قصيدة // صرخة موظف \\ بقلم الاستاذ / عبدالرحمن البطة

صرخة موظف

يا مـــرتبى يا مـــرتبى ...... أية راح يكفى و النبى

أكلاً .. علاجاً . كسوةً ...... و مواصلات الركب

فالأكــل زاد غـــلاؤه ...... و غدا الغلاء معذبى

و الناس فى سوق بدوا ...... كالصم وسط الموكب

عشرون جنيـه تختفى ...... و تروغ مثل الثعلب

فالجنيــه خلف شقيقه ...... فى النط مثل الأرنب

ما بين بعض البطاطس ...... أو كوسة أو قرنب

أما الطماطم سعرها ...... ع الفرش مثل اللولب

يومـا يكــون بريــزة ...... أو عاليا كــالكـوكب

أما اللحوم فقد غـدت ...... كالنور وسط الغيهب

لا تدخل البيت الذى ...... يشتـاقـها يا صـاحبى

و الطامة الكبرى إذن ...... إن رُحت عند مطبب

و إذا ذهبت لأجزجى ...... من زى العلاج المرعب

لتجيب منــه روشتـة ...... تحتـاج دولار أجنبى

و إذا رغبت كســوة ...... لأمـيـرة أو زيـنـب

أحتاج منكم سـلـفــة ......كيما أخى بــالمطلب

لولا الإله و ســـتره ...... لم يكف يوما راتبى

لم يكف حتى جمعة ...... أقسم .. و لست بكاذب

الاستاذ الشاعر / عبدالرحمن البطة

5/5/1995

[/center]

هههههههههههههههههههه
ياسالااااااااااااااااااااااااااااااام يا خال
قلبت علينا المواجع
كل ده حصل في 1995 نفسي تشوف ايه اللي بيحصل في 2008

يا ترى هتقول ايه
أقولك انا
هتكتب .............
صرخة موظف ...............
.............
.......
...
..
.
وصرخة مدرس
وطبيب
ومهندس
ومحامي
وفلاح
وضابط شرطة
وكفاية كدة عشان تعبت
ااااااااااااااااااااااااااااااااااااااااه يانا

ايه البؤس دا يا جماعة؟؟!!!!!!!!!!!!!
انتو مش واخدين بالكو من الرفاهية اللى انتو عايشين فيها ولا ايه!!!!!!
بلاش نكران الجميل دا بأة...
مش كفاية سابينكو تعيشو فيها.....

يشكرو على سيبانا نعيش

شكرا على المجهود

لكن والله يا جماعة أنا رأيى أن الفرج قريب أن شاء الله.....

تسلم ايد الاستاذ عبد الرحمن البطه ومن نقلها عنه

شاب وعجوز

يا عم ربنا يدينا الصحة و السلامة بس عاارف الحال من بعضه و في كل الدول العربية وكمان دلوقت في ازمة عالمية عارفين يا جماعة المستوى المعيشي عندنا عال جداااا كاننا في اوروبا لو خرجتوو الشارع حتلااقوو عربيات اخر مووديل و عمارات و ناطحات سحاب و كل شيء خيااالي بس و الله العظيييييييم كل ده ثمثيل في ثميل الكل غارق في قرووووض و ديووون وحال عالم به ربنا الطف بنا يا رب و خلاص ده اللي حنقوووله

اللهم دومها نعمة واحفظها من الزوال

الانسان لو عرف قيمه الشئ الى فى ايده مش هيسيبه
لكن بيعرف بعد فوات الاوان

ربنا سيتر علينا احنا كمان وعلى الاجيال الجاية شكلهم مش هيشوفوا الحياة دى

قال رسول الله صلى الله عليه وسلم
لو توكلتم على الله حق توكله لرزقكم كما يرزق الطير فى أعشاشها تغدو خماصا وتعود بطانا
وده مش معناه التواكل
يقولون فى الأثر "علمت أن رزقى لن يأخذه غيرى فاطمأن قلبى"
يبقى مرتبك ده رزقك وربنا مقدره لك
يبقى مفيش يأس ولا حزن ولا ألم
وربنا معنا وزى ما قال الأخت ملك
يا عم ربنا يدينا الصحة و السلامة
والحمد لله على كل حال

القصيدة جميلة للغاية و اتمنى ان تزدن بالقصائد الجميلة

تحية للاستاذ عبد الرحمن البطة ربنا ما يحرمنا من اسهاماتك وشعرك ( مش شعرك ) احب اوضح لك بان الفرق بين الغني والفقير في الشكل فقط ولكن ما دام كل منا يحصل في هذا البلد على ثلا ث وجبات كاملة ويرتدي ما يستر عورته فانه بذلك يكون من اغنى اغنياء العالم لان الغني ياكل مثلنا ثلاث وجبات ويلبس مثل ما نلبس فالفرق اذا يكون في البنوك وربنا يسترنا دنيا واخرة ومن يتمتع بالصحة والعافية فانه أغنى الناس وربنا يديمها نعمة .

