رحلة 3 مواطنين مصريين جدا (الحلقة الثالثة)

رحلة 3 مواطنين مصريين جدا (الحلقة الثالثة)

معلش مقدرتش استنى لبكرة وكنت عايز افضفض

استيقظت فى الصباح وكلى نشاط للذهاب الى قلعة صلاح الدين اخذنا تاكسى من المقطم الى القلعة والمسافة صغيرة
بينهم و اخذنا فى الصعود الى هضبة القلعة وفى منتصف الطريق يوجد بوابة للامن فادخلنا فيها وصرخ الجهاز مرة رابعة وكأن الجهاز اللى فى المتحف اخبرة اننا جيين ومرة اخرى تم تفتيشنا وعبرت انا وصديقى العاشق للشعر بسلام
لكن صديقنا التالت فتشوة كتير وتحسسوا ملابسة كلها واخذوا فى التهكم عليه كثيرا وهو صابر ومحتسب لغاية ما خلاص دمه فار واخذ هو كمان يرد ويتهكم عليهم
انا قلت خلاص الرحلة خلصت هنا واكيد هانركب البوكس الواقف على اليمين دة واكيد هانبيت فى التخشيبة وهناك هنلاقى فيها اللى يرسم لنا تليفزيون على الحيطة ويقولى هات لى قناة اى ار تى او يرسم لنا موتوسكل ويقولى اطلع اركبة ولكن الحمد لله سمحوا له بالدخول بعد ما خلصوا ضحك وتهكم علينا
المهم وصلنا لشباك التذاكر وكان نفس المنظر وكأن كل اللى شغلين على الشبابيك فى الاماكن السياحية مستنسخين هما هما نفس الوشوش
المهم قطعنا 3 تذاكر وكانت التذكرة ب2 جنية وذهبنا الى الباب واخدوا مننا التذاكر وطبعا كالعادة طلبوا منا ترك المتعلاقات اللى معانا علشان ندخل على الجهاز و كالعادة الجهاز قال مصرى مصرى مصرى انا قمت رايح للحارس وهو قاعد وقلت له والله ما انت قايم انا جيلك علشان تفتشنى وقد كان
المهم دخلنا ونفوسنا كانت ضاقت على الاخر بس المهم اننا دخلنا واخذنا نستمتع بالعمارة الاسلامية الجميلة والمساجد الرائعة وانا منبهر واشعر بالفخر لاننا من صنع هذة الحصون والقلاع المنيعة اللى صدت جيوش الاعداء سنوات وسنوات
التقطنا بعض الصور الرائعة فى كل مكان فيها ودخلنا مسجد محمد على والمسجد زى ما انتم عرفين تحفة معمارية رائعة وهناك راينا منظر جميل جدا
شوفنا احد المشرفين على رحلة لبعض السياح وهم جاليسن حوله وهو يشرح ليهم الاذان ومعانيه كان يكبر بالعربى بصوت عالى ويترجم ليهم الكلام بالانجليزى والله احنا التلاتة فرحنا جدا بالمنظر
المهم احنا استمتعنا جدا بالقلعة لغاية ما نوينا اننا نمشى
وقبل باب الخروج يوجد مكتب للامن والشرطة داخل القلعة ولما عدينا عليه شفنا منظر محى عن ذاكرتنا كل جمال فى هذه القلعة شوفنا ولد صغير فى المرحلة الابتدائية بيبكى امام ضابط برتبة عقيد لان تاية عن افراد الرحلة وكان معه ولد تانى تاية بس مش بيعيط فشخط الضابط فى اللى بيبكى وقال له بالحرف الواحد
(يابنى انا مش عايز صداع وبعدين ما الحمار اللى جنبك مبيعيطش اهوة)
المهم خرجنا واحنا متضيقين بس طبعا مش هانقدر اننا نتكلم وذهبنا الى موقف السيدة عائشة علشان نركب ونروح للاهرامات>>>>>>>>>>>>>>>>>>>

لسة الحكاية مخلصتش والبقية تأتى ان شاء الله

ياريت تعليقاتكم

يا عم كنتوا خدوها من قصيرها وروحوا بأة ..كان لازم يعنى الأهرامات!!!!!!!!!
ماهى باينة من أولها أهوه..طبعا هتتفتشوا هناك وتطلع روحكم..
عموما أحيى فيكم الروح القتالية دى !!!!!!!ودا شئ مش غريب على الجندى المصرى اللى دمر خط بارليف وعدى لسيناء...وانتو شكلكو كده ناويين تعدوا ...بس تعدوا لفين...أنا مش عارف.

