القمه العربيه..ورقمها اللى انا مش فاكره .

اليوم السبت 27 مارس سوف تنعقد القمه العربيه اللى بصراحه مش فاكر رقمها كام فى سرت الليبيه .. كانت القمه العربيه من كام سنه حدث عظيم تنعقد لما تحصل مشكله كبيره غير قابله للحل ... فيجتمع الروساء و الامراء و الملوك عشان يحلوا المشكله و يخرجوا بالبيان العظيم اللى بيقول تناقشنا و اتفقنا ( على الا نتفق ) و يبوسوا بعض و يمشوا و المشكله تفضل هى هى من غير حل..!!

المهم قالوا ما بدل ما تكون القمه دائما قمه طارئه نخليها قمه اعتياديه تتعمل كل سنه فى ميعاد و القاده يتقابلوا و يتكلموا و يحلوا المشاكل اللى بينهم و النفوس تبقى صافيه و النوايا بيضا ... و اتعملت القم العربيه السنوية.. واتقابلوا القاده واتكلموا و قرروا ... بس برضه لا النفوس بقت صافيه ولا النوايا بيضا و طيبه ولا المشاكل اتحلت ..!!

القمه العربيه كالعاده هتناقش التهديدات الاسرائيليه للقدس ( للمره الكام مش فاكر ) ..
والموقف الاسرائيلى من عملية السلام ( للمره الكام برضه مش فاكر ).. و سبل تنشيط عملية السلام و ان السلام خيار استراتيجى تبناه العرب من قمة بيروت الى الان ( انا تعبان قوى من حكاية الخيار دى ما فيش حاجة تانيه يعنى ما الجزر و الكوسه حلوين برضه ) القمه العربيه..ورقمها اللى انا مش فاكره . 951399

القمه العربيه..ورقمها اللى انا مش فاكره . 951399

الساده وزراء الخارجيه العرب اجتمعوا كتر خيرهم و قدموا مشروع القرارات اللى هيعتمدها الساده القاده كتر خيرهم برضه و هى كالاتى :

1- زيادة الدعم للفلسطينيين في القدس من مائة وخمسين مليون إلى خمسمائة مليون دولار وذلك لمواجهة التحرك الاستيطاني الاسرائيلي في المدينة.( اصلا حد شاف او سمع عن الحاج دعم ده .. حد يقولى و الله لانى ما اعرفش بيروح فين ) القمه العربيه..ورقمها اللى انا مش فاكره . 267859

القمه العربيه..ورقمها اللى انا مش فاكره . 267859

2-مشروع قرار يرفع الى القمة العربية يشدد على التأكيد أن القدس جزء لا يتجزأ من الأراضي الفلسطينية المحتلة عام 1967 ( على اساس ان دى يعنى معلومه جديده ولا ايه مش فاهم الحكايه دى حد يفهمنى ) القمه العربيه..ورقمها اللى انا مش فاكره . 267859

3- يتوقع ان تكون المحادثات غير المباشرة بين الفلسطينيين والاسرائيليين محط اهتمام خاص في القمة، وسيتم فيها ايضا التداول في عواقب وتبعات استمرار النشاطات الاستيطانية الاسرائيلية في القدس الشرقية.( نورتو المحكمه .. ده طبعا تبع بند الخيار الاستراتيجى )

4- ويقول مراقبون للقمة انها ستبحث انشاء مفوضية خاصة بالقدس ضمن اطار الجهاز التنفيذي في الجامعة العربية وتم الاتفاق على أن تتبع هذه المفوضية الامانة العامة للجامعة العربية والتوجه للمحكمة الدولية اما مباشرة أو من خلال جلسة خاصة للجمعية العمومية للامم المتحدة، واتفق على توفير دعم بقيمة نصف مليار دولار للمدينة المقدسة واهلها .( اللى اعرفه واللى اوعىعليه يعى ان فيه حاجه اسمها لجنة القدس برئاسة ملك المغرب مهمتها حماية المدينه المقدسة دوليا.. ؟؟ طيب ايه بقى لزمة المفوضيه الجديده دى ) القمه العربيه..ورقمها اللى انا مش فاكره . 267859

السيد عمرو موسى امين عام الجامعة العربية صرح بالاتى : تم التأكيد على الموقف العربي بأنه مهما يحدث في القدس نعتبره ويعتبره العالم معنا باطلا وغير قانوني وليس له كيان .

وستعرض قرارات وزراء الخارجية على القمة ليوافق عليها رؤساء الدول العربية في قمتهم السنوية بمدينة سرت الليبية الواقعة على ساحل المتوسط يومي 27 و 28 من هذا الشهر، كما يناقشون خطة عمل اذا فشلت المحادثات مع اسرائيل.

وقال موسى ان الدول العربية ستبحث الموقف في حال احتمالات الفشل، وماهي الاجراءات التي ستتخذ في هذه الحالة ، مضيفا ان احتمالات الفشل أكبر .