الأخ العزيز عبد الرحمن البطة
لك مني التحية على إبداعاتك القديمة العتيقة ولكن كان هذا في تسعينيات القرن الماضي أيام كنت مثلنا تشعر بما نشعر به وتلبس ما نلبسه ولكن فاتك وصف ما أنت فيه هذه الأيام من ترف وبحبوحة في العيش وأعتقد أن المستر حسام لم يراع مقتضى الحال في هذه القصيدة ياعم المستر خالك أصبح رأسمالي كبير هو الآن ينظر إلينا نظرة القرفان من وجودنا أصلا في هذه البلد ( وجاتنا نيلة ملينا البلد ) هذه كلمته الشهيرة بعد أن تبدل به الحال .
ختاما لا يفوتني أن أقول ( ارض بما قسمه الله لك تكن أغنى الناس )

ما لي أراك سيدي ........... تنكر فضل الرب
من أنعم كثيرة ..............منها ذاك المرتب
كذامحمول معلق .......... يصل حتى الركب
وريسيفر تزهو به ......... على الأسطح مركب

[/center]
[/size]

بداية التعليق التالي من الحاج أحمد البطة ( شقيق الأستاذ عبد الرحمن البطة )

ذهب رجل إلى النبي صلى الله عليه وسلم يسأله حاجة من حوائج الدنيا فقال له الرسول الكريم في ما معناه " ألك زوجة قال نعم , قال ألك بيت يأويك قال نعم , قال له ألك دابة تركبها قال نعم . قال له الرسول الكريم إذهب فأنت ملك من ملوك الدنيا "
وعلى رأي المثل الفلاحي ربك رب عطا يعطي البرد على قد الغطا .
أظن الرسالة وصلت .

بعد التعليق الشيق من ابي الفاضل احمد البطه لعمي العزيز عبدالرحمن البطه
بجد قصيدة رائعه ونتمني المزيد Very Happy

القصيده بمجملها رائعه وليس عليها غبار
ولكن مع احترامى الشديد للاستان عبد الرحمن اجد انها تشائميه زياده عن اللازم فى بعض الاوقات ما بنلاقيش فلوس نشترى هدوم لكن ما بنكنش عريانين
وفى اوقات الطماطم والخضار غالى بس بنشتريه
واللحمه ايوه غاليه بس اكيد بتدخل البيت ولو حتى مره
لو فكرنا فى بكره ها نتعب وفى النهارده نتعقد
الاسلم ناخد الجميل فى النهارده
ونحلم ببكره احسن وافضل لينا ولكل اللى حولنا

:farao: .+. الله عليك انت بجد جامد وربنا يبارك فيك

والله انا فخوره بيك جدا يا بابا

قصيده بجد رائعه
ربنا يزيدك
وما خفى كان أعظم

الله بيسترها والشهر بيعدى على خير
وتيجى معاناة تانية فى الشهر اللى بعدة

ما لي أراك سيدي ........... تنكر فضل الرب
من أنعم كثيرة ..............منها ذاك المرتب
كذامحمول معلق .......... يصل حتى الركب
وريسيفر تزهو به ......... على الأسطح مركب

المثل الذى يقول" ربك رب عطا يُعطى البرد على أد الغطا"
مثل خاطئ
أليس الله هوالذى يقول (لئن شكرتم لأزيدنكم)؟
بلى فالله عز وجل حكيم وعادل فى عطاياه.
أما عن القصيده فهى جميله وممتعه وربنا يبارك فيك .
وعازين المزيد إن شاء الله
ــــــــــــــــــــــــــــــــــــــــــــــ
حجازي التلبانى
جامعة الأزهر بالمنصوره
قسم الدعوه والثقافه الإسلاميه

ههههههههههههههه
تمام

شكرا على المجهود دى

الكل بيصرخ يا أستاذ/ عبده موظفون وعمال وفلاحون وربنا يستر ويرزقنا جميعا

شكرا يااستاذ عبد الرحمن علي المجهود الجميل
يمكن ان يزيد مراتب لاموظف اذا اعطي العمل حقه
لان بعض الوظفين لايعطون العمل حقه الموظف الي بيروح الشغل الساعة8 ويجي الساعة 2
لحد ما يفطر تبقي الساعة 9.50 وبعد كده يفصص الجريدة منشط منشط يكون اليوم عدا عليه ومصالح الناس متعطله وحليني لحد ما تخلص
وشكراأ ليك ياستاذنا الكريم