موضوع: رد: القضاء المصرى يصدر حكما بمنع عمل المرأة قاضية _هل انت مع ام ضد؟ الأربعاء 31 مارس 2010, 2:28 pm
ايه المشكله انها تتعين قاضيه ؟؟؟
كان زمان القاضى هو اللى بيحكم وهو اللى بيعطى العدل وهو الفيصل
لكن دلوقتى بقى فيه حاجه اسمها مؤسسه العداله يعنى فيه موظفيين واداريين ونيابه وقضاء وممكن تطعن فى الاحكام الصادره
يعنى ماعتش القاضى هو سيف العدل وحجج ان المرأه عواطفها لا تسمع وشعورها والكلام دا كلام فات زمانه لانها بقت منظومه مش شغل فردى وكلها مستندات وورق وواحد زائد واحد بيساوى اتنين
موضوع: رد: القضاء المصرى يصدر حكما بمنع عمل المرأة قاضية _هل انت مع ام ضد؟ الأربعاء 31 مارس 2010, 9:41 pm
شرعا
بالنسبة لتولي المرأة منصب القضاء ، فقد أجاز أبو حنيفة أن تتولى القضاء فيما تجوز شهادتها فيه، أي في غير الأمور الجنائية، وأجاز الطبري وابن حزم أن تتولى القضاء في الأموال وفي الجنايات وغيرها.
وجواز ذلك لا يعني وجوبه ولزومه بل ينظر للأمر في ضوء مصلحةالمرأة، ومصلحة الأسرة، ومصلحة المجتمع، ومصلحة الإسلام،
وقد يؤدي ذلك إلى اختياربعض النساء المتميزات في سن معينة، للقضاء
في أمور معينة، وفي ظروف معينة
وهذا يعني أنه ربط الإجازة بالمصلحة العامة، وبسن المرأة ، وتميزها.
فانونا
لا يوجد قانون يمنع المرأه من ممارسه القضاء حتى الدستور المصرى كفل مبدأ المواطنه وكذلك المساواه بين الرجل والمرأه
ودا لينك الموضوع فى اسلام اونلاين للى عايز يشوف الاراء المعارضه والاراء المؤيده شرعا وقانونا وكل واحد حسب اعتقاده
نقاط التميز : 5196عدد المشاركات : 1638العمر : 49العمل : مدرس لغة عربيةتاريخ التسجيل : 05/09/2008
موضوع: رد: القضاء المصرى يصدر حكما بمنع عمل المرأة قاضية _هل انت مع ام ضد؟ الأربعاء 31 مارس 2010, 9:49 pm
يعنى هيه قلة رجالة فى البلد إما المرأة تشتغل قاضيا فأمامها ألف مهنة غير القضاء مناسبة لها ولا هيه حبكت تفتكروا لوأصبحت قاضيا المحامى هينادى عليها ويقول يا حضرة القاضية ولا يا مدام والله الناس دى فاضية ومش لاقيين لهم شغلانة تشغلهم
موضوع: رد: القضاء المصرى يصدر حكما بمنع عمل المرأة قاضية _هل انت مع ام ضد؟ الأربعاء 31 مارس 2010, 10:48 pm
اقتباس :
لا يوجد قانون يمنع المرأه من ممارسه القضاء حتى الدستور المصرى كفل مبدأ المواطنه وكذلك المساواه بين الرجل والمرأه
لعن الله قوماً ولوا أمورهم لأمرأة ...حديث صحيح
ثم يا دكتور انت تعلم ان الدستور المصرى عباره عن سمك لبن تمر هندى ..!! ثم انا شايف ان الحكومه بتحشر المرأه فى أعمال مؤثره و مهمه فى البلد كالقضاء والترشيح لعضوية مجلس الشعب والشورى ليس لتحقيق المساواه بين الرجل والمرأه ..ولكن لان المرأه يسهل التأثير عليها ..وخصوصا داخل مجلسى الشعب والشورى ..مش معقول هتلاقى امرأة عضوه فى المجلس تابعه لحزب الا الحزب الوطنى ..حتى يستطيع ان يحقق اغلبيه فى المجلس ولو على حساب المرأه ...!
واخيرا عندما يكون عندنا ازمة رجال او يكون الرجال غير قادرين على شغل القضاء وقتها نستعين بالمرأه ..لكن موضوع المساواه وحرية المرأه والكلام ده ضحك على الدقون ..!