أمومه للفتيات فقط

أمومـــــــــــــــــــــــه

حمل وولاده وألم ف الرايحه والجايه
تغيير كافوله وحما و رضاعه طبيعيه
ومتابعه عند الطبيب ف بداية الرحله
خايفه من البرد أو من نزله معويــــه

فـ الحضن نايمه وعين الأم سهرانه
لم غفّلت لحظه حتى وهيه تعبـــــانه
وإن قلت نامى بقى ...تعمللى نعسانه
والقلب واقف حراسه ف خدمه ليليه

والطعم فاكراه قوى قبل المعاد بسبوع
وكل يوم ع الفطار تفتح لنا الموضوع
ولاتنسى أبدا ولو حتى الفؤاد موجوع
إن القمر ف إحتياج لرعايه صحيـــــه

ولما كبرت شويه طلع لها سنـّـــــه
قالت بقيتى عروسه عقبال الحنـــــــه
دانتى ياست الحبايب م الاله منـّـــه
وأضحّى لجلك ياروحى بروحى وعنيه

زاحفه وواحده إتجاهها ناحية السلم
صرخت من القلب تدعى ربنا يســّلم

نطق السان بالدعا من غير ماتتكلم
ألفين سلامه على الحلوين يابكريـــه

ويوم ورا يوم بتفرد طولها قدامها
وهيه أجمل أميــره........ الكل خدامها
وفيها عايزه تحقق كل أحلامهـــــا
وف أول المدرسه زغردت هيـــــــــــه

أول شهاده الفؤاد بين الضلوع هفهف
تانى شهاده خرج م الصدر بيرفرف
ف التالته كان السرور بالفاس وبالمقطف
النونو كبرت ودخلت أحلى كليـــــــــه

الجامعه تحتاج سهر ومذاكره وبتركيز
والأم ضحت عشانها بكل غالى عزيز

لحد ماتخرجت ..تقديرها كان ممتاز
والفرحه فوق الوشوش والكلمه أغنيه
وبنجنى زرعة حياتنا........زينة الدنيا

عبدالرحمن البطه
القاهره
8/9/2008

والله العظيم ابدعت .. انا بقالي نص ساعه واكتر قارىء الموضوع وخايف ادخل ارد هيقولوا ابن اخته وداخل يجامل .. بس والله مش بجامل .. كتبت فابدعت ودا مش جديد عليك استاذ عبد الرحمن ..
قبل ما انسي .. قولي ايه المناسبه بتاعة التاريخ ده .. مين اللي اتولد وخلاك تبدع لينا بالحته الحلوة دي .. اوعي تقولي أحمد حسام .. هههههههههههه مهو هو ده اللي قبلها باسبوعين

بجد بجد

رااااااااااااااااائعه

عيشت معاها وانا بقراها

كانى بشوف قصه ميلادى

وحلمت معاها لما هخلص مدرسه وجامعه

تحياتى لك استاذى ولقلمك الرائع

كتبت فابدعت

دومت ودام قلمك لنا

تحياتى

إيه الروعة دي يا أستاذ عبده

فاكر يوم التلات اللي فات لما سألنا الأولاد في الاتوبيس واحنا راجعين من الرحلة مين أشهر أديب عربي؟
وكانت إجابة الأولاد الأستاذ عبده والله تستاهلها
بمناسبة التوقيع كنت فين في القاهرة وبتعمل إيه

يادكتور/ محمد
انت قلت بنفسك الولاد قالوا يعنى صغيرين وما ناخدش كلامهم على محمل الجد
وكل اللى عندهم اولاد بييشعروا بنفس الشعور وممكن أكتر
لكن تعبيرهم بيكون بطريقه تانيه
كنت فى كلية الدراسات الاسلامية و كتبت نصها هناك ونصها وأنا راجع فى الأوتوبيس

» بمناسبة عيد الحب افضل رساله للفتيات والشباب