وأنا كمان من رأى الأستاذ عبد الله كنتم تخدوها من قصرها وتروحوا أحسن

انا أعتقد ان مفيش تفتيش
فى الهرم
و لا جهاز يقول بيب
و لا وجع دماغ
بص بقى لو الحكاية دى طويلة و هتعلقنا كده
أنا أجيلك أحسنو أسمعها منك

شكرا على مروركم وتعليقاتكم على رحلتنا الاليمة دى

بس طبعا مكنش ينفع اننا نرحع ونروح علشان يا اخوانا دى بلدنا ولازم نستمتع بها حتى لو فيه

مضايقات لازم نشوف ونتعرف عليها والا نسيبها ليهم احسن بقى

ومش معقول ان السياح ييجوا الاف الكيلومترات ويدفعوا الاف الدولات علشان يشوفوا بلدنا واحنا لا

واحنا التلاته عن نفسنا قررنا نخوض التجربة تانى ولكن فى بلد تانية ورحلة تانية وهى الى

الاسكندرية الشهر القادم علشان نعرف بلدنا وامن بلدى عامل ايه

الاول السلام عليكم ورحمة الله وبركاته
وثانيا انا عواد
وثالثا والله يا جماعه انا كنت بستمتع واحنا بنتفش وبحب اقول لك شاب وفتاء الموضوع جميل التفتيش هو اللى كان مدى للرحله روح لدرجه ان احنا لو متفتشناش مره بنزعل جدا ولدرجة ان لما كنا بنتفتش كنا بنضحك بعدها اكتر من نصف ساعه والله ما ببالغ أجمل شىء التفتيش

شاب وعجوز

مفضح من يومك
انت مابتسترش فى مكان ومبسوط وانت بتقولها على الملأ
اللى يرضى عنك
وضعك الان مختلف يادكتور
يا دكتور
يادكتور

فاضحنا من يومك
انت مابتسترش فى مكان ومبسوط وانت بتقولها على الملأ (بتفتش)
اللى يرضى عنك
وضعك الان مختلف يادكتور
يا دكتور
يادكتور
وازاى الدكتور حد يتجرأ ويفتشه

قررنا نحن السادة المسئولين عن أجهزة التفتيش
بعمل جهاز تفتيش بيظمر تيت تيت
على أول شارع مسجد النور خاص بالأستاذ عواد وأصحابه المذكورين
لكي يقوم بإسعاده والترفيه عنه

وبجد كلام موقنع يا أستاذ أحمد
لو مكناش إحنا إللينعرف تاريخ بلادنا ونتحمل أزاها مين يعني
هنجيب حد من بره

وبخصوص الأولاد مش لاقي كلام أقوله ........ بدون تعليق

عايزين كلنا نضحك بصوت عالى اوى لكلام أخونا شيكووووووووووووووو على فكره يا جماعه الرجل ده دمه خفيف واللى مش مصدق يشوف مواضيعه بس لو جاهز التفتيش اتحط على الشارع هيعرفنى يا سيد شيكو وهيعظمولى فى الدخله والخرجه خليه بعيد شويه اوك يا مان
هههههههههههههههههههههههههههههههههههههههههههههههههههههههههه

ماشي فهمت يا باشا بس والله دمي مش خفيف ولا حاجة

شكراً

ولا يهمك يامان انا اخوك برده وعادى على الاخر احنا هنا اخوات والضحك مطلوب برده

معلش والله الردود دخلت في بعضها بسبب سوء أحوال الطقس

بس أنا برده من ساعت ما شفت رمسيس ده وأنا مش مرتاح
شكلك بترقبني
شكراً على المتابعة
معلش الرد وصل متأخر شوية
اعتبرني أخوك الصغير

انا تحت امرك يا عم الاستاذ شيكو واحنا هنا كلنا اخوات بالفعل

شكراً على الرد الجميل

بصراحة انتوا الاتنين دمكوا أخف من بعض

وكمان الحكاية شيقة وجميلة يا أستاذ أحمد
ومنتظرين الحلقة الرابعة بفارغ الصبر

شكرا يا استاذ منياوى

اه والله هما الاثنين دمهم اخف من بعض

وبقية الحكاية موجود فى الحلقة الاخيرة