اتكلم 6 ساعات منغير مالرصيد ينقص شلن

العرض ساري لكل الشركات التلاتة

السلام عليكم ورحمه الله وبركااااته

عايزين تتكلموا لمدة 6 ساعات من غير ما تدفعوا ولا قرش من الرصيد ؟

طبعا مش هاتصدقوني بس أعملو زي ما بقول خطوة خطوة وعلي ضمانتي الرصيد مش هايخلص ولا الشركة هاتمسكو وتسحب الخط ولا الجن الأزرق هايعرف حاجة عن الموضوع ده (مش عارفه ايه الوش دا بس اهي حاجة لونها أزرق وخلاص )
بس إوعو تقولو إني أنا اللي عرفتكو الحركة دي لحسن يقبضو عليا وأروح أنا في الباي باي وأقعد أغني ظلموه



الخطوات: امشو واحدة واحدة معايا ومحدش يلخبط:

1- قبل أي حاجة إقفلو الموبايل عشان الدنيا ما تبوظش .



2- إفتحو الجهاز و خرجو الشريحة .



- حطو الشريحة في كوباية تمر هندي ((لأ بهزر أوعو حد يروح ويعملها))حطوها أحسن في كوباية ماء مغلي لمدة ساعة كاملة عشان تموت الجراثيم اللي عليها وتعرفو تتكلمو براحتكو .

4- بعد ساعة طلعو الشريحة من الكوباية وطبعا هتكون مبلولة .


5- عشان تنشفو الشريحة حطوها في الشمس لغاية ما تلاقو لونها بقي أسود .

6- مبروك شريحتكو اتحرقت .

7- إرمو الشريحة في الزبالة و روحو إتكلمو من الخط الأرضي (تليفون البيت العادي) لمدة 6 ساعات .


وبكده تكونو اتكلمتو 6 ساعات من غير ما تدفعو ولا قرش من الرصيد بتاع شريحة الموبايل.