ابتسم .........انت فى كلية الهندسه

بعد فترة انقطاع عن المنتدى حبيت انى ارجع ليكم بموضوع طريف شويه او كوميدى

البعض منه حقيقه والبعض الاخر على سبيل الفكاهه.....وياريت محدش يزعل

بالعكس افخر دايما انك مهندس مهما كان الكلام اللى بيتقال عليك

واعرف ان اعداء النجاح كتير

ابتسم انت فى كلية الهندسه

عندما تعلم ان لديك محاضرة الساعة 8 صباحا
وجميع الكليات حولك تبدا محاضراتها الساعة 10
اذن انت فى كلية هندسة

عندما تستيقظ كل يوم و تعلم ان لديك
حفنة من السكاشن والمحاضرات
و غيرك بياخد 3 ايام اجازة فى الاسبوع
غير الجمعة و العطلات الرسمية
ابتسم انت فى كلية هندسة

عندما تقول لسائق التاكسى كلية هندسة
فينظر لك نظرة حاسد و حاقد
( على ايه يا حسرة )
ثم يو صلك مشوار الاتنين جنيه ويقولك عشرة
(طمعا فى المهندس الصغير)
ابتسم انت فى كلية هندسة

عندما تطلب احد اصدقائك فتجده نائم و انت لا
ابتسم انت فى كلية هندسة

عندما تدفع فى الدروس ما يساوى
تمن جهاز عروسة
ابتسم انت فى كلية هندسة

عندما تحسب بالجمع دون الطرح مدة تعليمك فتجدها تحقق المعادلات التالية:

مدة تعليمى الاجمالية = مدة التعليم الاساسى + التعليم الجامعى + التحابيش ------------(1)

و علما بان التعليم الاساسى= التعليم الاساسى + التعليم الثانوى

اذن التعليم الاساسى = التعليم الابتدائى + التعليم الاعدادى + الثانوى ------------ -- (2)

و علما بان التعليم الجامعى = سنوات اكاديمى + سنة امتياز

------------ -- (3)

و علما بان التحابيش = دبلومة + ماجستير + دكتوراة ------------ -- (4)

و بالتعويض من 2 و 3 و 4 فى 1

اذن

مدة التعليم الاجمالى = الابتدائى+الاعدادى+الثانوى+اكاديمى جامعى+الامتياز+دبلومة+ماجستير+دكتوراة
مدة التعليم الاجمالى =
6+3+3+6+1+2+4+4=29سنة

مع الشغل و النفاذ
(بفرض عدم الدبلرة)
اذن ابتسم انت فى كلية هندسة

مما سبق نستنتج انك سترى اللحظات التالية فى حياتك:

انت بتدرس و صاحبك اللى ف تجارة خلاص بيشتغل
ابتسم انت فى كلية هندسة

انت فى الجيش و صاحبك بتاع اداب بيتجوز
ابتسم انت فى كلية هندسة

انت بتبدا حياتك و صاحبك بتاع خدمة اجتماعية اتجوز و خلف 3عيال
و سافر برة يشتغل و رجع بعد طول غربة
ابتسم انت فى كلية هندسة

عندما تحضر كل السكاشن و تذاكر المحاضرات و تاكل الكتب
و بعدين تجيب جيد نظرا لدكتور لجنة الشفوى
ابتسم انت فى كلية هندسة

عندما يعاملك الدكاترة كانها بتنتقم منك
ابتسم انت فى كلية هندسة

عندما تجد كليتك و سط المصانع
بما فيها من آسمنت و تراب و قرف
ابتسم انت فى كلية هندسة

عندما تجد كليتك معزولة عن باقى الكليات
خوفا من انتقال الامراض الى طلبة الكليات الاخرى
ابتسم انت فى كلية هندسة

عندما لا تجد فى كليتك كافتريا عدلة
ابتسم انت فى كلية هندسة

عندما تكون حفلة الاستقبال فى الكليات الاخرى
على انغام الموسيقى
و انت فى حفلتك قاعد جوة المدرج
سامع خطبةعريضة لعميدالكلية
ابتسم انت فى كلية هندسة

عندما يصاب الشباب بالصلع فى سنة 3 و البنات بالتجاعيد
ابتسم انت فى كلية هندسة

اوعوا حد يزعل انا كمان ف هندسه
يعنى الهم طايلنى وطايلكم
منقول على فكره

ابتسم .... أنت فى كلية الهندسة
موضوع رائع جدا
أهو يخفف عن الناس شوية

انا دوخت ودماغى لفت من الموضوع
ايه كل المعادلات دى
الحمد لله انى خلصت كلية التربية وخلصت الجيش واشتغلت واتجوزت وخلفت وربنا يعينكم وتخلصوا كلية الهندسة
ربنا يحنن عليكم

