سؤال لكل بنت وكل شاب؟؟؟؟؟!!!!!!!!!!

موضوع جميل فعلا وانا حجاوب عليه من وجهة نظرى
الصداقه انواع وصداقة النت ممكن تكون ساعات اجمل من الصداقه العاديه فى حاله لو ارتحت لمن قابلته
اما حب النت فده عمره ميدوم لان حيبقى فى شك متبادل بينهم واى مشكله صغيره بينهم حيعايروا بعض
تقبل مرورى

[center]

موضوع جميل فعلا وانا حجاوب عليه من وجهة نظرى الصداقه انواع وصداقة النت ممكن تكون ساعات اجمل من الصداقه العاديه فى حاله لو ارتحت لمن قابلته اما حب النت فده عمره ميدوم لان حيبقى فى شك متبادل بينهم واى مشكله صغيره بينهم حيعايروا بعض تقبل مرورى

انا مع راى اخى الامير الشارد فعلا دايما هيكون فيه شك فى الكلام الصديق الى بجد صديقك الى يعرف ظروفك كلها ادق تفاصيل حياتك وحتى التفاصيل الصغيره زى ايه الى ممكن يضيق ايه الى بيريحك اهلك بيتك سمعتك كل شىء عنك لكن صديق النت بتكون مجرد افكار شخصيات بتتقابل مع بعض
مش دم ولحم مجرد افكار بيتقابل افكار عقل بيحوار عقل انما انت كلك بتكون مع صديقك الى بجد جسم روح عقل كائن متكامل دا رايى وشكرا

انا مع رأى الاخت الى فوقى

وردا على الموضوع.......


بالطبع ياأخى إن صداقة النت لم ولن تكون مثل صداقة الواقع { العادية}

أما الحب والزواج عن طريق النت فالحكم يرجع إلى المعرفة أو التجربة المسبقة في مشاهدة مثل هذه الحالات.......

بالنسة للحب خمسة حالات بين أصدقائى واقاربى وحتى الآن ناجحة ....

أما بالنسبة للزواج فهم ستة حالات بينهم حالة واحدة ناجحة فقط ... وعلى حد علمى أنه لا توجد مشاكل بينهم حتى الآن هذا ويرجع إلى ظروف وعوامل كثيرة ........

أما بالنسبة لكلام النت من حيث واقعية صدقه أو كذبه ؟؟؟؟!!!

فهذا يا أخى يرجع إلى الشخص نفسه ..من حيث إدراكه للموقف الذى أمامه وتقبله له أو رفضه

وأمور كثيرة ........ ينبغى أن يعيها الفرد ويفهمها ..... قبل أن يصدق أو يكذب ما يقال له

وفي النهاية { تقبل مرورى}

ORTEGA كتب:

عايز اسئل سؤال لكل بنت وشاب ؟

هل صداقة النت تكون زى الصداقة العدية؟

هل حب النت يستمر الى الجواز ولو حصل هيكونو سعداء ام لا؟

هل هيكون بنهم صقة فى الكلام ؟

هل يكون فى حياةبدون مشاكل ؟

هل الكلام الى على النت بيكون كلو صدق مفهوش كذب؟
ياريت تفيدونى؟

شوف يا سيد اورتيجا ...اولا بعد السلام عليكم

اسمحلى وتقبلها منى بصدر رحب انى اصحح بعض الاخطاء الاملائيه التى وردت فى موضوعك

الصقه...هو الثقه
عاوز اسئل...عاوز اسأل
العديه....هى العاديه

اما بالنسبه لموضوعك فهو جيد....اذا ما ابتعدت عن مضمونه

بمعنى...والاسئله للعوام مش لحد بعينه(يعنى لكل الناس)....لو دخلت على اختك لقيتها بتحب عالنت...أو ببساطه لقيتها بتشيت.....هترفع ايدك وتديها على وشها ولا هتقولها خلاص كملى طالما انكم بتحبو بعض بصدق...ولما تقرروا تتجوزوا هكون اول الحاضرين؟؟؟؟
طيب اى واحده من اللى بيشيتوا....او من اللى بيصاحبوا عالنت

لو دخل عليكى بابا او ماما بتقفلى الصفحه وتدارى الكام ولا بتكملى عادى
وكأنهم مش موجودين فى وجودهم؟
طيب لو كملتى الشات وهما شايفينك بيوافقوكى ولا بينهروكى(يعنى يكلموكى باسلوب غليظ ويراجعوكى؟)

لو وافقوكى...فافعلى ما شئتى وبكره لما تتجوزى وربنا يكرمك ببنات هيتجوزوا من النت برضه

ولو مش موافقينك يبقى اسمعى كلامهم لانهم ناس كويسه

انا طبعا بقول وجهى نظرى الخاصه وليست موجهه لاحد ...لكن ان شاء الله فى الاجابه على هذه الاسئله من الجميع ستكون خلاصه الموضوع برضه من وجهه نظرى الخاصه

واوعو حد يقول ان اللى فى المنتدى صداقه...لالالا دى عرض اراء عالعام وليست شات عالخاص كلكم افاضل...
واظرف تعليق هو (لا تعليق)للاخ ياسين