يعنى احنا من الاول عارفين ان المفاوضات فاشله فاشله يا ولدى ومع ذلك برضه بندور على المفاوضات و ماشيين وراها و لسه ما فيش عندنا غير الخيار الاستراتيجى اياه ..!!
من الاخر فيلم القمه العربيه ده شفته قبل كده و سمعته كتير ... و مافيش عندى اى امل فى اكتر من تلات أو اربع كلمات من ضمنهم طبعا نشجب و نستنكر و ندين ( ما فيش مره نهدد ) ... بس يمكن المره دى ندين تيجى فى الاول و نشجب فى النص و نستنكر تبقى اخر حاجه ...!!

سعد زغلول قالها (ما فيش فايدة ) وانا معاه ..فى حد هنا لسه عنده امل فى القمه العربيه .. حد عنده امل فى العرب عموما..؟!!

اى قمه تتحدث عنها استاذ محمود

قمه بيعلن عنها القذافى انها هتفتتح بحفل فنى

وذالك فى سابقه هى الاولى من نوعها ويتخلل الحفل مجموعه من الانشطه

التراثيه والعروض الفنيه لخمس دول (فلسطين الاردن العراق سوريا لبنان)

ياترى الحفل ده على روح اطفال وشهداء فلسطين اللى هم اساس انعقاد القمه

كل اللى حددوه تخصيص دعم مالى قدره 500 مليون دولار

ده كل قرارت القمه وكالعاده سيوضع كل قرارات القمه الليبيه

هذه فى ملف انيق وسيوضع فوق الملفات السابقه لحين انعقاد قمه اخرى

وعلى ما اظن انها ستكون فى العراق باذن الله

وسلم لى على الحكام العرب

حسبى الله ونعم الوكيل

وصدقت ياعم سعد

مفيش فايده

تقبلى رايى استاذ محمود

قمه عربيه قال .... دى قااااااااااااااااع القااااااااع العربيه ...
الا امبارح اسامه سرايا على الجزيره .... يقولك القاده العرب اعترفوا بالمسؤليه تجاه القضيه الفلسطينيه وقضيه الاقصى ... بروح امه فااااكر ان دا انجاز ... الناس دى جنسها ايه

القاده العرب والاعلامين الحكوميين العرب بقوا صراحه حاجه بجحه وقليله الذوق ... ,ولا هايقدموا ولا يأخروا كالعااااااده والمره دى بزياده ... الناس دا مابقاش مننهم فايده خلاص

كواليس اليوم الاول من القمة ( منقول من اليوم السابع )

طالب الزعيم الليبى معمر القذافى القادة العرب بأن تكون مطالب الشارع العربى أمامهم وهم يتخذون قراراتهم، وقال القذافى أمام قمة سرت "إن الشارع العربى شبع من الكلام.. وأنا شخصيا تحدثت خلال الأعوام الماضية فى كل شئ، وأعتقد أنهم ينتظرون من القادة العرب بأفعال وليس اقوال أو خطب"، مضيفا "أن المواطن العربى تخطانا.. والنظام الرسمى العربى الآن يواجه تحديات شعبية متزايدة.. فلا نطمع أن نفرض شيئا على المواطن العربى الذى هو الآن متمرد ومتمرس وإذا فعلنا شئ يلبى طلباته فإنه سيمشى معنا وإذا لم يرض عما نقوله فهو لا يتقيد به أو يلتزم به".

وأكد القذافى أن الجماهير الآن لديها قرارها، وأن الحكام العرب فى وضع لا يحسدون عليه لأنهم يواجهون تحديات غير مسبوقة.. أذن نحن نحاول أن نعمل ما تريده الجماهير لأن الجماهير ماضيه فى التحدى الرسمى.

وكان قائد الثورة الليبية قد استقبل الرؤساء والملوك العرب قبل بدء الجلسة الافتتاحية أمام لافتة تحمل تواريخ الاتحادات التى تمت بين عدد من الدول العربية مثل اتحاد "مصر وسوريا وليبيا "، فى مشهد أراد من خلاله القذافى التأكيد لضيوفه العرب على أهمية أن يكون الاتحاد هو هدفهم من خلال قمة سرت.

.................................................

بالرغم من ان معمر القذافى جعجاع وعبيط ..لكنه معه حق فيما قاله ...لكنه فى النهايه يصبح مجرد كلام طالما لا يصحابه فعل ..!

واخيرا

مساكين بعض العرب لا يزالون يعتقدون بأن هنالك جامعه للدول العربيه
كل دوله عربية تعمل منفرده منذ عشرات السنين والاجتماعات التى تحصل مجرد نزهه للقاده العرب وتغيير الاجواء
للاسف الامه العربيه انتهت كنظام سياسى بعد نكبة فلسطين..!!

اسعدنى مروركم

» كل اللى عايز يموت.......يخش ينقى الطريقة اللى تعجبو
» القمه فى كل شئ
» براعة اللغه العربيه
» لغه عربيه (3) أعدادى اسئلة فى اللغه العربيه
» صور جبال فيفاء في المملكه العربيه السعوديه