ابو ديما منياوى على حق
الإسم : ابو ديما الإقامة : السعودية نقاط التميز : 4498 عدد المشاركات : 1510 العمر : 38 العمل : محاسب تاريخ التسجيل : 04/10/2008
| موضوع: ظل راجل ولا ظل حيطة الجمعة 05 مارس 2010, 1:51 pm | |
| جلست بعض السيدات فى النادى فتحدثت سيده وبدأت تخطب فى وسط سيدات النادى وقالت :
: قالو ضل راجل ولا ضل حيطه ... ياختى بلا راجل بلا نيله
1 - عمرك سمعتى عن حيطه بتشخر طول الليل ومتخلكيش تعرفى تنامى.
2- ولا حيطه تدخل من باب البيت تجعر عايزه الغداء وبعدين تطين عشتك عشان الملح طلع زياده فى الباميه.
3 - ولا ممكن ترجعى البيت فى يوم تلاقى الحيطه بتبوس فى الشغاله.
4 - طب شفتى حيطه تملا سقف الشقه دخان والارض سجاير.
5 - ولا حيطه تصحيكى من النوم فى نصف الليل عشان معرفش ايه طلع فى دماغها.
6 - ولا حيطه تدوخك وراها عشان تشوفيها بتكلم مين فى نصف الليل فى التليفون.
7 - طب الحيطه معروف مكانها طول الليل انما المحروس يدوخك وراه عشان تعرفى كان سهران في انه داهيه .... قال ايه عنده شغل : يا سم.
8 - ولا فى حيطه تحاول تطلعك غلطانه فى كل الكلمه تقوليها عشان تثبت للعيال ان الحيطه بتفهم عنك.
9 - ولا حيطه تقعد تقولك ماتخرجيش بالفستان ده أحسن اقطعه ولما تطلبى منه فلوس عشان تجيبى فستان غيره تعمل ودن من طين وودن من عجين ... طيب ده حتى الحيطه ليها ودان.
| |
|