شباب ضد الهيافة: عايز أتجوزها جميلة

انا عايز مبدئياً اللى اتجوزها تكون جميلة جدا
بيضاء وعيونها عسلى أو خضرا والشعر يكون ناعم وياريت يكون أصفر
------------------------------------------------------------------------------
ده باختصار تفكير كتير من الشباب فى البنت اللى حيتجوزها
مش عارف بالظبط ليه بقى هو ده التفكير السائد

بقيت بستغرب أنى بشوف شباب إلى حد كبير ملتزم فى حياته وبالرغم من كده ده تفكيره فى اللى حيرتبط بيها
انا مش بعترض طبعا ان الولد لازم يكون شايف فى اللى حيتجوزها جمال يرضيه وميخليهوش يبص لأى حد تانى

لكن للأسف التفكير ده بقى بيغلب على كتير ونسوا الحاجات اللى وصانا الرسول عليها
بقى التفكير الأول فى الجمال وبعدها المال
أما بالنسبة للدين والنسب فمش فى اهتمام الشباب قوى

للأسف بقيت ألاقى الشاب بيبص للبنت الجميلة وبينسى حاجات كتير منها قدرتها على تحمل المسئولية فى البيت وعقلها وعلاقتها بأهلها
وبتكون حجة كتير من الشباب أنه بعد الجواز حيصلح كل الحاجات دى

انا عندى أيمان ان الواحد بيتغير للأحسن بعد الجواز, لكن برضه لازم نعرف إن الطبع يغلب التطبع
يعنى مينفعش البنت تتحول من النقيض للنقيض

واللى بيضايقنى أكتر ان التفكير ده اترتب عليه حاجات غلط كتير
زى إن البنت تحاول انها تتجمل بكل ما هو حلال أو حرام عشان تقدر تلاقى حد يتجوزها
عشان كده تلاقى فى الأفراح البنات جاتلها حالة مرضية لتقليد البلياتشو من ناحية ان وشهم يكون فيه جميع ألوان قوس قزح

الموضوع ده مايمنعش انه فيه شباب كتير تفكيره سليم فى اختيار شريكة حياته على أساس سليم
وفى الأغلب الارتباطات دى اللى بتستمر بنجاح ومبيكونش فيها مشاكل كتير

كلمة أخيرة لأخوانى الشباب: (فاظفر بذات الدين)
وكلمة لأخواتى الفتيات: (ومن يتق الله يجعل له مخرجا)

اللهم انى اسألك الزوجة الصالحة...............

ماشاء الله......جزيت خيرا ع كلامك الجميل اخى..

» قطط جميلة
» كلمات جميلة
» كلمات جميلة
» مناظر جميلة
» عايز تحج؟؟!!