية...؟

زريبة لاموأخذة وجموسة وحمير

المنتدى رحته بقت مش تمام

اللى نقدر نقولة..........انا لله وانا الية راجعون

انا سمعت كمان ان الجاموسة دى انتحرت لانها شافت الطور حبيبها ماشى مع جاموسة تانية وكان جايب لها برسيم كتيييييييييييييييييييييييييييييييير وهى لأ

على الجاموسة يعنى على الجاموسة اة

جاموسة راحت تقابل جاموسة... اة جاموسة راحت تقابل جاموسة

ملقتهاش جاموسة يعينى لقتها بقرة يعينى يا ليل

ربنا يرحمك يا ا/يونس شلبى