اولا انا دخلت عشان اجاوب على سؤال واحد لقيت مجموعه اساله!!!!!
المهم انا شدنى الموضوع وحبيت اتكلم عن وجهه نظرى
اللى عرفته فى حياتى ان معنى الصداقه والحب معنى كبير وشامل ومهما اتكلمنا عن تعريفهم مش هنقدر نعبر لاان الكلمتين هما معنى وجودنا فى الحياه كبشر
وجهه نظرى بقى ان الصداقه الحقيقه مش مقصوره فقط على ارض الواقع وبس........لان
احيانا بتتكون صداقه اعمق واصدق فى العالم الافتراضى(((النت))) وبدوم اطول وغالبا صداقه النت بتكون من غير مصلحه ولا هدف اكتر من الصداقه العاديه....بس المفروض صداقه النت بتطور لمقابله شخصيه لو كانوا من نفس البلد او حتى من بلد تانيه واتاحت لهم الفرصه انهم يتقابلوا
ملوحظه...انا لا اؤمن بالصداقه بين رجل وامراه
يعنى الصداقه لازم تكون من نفس النوع سواء عالم واقعى او افتراضى
ووجهه نظرى اللى بتثبت ان الصداقه ممكن تنجح على النت وتكون اقوى بس بشروط معينه لو اتحققت هتكمل معنى الصداقه.....................ان ممكن الانسان يكون صديق لحيوان ويحبه جدا ويتكلم معاه رغم وجود اختلاف جذرى بينهم فى النوع واللغه والفهم ورغم ذلك بتتوجد صداقه قويه بينهم احيانا بتكون اقوى من صداقه بشر لبشر
انا كلامى ملخبط ومش عارفه اعبر بس الخلاصه ان ممكن يكون فى صداقه قويه على النت اكتر من الواقع
...........................................................................................................
ودى وجهه نظرى والله اعلم مين الصح ومين الغلط وهنفضل كلنا مختلفين باختلاف تجاربنا فى الحياه



ودى اجابه اول سؤال!

اجابه تانى سؤال.........
نيجى بقى لموضوع الحب من النت
اولا مفيش حاجه اسمها حب من النت او حب من الموبايل او حب من الجامعه او حب من الشغل
الحب مالوش مكان محدد نقدر نحكم عليه بالفشل او بالنجاح لمجرد مكان التعارف
واللى بيحصل على النت دا او غيره مش بيكون حب بالمعنى اللى المفروض يكون موجود
اولا كلمه حب دى مفيش حد بيوصلها كامله حتى ولو اتجوزا لااسباب كتيرررر هقولها فى موضوع انا هنزله بيثبت ان مفيش حب كامل الاركان الى النهايه وان مفيش حد عارف يوصل لمعنى الحب ويعيش فيه مهما اختراعنا الاساليب فى التعبير عنه
يعنى الخلاصه مفيش حد فى العالم كله يقدر يحكم على موضوع كقاعده عامه تنطبق عليه وعلى غيره.....
كل واحد فينا مختلف عن التانى فى الطباع وفى البيئه وفى التربيه وفى التفكير
عشان كدا منقدرش نحكم على علاقه النت بالفشل او النجاح كأجابه نهائيه للكل
وعلى العموم مفيش حاجه اسمها حب على النت....كل اللى بيحصل هو تعلق بصفات انسان احنا بنتمناه وبيوافق هوانا واحلامنا ونبدء ندخل فى مرحله التعود على الكلام معاه وفى الاخر بنفكر انه حب لكن ....ماهو الا حاله من انواع الاحتياج النفسى لااشباع الفراغ العاطفى بداخلنا ولا يمس لكلمه حب حقيقى بأى صفه

وهفضل اقول واكرر مليون مره مفيش حاجه اسمها حب نت ....او حب غيره.... نقدر نحكم عليه بالفشل او النجاح لمجرد المكان كقاعده عامه للكل لاان فى حالات كتير نجحت وحالات بردوا فشلت زى الزواج التقليدى
مفيش حاجه مضمون نجاحها فى الحياه 100% بالذات فى الاقدار والمصائر مثل الزواج
ومفيش قاعده عامه تمشى على جميع البشر حتى فى الموت محدش بيموت نفس موته التانى
هى كدا الحياه هنفضل مختلفين فيها لقيام الساعه
واللى يناسبنى مش هيناسب غيرى وهكذاااااااااا

ومعلش بقى انا برغى كتيرررررر بس انا حبيت اقول وجهه نظرى مش اكتر



والى اللقاء فى رد اخر
رغم انى ليا تحفظ على رد الدكتور سامح بس كل واحد وله وجهه نظر لازم تحترم



لكم منى كل الود وخالص الاحترام

الصداقه بتعتمد ع الصديق (الشخص نفسه) سواء ع النت او لاء وعشان تلاقي صديق مخلص لازم تكون انت نفسك صديق
اما بالنسبه للحب ع النت ف ده من غير زعل هبل وكلام فاضي بغض النظر عن الشك والتقاليد وكده
ده رايي الشخصي تقبل مروري