عادى ميرو محاضراتى بتبدا 7 ونص ايه الى حصل يعنى وبكون شيله كتب تخلع دراع اى واحد بيرفع اثقال والله كله واحد الى بيكون قصاده هدف فى الحياه وواخد الدنيا بمحمل الجد هيحضر محاضراته ويشيل كتبه اما الناس الى انتى بتتكلمى عنهم دول ناس منفضه لدراستهم المجهود الى بيعملوه يعديهم السنه المهم انتى عاوزه ايه وهدفك ايه وعلى اساس الهدف بيكون التعب وربنا يقويكى امين وبالنجاح والتفوق دايما

هههههههههههههههههههههههههههه
هو صحيح انا مش في كلية الهندسة

بس ليه النق ده
انا محاضرات 3 ايام

ومن الساعة عشرة بتبداء
بس في يوم
تبداء 9

ده غير يوم التدريب
ينفع
كده بسين لسنا في المحاضرات

جزاكي الله خيرا

إللى عايز يبقى مهندس يستحمل يا بشمهندسنة
وربنا يوفقك يمكن التعب ده علشان إنت لسه فى سنه أولى بكره تتعودى
وكل عام وأنت بخير

يسر الله لنا ولكم

لا تحسبن المجد تمرا أنت أكله لن تبلغ المجد حتى تلعق الصبر

الف شكر ليكم كلكم عالردود الجميله
لكن انا الحمدلله مستريحه ف كليتى
الموضوع ده مش شخصى ده منقول
مرسيه عالمرور الجميل

يا ميرو يا حبيبه قلبى ده بقى لو كان شخصى عادى ولا كان منقول بردو عادى
احنا بنرحب بكل مواضيعك يا قمر انتى
وربنا يوفقك يا بشمهندسه وتبقى اكبر بشمهند سايه عسل كده يارب
ابتسم .........انت فى كلية الهندسه 82357

ابتسم .........انت فى كلية الهندسه 82357

ليكى حق فى كل حاجة قولتيها انا ابن عمى فى كلية هندسة

بصي هقولك على حاجة حلوه خالص
فى إعدادي هندسة قولنا عادي خالص هندسة وبتاع ومجهود وبتع وعادي خالص

فى اولى وبعيد الشر عنك "قسم عمارة"..... بعيد الشر عنك قولنا عادي قسم جديد والدكاتره شيفين نفسهم ولسه بيرسونا على الاساسيات بتاعة القسم بقى وبتاع وحوراتي مندي قولنا عادي
احنا طلعين من اولى واحد عرج وواحد اجدع وواحد ظهر انحنى من القوسه على البردة وقولنا عادي لازم يبقى في ضحاية فىكل حاجة وكويس طلع باقل الخسائر

فى تانية........ قلنا دا الدكاترة رسوا الاساسات وخلاص بق هنرتاح نلاقى وبعيد الشر عنك نلاقى دكتور جديد خالص عامل الدكتراه بتاعته مش عارف فين ....... وجاي يطنطط علينا .....كل ده وعادي بيفتخر بنفسه....... ان هو يقول كل الا عرفته فى المادي دي "قصده المادة بتاعته" غلط هو ده ....... الطبيعي خالص.

فى تالته وربنا يحميك من التجاعيد ويحمي الولادة من الصلع ويحمي للاتنين نظرهم
كلنا كنا دخلينا بخرنا فينا نظر .... والوجه المبتسم .... وكل حاجة حلوه
يعني فى تالته ...... كل الدفعة لبسه نظارة ....... ولبسين حزام دهر وربنا ما يوريك قادر يا كريم .... ويبعدك عن القسم ده

فى رابعه...... قلنا هنام فى بيوتنا وهنضيع تعب السنين بقى فى النوم وهاهاهاهاهاهاهاها والعيد جه وبتاع الا انا فكره من السنة دي الا انا فيها وانا بكتب الرد ده 72 ساعه من غير نوم يعني 3 ايام علشان حقى ربنا نمت ساعة وحده و10 دقائق ى الميكروباس

ودي كانت قصة طالب كان فى قسم الهندسة العمارية "والله يرحمه"

» اختبار كلية الشرطة
» طالب كلية يتحـــدى اللـــــه بأن يميته بعد ساعه ?!?!?
» ابتسم
» ابتسم فالله ربك
» ابتسم لو سمحت