عاجل..امتحان الثانويه العامه 2010 ..مش هتقدر تكتب ب اديك..

: التعبير
السؤال الأول
اكتب ما لايقل عن 650 سطر فى أحد الموضوعات التالية
لم
يجد الطفل غير الشارع ملجأ نظرا لحالة البلد الهباب..فاتجه إلى السرقة
والقتل والحشيش.. حتى نال جزاءه وقبض عليه متلبسا بباكتة بانجو.. اكتب
قصته مع تسليم الحِرز للباشا مراقب اللجنة

شهدت بلدنا الحبيبة
نهضة فى مجال التشييد والبناء وخصوصا بعد وصول سعر الحديد إلى 6500 جنيه
للطن.. اكتب ما يمليه عليك ضميرك على أن يبدأ موضوعك بعبارة أنا باشتغل فى
حديد عز

بعد انتشار ظاهرة أكل لحم الكلاب والحمير..من وجهة نظرك كحمار تكلم عن هذه الظاهرة ومن المتسبب فيها بدون غلط...الورق متراقب
ـــــــــــــــــــــــــــــــــــــــــــــــــــــــــ
السؤال الثانى: القصة
من قصة ' وعهد الله ما انت داخل الانتخابات' .. اقرأ القطعة وأجب عن الآتى
ثم
أتى إليه وضربه بالجزمة وقال: انت عايز تترشح فى الانتخابات يامعفن؟؟ دانت
عايز معجزة..مش كفاية بتاكلوا لحمة ومستورين.. عايزين إيه تانى؟

ما هى اللحمة؟ أو على الأقل حدد أقرب معنى خيالى لها

مرادف معجزة فى اللغة ( تغيير وزارى – زيادة المرتبات – رغيف العيش) اختر يا مقلول البخت

لماذ ضربه الرجل بالجزمة وليس بالعصى مثلا؟؟
أهو
كسل .. لسة هيرفع العصاية؟ - عشان العصاية قلة قيمة برضه واحنا فى عصر
الديمقراطية – عشان العصاية شغالة مع واحد تانى.. افهم انت بقى اختر

حلل بمزيد من التفصيل جملة ضربه بالجزمة ومدى توافقها مع جملة مصر بتتقدم بينا
ــــــــــــــــــــــــــــــــــــــــــــــــــــــــــــ
السؤال الثالث القراءة
من موضوع ( الزعيم..والفنان... والقدوة) اقرأ القطعة وأجب
وقد
نفى الزعيم عادل إمام الإشاعات التى أكدت أنه مرشح لوزارة الثقافة.. وأكد
أنه فنان فقط وليس سياسيا الخبر حقيقى كما أنه يرحب بالتوريث ومقتنع بكل
سياسات الحكومة

فى رأيك هل يصلح عادل إمام لوزارة الثقافة أم لوزارة الصناعة باعتبار أنه صرح فى فيلم السفارة فى العمارة أنه بيحب المَكَن؟؟

ذكرنا فى الدرس أن عادل إمام سيتقاضى فى فيلمه القادم 12 مليون جنيه.. فى رأيك ياعم المحروم تبقى البوسة بكام فى الفيلم؟؟

دخل كاتب هذه السطور مسرحية بودى جارد للزعيم رغم قرفه منه أساسا.. فى رأيك ما السبب فى دخوله؟
أكيد معزوم – طبيعى معزوم – وربنا معزوم.. اختر على أن تضع إيدك على المصحف وانت بتحلف للمراقب بتاع اللجنة
ــــــــــــــــــــــــــــــــــــــــــــــــــــــــــــــ
السؤال الرابع النصوص
أجب عن أحد النصين الآتيين
من نص ( ماشربتش من نيلها)..اقرأ ثم أجب
ماشربتش من نيلها.. جربت تغنى لها.. جربت فى عز ماتحزن تمشى ف شوارعها وتشكى لها

بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..اختر..ما المقصود بنيلها فى النص؟
المسيسبى - الأمازون – يونج يانج

هذا النص من نصوص الحزب الوطنى والدليل وجود اسم مهم من قيادات الحزب فى النص.استخرج الاسم..وبوسه من بُقـُّه ورجَّعُه مكانه

أكمل الأبيات إلى آخر كحكة فى الكليب

قوبل النص بانتقادات بسبب بعده عن الواقع..وضح من النص ما يتفق مع القول المأثور اطبخى ياجارية .. كلف يا سيدى
ـــــــــــــــــــــــــــــــــــــــــــــــــــــــــ
من نص (حين ميسرة)..أجب عن الآتى

اذكر اسم مصيبة واحدة محصلتش فى النص الأسود ده

وضح
عبقرية أحمد بدير الإرهابى فى النص وهو يكتب رسالة على الكمبيوتر باستخدام
أزرار الأرقام فقط ومفيش حروف.. ويعطى أمر التنفيذ بزرار قايمة ستارت مش
بإنتر.كمبيوتر إرهابى بقى

سبب وجود الشرطة كل خمس دقائق فى النص
موسم ترقيات عقبال أملتك ولازم شغل – أخو خالد يوسف ظابط ولازم يخدم أخوه – عشان الشرطة بتراقب قسم البوليس اللى جنب أحداث النص اختر
ـــــــــــــــــــــــــــــــــــــــــــــــــــــــــــ
السؤال الخامس النحو
أعرب ما تحته خط.. لو مالقيتش القطعة أصلا ..اتصرف
ذهب الرئيس إلى المؤتمر .. ضع الجملة السابقة فى صيغة المثنى... ماعدا الرئيس طبعا ياكلب
كان ممدوح إسماعيل قاتلا .. ضع إن مكان كان.. على ألا تنصب ممدوح... عشان هوه بينصب لوحده
فُرِضت الضرائب علينا ببشاعة ..أعرب الجملة .. وارفع الضرائب أبوس إيدك
ــــــــــــــــــــــــــــــــــــــــــــــ
السؤال السادس الخط
كوز المحبة انخرم...طرطش على كمى..ياحبيبى بطل جفا وارحم عذاب امى
اكتب
الجملة السابقة ثلاث مرات بثلاث خطوط.. موبينيل وفودافون واتصالات..كما
يمكن التحويل من خط لخط بنفس الرقم.. فقط اتصل بخدمة العملاء

