اعتذارى لتانى مرة ؟؟؟؟؟

ازيكو يا أحلى شباب انا مرة تانية اهوة بقدم اعتذارى للاخت اميرة ودة ف تانى موضوع الموضوع الاولانى
اتحذف ومش عارف لية اتحذف
بس انا بكرر مرة تانية وبقول لاميرة انا اسف عشان كان حصل تاتش بسيط بينى وبينها
ولو انتى مش شايفة انى ارجع تانى اوك عادى مفيش مشاكل
بس انا عايز اعرف رأى الاعضاء انى ارجع تانى ولا لا
انا بتكلم ع االعضو eslam.samo
الا هوا انا
بس انا واثق ان ف ناس بردة قلبها كبير اةةة قلبها كبير
قلبها كبيييييييييييييييييييييييييييييييييييييييييييييييييييييييييييييير
تانى مرة يا أيرة انا اسف
تانى مرة انا اسف يا رنيم الايمان
ويا مديرنا يا حبيبنا الاستاذ فاروق

اعتذارى لتانى مرة ؟؟؟؟؟ 78556765

يارب يرق قلوبهم عليك ويهديهم ليك قول امين انا عن نفسى احترمتك لما اعتذارت الرجوع للحق فضيله ربنا معاك

مرسى على كلامك الجميل يارب يحن قلبهم عليا ؟.........هههههههه
المهم بس كلام الاعضاء اللى بيجرح دة ببقى شايل همة اوى اوى لو حد دخل قال كلمة كدة او كدة
...........

تاخد برايى انت عملت الى عليك وضميرك ارتاح والحمدلله كبر دماغك وادخل بعضويه جديده بدل ماحد شايف نفسه يقولك كلمه كده تجرح احساسك بينك وبين ضميرك غلطت ورجعت نفسك وعملت الى عليك قصاد نفسك وربك انهى الموضوع وادخل بعضويه جديده

السلام عليكم

أنا سعيد جدا باللى بشوفه

احساس بالخطأ وعزم على التغيير

لازم نشجع الفعل ده ونستوعب بعض كلنا المخطئ والمصيب ونساعد المخطئ على تصحيح أخطاءه

وأعتقد إن رفض حاجة زى كده لها آثار سلبية كتيرة أقلها هو نزع الرغبة فى التغيير للأصوب وعدم الإحساس بالخطأ

ورأيى الشخصى أنه مهما كان الخطأ فالاعتذار والاعتراف بالخطأ وتصحيحه هو الحل الوحيد الذى لا بديل عنه

وأحيى في العضو شجاعته مع اختلافى معاه كتير فى بعض تصرفاته

انا متشكر جدا ليك يا منياوى
انت بتقول مع اختلافى معاه ف بعض تصرفاتة
لو رجعت تانى بأسمى القديم أوعدك بالتغير ؟

يا جماعة يا اخوانى يا اخواتى يا اميرة يا رنيم يا وعد يا كل اعضاء المنتدى
يا ريت نفتح صفحة جديدة كلها اخوة واحترام
وياريت تسامحوا من اخطأ فى حقكم طالما أحس بخطأه واعتذر للمرة الثانية واعتبروا ده اختبار له
وعفا الله عما سلف
يا جماعة عاوزين نفوق للمنتدى مش عاوزين حد يبقى احسن مننا
تقبلوا مرور اخوكم

