محاورة بيني وبينكم

السؤال هنا : بتحب

ربنا ؟؟

الاجابة: طبعا مش عاوزة كلام !!

السؤال

التاني :بتحب رسوله الكريم ؟؟

الاجابة: اكيد من غير نقاش

طبعا كلنا

بنجاوب بنفس الاجابات النمطية دي

لكن السؤال الاهم

::ايه دليلك على حبك للمولى عز وجل ,وعشقك وانتمائك لرسوله الكريم ؟؟؟؟؟

وطبعا الاجابة

هنا هاتكون: ماحنا مسلمين وموحدين بالله وعلى طاعة رسوله .......قف هنا

انت متأكد او

متأكدة انك بتنفذ شروط حبك لله ورسوله ؟؟؟

طيب جاوبوني

بصراحة :

* فيه مرة كنت قاعد فيها بتعمل اي عمل وسمعت آذآن الحق

سبت اللي وراك بسرعة ورحت تلبي النداء؟

يعني انت بتقبل على الصلاة عشان

تخلص الدين اللي عليك والا عشان ترتاح من هموم الدنيا وتكون فرحان وانت

واقف امام المولى عز وجل ؟؟

*كم مرة كنت خاشع بجد في صلاتك وقلبك ورحك في سكينة

تامة؟؟

*ياترى مصحفك الشخصي اتفتح كم مرة ,ياترى حاولت مرة

تهزم ملذات الحياة وتستعين بالله وتبدأ تحفظ القرآن الكريم؟؟

* قمت كم مرة في الليل عشان تصلي القيام او صلاة السحر

وقمت كم مرة قمت من فراشك ومن احلى نومة عشان تقوم تصلي الفجر حاضر

*انت بتحب الرسول (ص) انا عارفة والله, بس عد على ايدك

كام حاجة اخدتها عن رسولنا الكريم وبتنفذها عن حب واقتناع مش قناع

انا عاوزة

اوصل معاكم بعد كل ده لحاجة مهمة (( لازم احب ربنا بجد واحصي نعمه عليا

واعرف قيمتها مهما كانت صغيرة ,بعدها هاتعرف تمتثل لطاعته وقلبك يتحول من

حب الدنيا لحب الله ورسوله

فقط ))

حب الله نعمة

كبيرة ماحدش هايعرف قيمتها الا اللي بيحب ربنا ويخلص له العمل

الكلام ده محاورة بيني وبينكم
واتمنى اني اكون قدرت اوصلكم كلامي

سبحان الله ..

الواحد لما بيقرأ الكلام ده بيحس قد ايه هو مقصر فى حق ربنا ورسوله عليه .
اللهم ارزقنا حبك وحبك نبيك ..وارزقنا الاخلاص فى العمل قولا وفعلا ..يا ارحم الراحمين .

جزاكى الله خير ا .

جزاكِ الله خيرا

جزاكى الله خيرا

» بيني وبين نفسي