ادخل وشوف الرخامه بعينها

أي اسئله ملهاش اي لازمه بتتعرض ليها كل يوم مثلا يعنى...

انت في اوضتك..نايم في سريرك ومتغطى.. وطافي النور يجي حد يفتح عليك الباب من العائله الكريمه ويقولك... ايه ده انت هتنام ولا ايه؟؟
اظن ده مش وضع رقص!! واضح طبعا اني هنام


مثلا خارج من اوضتك في امان الله و رايح تعمل اي حاجة ييجي حد من افراد الاسرة اللذيذة يقوللك ايه ده انت صاحي؟
لا يا حبيبي بمشي و انا نايم


انتم معزومين عند ناس وأول ما وصلتوا عندهم وفتحلكوا الباب تلاقى ابنهم الصغير بيقول... ايه ده انتوا جيتوا؟؟؟
لا لسه يا عنيا جايين في الطريق


انت
لابس هدومك ومتأنتك وريحة برفانك جايبه للعمارة اللي جنبكوا وبتفتح باب
الشقه وخلاص نازل ...تسمع حد من العائلة الجميلة يقولك...ايه ده انت خارج
ولا ايه؟؟؟
لا ابداً بجرب الباب بس



او مثلا انت ركبت عربيتك ودورتها وخلاص ماشي تلاقي البواب جاي يخبطلك عالأزاز!! انت بكل زوق تفتح تقوله في ايه؟؟
يقولك انت خارج بالعربيه يا بيه؟؟!!
لا العربية واحشاني قولت اقعد معها شويه


مثلا ماسك سماعة التليفون وبتضرب رقم يجي حد من اهلك يقولك.... انت هتتكلم في التليفون؟؟؟
لا بسمع صوت الحراره



ربنا هديك كده وماسك الكتاب وعمال تحفظ وتذاكر ومتحمس قوي... تلاقي حد جاي يقولك..ها.. انت بتذاكر؟؟
تروح رامي الكتاب في وشه وتقوله لأ!!!


مين فينا مش بيتعرض للحاجات دي؟

هههههههههههههههههه
والله مش عارف ارد عليك اقولك ايه
انا بقى وجعنى من الضحك
بجد موضوع دمه خفيف جدا

والله عندك حق لازم يطمنوا علينا طبعا

لا فعلا حاجات تنرفز وياما فيه حاجات اكتر من كده

لا فعلا حاجات تنرفز وياما فيه حاجات اكتر من كده