حياك الله.... واهنيك على شجعتك يا فنان

انا شاء الله من المقبولين

استاذ اسلام سامو انا متقبله اعتزارك

لان احنا هنا كلنا اخوات

بس على فكره انا منسحبه من فتره بس انا دخلت

بس علشان محدش يقول انى مش عاوزاك ترجع

وجميل اوى ان الانسان يحس بغلطه ويعتزر

عنه وبجد دا مش بيقلل من كرامة حضرتك بالعكس

وانا اسفه ياجماعه مش هقدر ارجع المنتدى تانى

لان اللى غلط فيا مازال موجود فى المنتدى ومحدش

عمله حاجه دا حتى مهنش عليه يقدم اعتزار

على فكره مش اقصد حضرتك يا استاذ اسلام

ويارب يكون منتدى جميل ويكبر اكتر واكتر

بيا او من غيرى

حياك الله يا اخت هاجر
انا سعيد ان حضرتك رديتى على هذا الاعتذار يعنى خلاص بالنسبة لاسلام خلاص صافى يا لبن
طيب ماتقولى مين هو العضو اللى غلط فيكى واحنا نحاول نصلح الامور بينكم ونحاول نرجع الحق لأصحابه وربنا يجعلنا سبب فى ارجاع المياه لمجاريها
يا جماعة احنا كنا كويسين مع بعض ايه اللى حصل
يا هاجر انتى وجميع اخواتنا فى المنتدى نفخر بوجودكم بيننا
وبصراحة انا بتضايق جدا لما اكون فى مكان فيه النفوس مش صافية لبعضها فياريت كل الأعضاء يحضرونا ونشوف مين الغلطان واللى يحكم بيه اكبر عدد هو اللى يتم
انتى قلتى وجهه نظرك وبرضه نشوف العضو اللى غلط فيكى يقول وجهه نظره
ولازم نكون متسامحين واللى يحكم به اكبر عدد من الاعضاء لازم تقبلوه
تقبلى مرورى من أخ ليس طرف فى هذه المشكله

رنيم الايمان كتب:: استاذ اسلام سامو انا متقبله اعتزارك

لان احنا هنا كلنا اخوات

بس على فكره انا منسحبه من فتره بس انا دخلت

بس علشان محدش يقول انى مش عاوزاك ترجع

وجميل اوى ان الانسان يحس بغلطه ويعتزر

عنه وبجد دا مش بيقلل من كرامة حضرتك بالعكس

وانا اسفه ياجماعه مش هقدر ارجع المنتدى تانى

لان اللى غلط فيا مازال موجود فى المنتدى ومحدش

عمله حاجه دا حتى مهنش عليه يقدم اعتزار

على فكره مش اقصد حضرتك يا استاذ اسلام

ويارب يكون منتدى جميل ويكبر اكتر واكتر

بيا او من غيرى

انا متشكر جدا يا هاجر كلامك على عينى وراســــى
انا ان كنت غلطت فيكى انا بتأسف للمرة التالتة
وبنسبة انك متخشيش المنتدى تانى دة لية أثر سلبى كبير
اولا مش هنشوفك مواضيعك الحلوة
ثانيا ردك اللى بيشجع العضو مش هنشوفة بردة
ثالثا احنا كلنا اخوات ومتزعليش ولو بتحبى المنتدى
بجد ياريت تخشى تانى وعادى بقى محصلش حاجة ؟

برافو عليك يا اسلام انتى صبرت كتير

وانا معنديش مانع انك ترجع وتعيد حساباتك تانى

وياريت الاخطاء اللى فاتت متتكررشي
وانا احيك فيك شجاعة الاعتذار

والالحاح في الاعتذار

والصبر

دا دليل على انه ان انشاء الله فيه امل في التغيير

على الاقل علشان خاطر المنتدى اللى هوا بيتنا اصلا

واللى المفروض نكون كلنا فيه عيله واحده ودا اللى انا حاساه بالظبط
وعلشان كدا منتدانا مميز عن ملايين المواقع والمنتديات
اننا بنحب بعض وبنخاف على بعض وبنراعى شعور بعض وبندافع عن بعض