ههههههههههههههههههههه

بجد حلوة

موضوع روعه يا دكتور عبد الرحمن قمه فى الاثاره والاكشن يا معلم

هنتكلم بقا عن امتحان الدراسات والتاريخ ياباشا

امتحان التاريخ والجغرافيا لعام 2025 فى مصر جميع المراحل الدراسيه

السؤال الاول
اشرح تاريخ اسره السيد الرئيس
السؤال الثانى
تكلم عن اهم الاكلات المفضله للرئيس

تكلم عن المعارك العسكريه التى خاضها السيد الرئيس

السوال الثالث
الجغرافيا

تكلم عن مساحه قصر السيد الرئيس
تكلم عن الحديقه الجغرافيه والتوزيعات المناخيه فى قصر السيد الرئيس
اكتب مذكرات جغرافيه عن كلا مما يأتى
ا) درجه حراره غرف السيد الرئيس
ب)التركيبات الجيولوجيه لجدار سور حديقه السيد الرئيس

السؤال الرابع
اكتب مذكره جغرافيه عن انواع الجلود الطبيعيه لحذاء السيد الرئيس

كم عدد عمدان قصر السيد الرئيس
امامك خريطه صماء لقصر السيد الرئيس
من فضلك انقلها فى ورقه الاجابه وحدد مايلى:
1) مكان حمام السيد الرئيس
2)مكان انتريه السيد الرئيس
3)اماكن الفواكه والطعام فى قصر السيد الرئيس

السؤال الخامس( اجبارى لجميع الطلبه)
اكتب فى ايجاز بسيط جدا وملخص مختصرا فى2000 سطر
عن تاريخ السيد الرئيس واسره السيد الرئيس وجيران السيد الرئيس واصحاب السيد الرئيس وعظمه وفخامه السيد الرئيس وسيارات السيد الرئيس واياك يا حيوان ان تتكلم عن نساء السيد الرئيس
ملاحظه للطلبه
هذا السؤال بالذات مدته ساعتين اضافيتين بخلاف زمن الاجابه ويحق للطلبه طلب ورقتين اجابه او اكثر

عبد العزيز

الحمدلله انا اخدت الثانويه العامه قبل الامتحان الهباب دا بجد امتحان تحفه تسلم الايداى وكتر من الامتحانات دى

كوز المحبة انخرم...طرطش على كمى..ياحبيبى بطل جفا وارحم عذاب امى***طلعت فوق السطوح اشكى للهوا همى**كل الشباب اتجوزوا وانا قاعد جنب امى وعجبى

اقتباس :

كل الشباب اتجوزوا وانا قاعد جنب امى وعجبى

شكرا على تلك العباره
يعنى مش عارف اقول ايه؟
وميرسى ليكى على هذا الكلام الرائع الجارح
وبارك الله فيك وفى كلامك الجميل الممتلىء بالسم والدسم

ايه يااستاذ عبدالعزيز انا بعلق على موضوع الدكتور مش اتكلمت على موضوعك بكمل ليه الابيات بتاعت الاغنيه بعكس بقدرك واحترمك جدا ليه اخدت الكلام على نفسك انت استاذ فاضل ولينا الشرف انك عضو معانا على المنتدى شعرك راقى جدا واحساسك عالى وعمر ماحد يقدر يقلل من قيمتك الغاليه لينا وتقبل تحياتى واحترامى

قصدك ايه...اننى انا اللى قاعد جنب امى مجوزتش...مش هو...ماشى ماشى
طب ما تشوفيلى عروسه حلوه بقه..بدال منتى قاعده كده.....
ههههههههههههههههههههههههههههه
هههههههههههههههه
هههههههههههههه
هههههه
ههه

ياربى اخلص من واحد التانى يستلمنى ياعمنا كلمت الاغنيه كده الشطر التانى منها كده ولا انت ولا هو وبعدين يادكتور الايام الهباب الى احنا فيها حد بيجوز حد كل واحد بيجوز نفسه وعلى مزاجه

من عارف يا جميل يا نايم....انا كنت بهظر وخلاص....هو الهظار اتمنع ولا ايه...ههههههه
هههههههههههههههههههههههههههه

وبعدين فيه ايه....متشفوليى عروسه ...هو انا وحش ولا وحش....انا علا فكره قمر والله
ههههههههههههههه....وقمر بالستر..هههههههههههههههههه

على فكره لما حد يقول لحد ياقمر شتيمه لانه القمر معتم مش فيه اى نور عموما ربنا يسترحلال على صاحبه النصيب كله مكتوب وعلى راى المثل المكطتوب مش منه مهروبول زعلان من القعده جنب ماما ربى شويه كتاكيت تسالى ومكسب خصوصا لو فى السطوح على كام بطه مشروع اهوتاكل منه الشهدههههههههههاول خطوه فى الارنب

بس على شرط....تشتغلى معايا...

» الثانويه العامه
» الثانويه العامه (لغه أنجليزيه)
» الثانويه العامه (لغه أنجليزيه) 2
» الثانويه العامه (النحو) ما هو المستثنى ؟
» الثانويه العامه (النحو)اسم التفضيل