شر البلية مايضحك

مطاردة مثيرة بين المعلمة والتلميذة
للمطالبة بقيمة الدروس الخصوصية

كتب محمد العبادي:

شهدت قرية كفر حكيم بمحافظة 6 أكتوبر
مطاردة مثيرة بين مدرسة وتلميذة.. حيث تربصت المعلمة لها علي باب المدرسة
قبل دخولها الامتحان للحصول علي ثمن الدروس الخصوصية.. كانت ياسمين السيد
عبدالمحسن التلميذة بالصف الرابع الابتدائي بمدرسة كفر حكيم الابتدائية قد
توجهت إلي المدرسة لأداء امتحان نصف العام.. ووجدت المدرسة شريفة محمد تقف
علي الباب.. وما أن لمحتها حتي أسرعت إليها للحصول علي مبالغ نقدية متأخرة
عليها نظير دروس خصوصية..

حاولت التلميذة الهروب لكن المعلمة لاحقتها بكل سرعة وسط ذهول
الأهالي الذين تدخلوا لإنقاذ التلميذة التي كانت في حالة رعب وبكاء
شديدين.. الطريف أن والد التلميذة استعان براضي شامخ عضو المجلس المحلي
لمحافظة 6 أكتوبر الذي انفعل بشدة وتوجه إلي السيد أبوشهبة مدير الإدارة
التعليمية بكرداسة ليحكي له الواقعة ويتخذ الموقف القانوني والتربوي مع
هذه المدرسة.. ولكن فوجئ العضو والد التلميذة بمدير الإدارة يقول لهما:
اعطها الفلوس.. ده حقها!!.. ولم يتخذ أي قرار.

منقول من جريدة المساء

والله يا استاذ ابراهيم دى حاجه أخر مسخره وميصحش ان المعلمه المحترمه دى تعمل كده
وفيها ايه يعنى لو المعلمه دى اعتطها حتى درس مجانى لوجه الله ما احنا يا استاذ ابراهيم كلنا بندى دروس مجانيه برده ومش كل الى عندك ولا الى عندى كلهم بيدفعوا فلوس

ولا هيا فراغه عين منها يعنى ولا البريزتين دول يعنى هما الى هيغنوها ولا هيخلوها غنيه
والله العظيم يا استاذ ابراهيم دى مسخره وقله ادب

وشكرا يا استاذنا

والله دى قلة ادب
الله يلعن ابو الفلوس اللى تقلل من قيمة الانسان
وبعدين ما عتش رحمة خلاص يعنى هما صحيح فلوس الطفلة المسكينة دى هما اللى كانوا ها يبنوا العمارة للمدرسة الحقيرة دى