علشان كدا تلاقى مفيش مجال للغلط بيننا

وان اتوجد الخطأ لم يجد له مجال للاستمار

وتجد التسامح والود
اهنيك واهلا بيك

وفي انتظار رأى الادارة

__________________________________________
اما انت يا هاجر ياغليه زعلتينى جدا جدا وزى ماقال العضو الكريم برديس

مين العضو دا اللى زعل رنومه وردة المنتدى

ومش هسمحلك ابدا تبعيدي عننا احنا عيله واحدة

وانا عاوزاكو تعتبرونى اختكم الكبيرة

وارجعى ما عليكى من حد طالما انتى صح

ولازم تعرفين مين العضو دا وعمل ايه بالظبط

علشان لو ليكى حق تاخديه ولو فيه سوء تفاهم نحاول نحله

يا جماعة والله مفيش مجال للزعل ابدا

ربنا يهديكوا جميعا يارب

خلاص يا جماعة ااظن ان الاخ اسلام كده عداه العيب اعتذر
والاعتذار لا يقلل من شان صاحبه وشكله كده عنده رغبة شديدة من التغير في نفسه
انا شايف انه كده هو مغلطش بعد ما اعتذر
بس الراي الاخير لمدير المنتدي والمقدم لهم الاعتذار

هو فيه ايه......؟؟؟؟ مش فاهم حاجه...

اعتذارى لتانى مرة ؟؟؟؟؟ 359960AdelImam29

..لحح ليح لحح لوح....
(يادى الفضيحه ام جلاجل يادى الجرسه ام حناجل)

واين الضحكة التى لم اراها فى المنتدى..

لاتغادرى المنتدى ...فكلنا رنيم الايمان

صباحك زى الفل ان شاء الله

يا جماعة بــــ بجد بجد بجد ـــــجد مش عارف اقول اية ليكوا .......
انت على دماغى والله
وان شاء الله لو حصل ورجعت اوعدكم بتغير

خلاص يا اسلام
انا مسامحاك وموافقه على رجوعك تانى للمنتدى
واضح من كلامك انك ناوى تتغير فعلا ومصر على كده
اهلا بيك مره تانيه فى المنتدى بشخصيه احسن واسلوب ارقى

أميره كتب:: خلاص يا اسلام
انا مسامحاك وموافقه على رجوعك تانى للمنتدى
واضح من كلامك انك ناوى تتغير فعلا ومصر على كده
اهلا بيك مره تانيه فى المنتدى بشخصيه احسن واسلوب ارقى

انا متشكر جدا يا أميرة وانا منتظر انى ارجع تانى
لانى حاولت الدخول بأسمى القديم بيوقلى لقد أدخلت بيانات خاطئة
وتانى مرة شكرا ليكى يا أميرة

[size=24]يالا بوسوا دماغ بعض يا ولاد والعبوا مع بعض ومتشاكلوش تانى هههههههههههههههههههههههههه والمسامح كريم
اهلا بيك وبكل اعضائنا اللى كانوا غايبين اعتذارى لتانى مرة ؟؟؟؟؟ 214198

size]

ماشى يا اسلام
تقدر تدخل دلوقت المنتدى تانى
حسابك رجع خلاص
أهلا بيك تانى فى المنتدى
بس اعمل حسابك
المره الجاية محدش هيوافق على رجوعك

لالالا بجد بجد متشكرين وان شاء الله مفيش وحش بعد كدة انا متشكر لكل الاعضاء اللى وافقت على رجوعى المنتدى مرة تانية وكل عام وانتم بخير بمناسبة حلول عيد الفطر المبارك

الله أكبر
أيوة كدة عاوزكم كلكم تتصالحوا والكل يصالح ويسامح بعضة
أهو كدة الواحد نفسه تتفتح للمنتدى ويارب كل الاعضاء اللى سابونا يرجعوا تانى واللى ما سابوناش يفضلوا معانا واللى بيفكروا يسيبونا ما يفكروش تانى
والله بجد انتم فتحتوا نفسى
أهلا بيك يا اسلام فى وسط اخواتك
وعلى فكرة احنا داخلين على عيد الاضحى مش عيد الفطر وحمد الله على السلامة

ايه رأيكم يا شباب ان يكون شعارنا من الان هو

اعتذارى لتانى مرة ؟؟؟؟؟ 35603740

» سيدى الرئيس لتانى مره