البرادعى يصلى الجمعة فى مسجد النور بالمنصورة

شهدت أول زيارة للدكتور البرادعى بالمحافظات منع الأمن لعدد من أعضاء الجمعية
الوطنية للتغيير من دخول مركز الكلى والمسالك البولية بالمنصورة وفقاً لتعليمات
رئيس جامعة المنصور، وهو ما دفع الدكتور محمد غنيم عضو الجمعية الوطنية ومؤسس مركز
الكلى لاختيار 4 شخصيات فقط من مصاحبى البرادعى والدخول معه وهم الدكتور محمد أبو
الغار وجورج إسحاق وعلى البرادعى والدكتور عبد الجليل مصطفى، إلا أن الدكتور عبد
الجليل رفض الدخول، احتجاجاً على عدم السماح لزملائه من باقى أعضاء الجمعية الوطنية
للتغيير.

وإزاء هذا الموقف سيطر الغضب من جانب بعض أعضاء الجمعية لمنعهم من
الدخول، حيث قال عبد القدوس "عيب اللى بيحصل دا"، فى حين قال عبد الرحمن يوسف "كل
الأبواب المغلقة الآن ستفتح قريباً".

ومن جانبه أكد حسن نافعة المنسق
للجمعية الوطنية وأحد الممنوع من دخول المركز، أن ما حدث هو تنفيذ لتعليمات أمنية،
تؤكد أن رئيس الجامعة لا حول له ولا قوة، وأن الأمن هو المتحكم، مستنكراً عدم دخول
أساتذة الجامعة أى جامعة فى مصر، وهو ما اتفق معه الدكتور عبد الجليل مصطفى.

وفور وصول البرادعى استقبله الدكتور محمد غنيم، ثم اتجه الدكتور البرادعى
من مركز الكلى فى مظاهرة كبيرة إلى مسجد نور فى شارع الجمهورية، حيث أدى صلاة
الجمعة، وبعد الصلاة وقفت جماهير حاشدة من أبناء المنصورة الذين تجمهروا أمام
المسجد وهتفوا باسم البرادعى واتجهت المظاهرة من مسجد نور إلى منطقة الماشية،
وبعدها استقل البرادعى سياراته واتجه إلى مكتبة بوك آند بنز.

البرادعى يصلى الجمعة فى مسجد النور بالمنصورة 16

البرادعى يصلى الجمعة فى مسجد النور بالمنصورة 16

تعمد الشيخ صبرى إمام مسجد نور بالمنصورة والذى أدى فيه الدكتور محمد البرادعى
المدير السابق لوكالة الطاقة الذرية سابقا وأعضاء الجمعية الوطنية للتغيير صلاة
الجمعة ، حث المصلين على طاعة الرئيس مبارك باعتباره ولى الأمر والحكومة لأن فى ذلك
صلاح للأمة، قائلا "يا أيها المؤمنون أطيعوا الله ورسوله وأولى الأمر منكم، واسمعوا
وأطيعوا ولو تأمر عليكم عبد حبشى، واستشهد بآيات قرآنية منها"، قل إن كنتم تحبون
الله فاتبعونى يحببكم الله"، كما ذكر الإمام اسم الرئيس مبارك أكثر من مرة فى خطبته
وهو الأمر الذى دفع المحامى عصام سلطان – عضو الجمعية الوطنية للتغيير – بترك
الصلاة والخروج من المسجد، قائلا لليوم السابع إن إمام المسجد قام بتاويل الآيات
القرآنية التى يقصد بها الله عزوجل رسولنا الكريم وفسرها على أنها تعنى طاعة الرئيس
مبارك، وأنا لا يجوز لى أن أصلى وراء إمام مثله". بينما علق الإعلامى حمدى قنديل
على الخطبة قائلا "نوعد الإمام أنه بكرة هيترقى لمنصب كويس".

ومن ناحية
أخرى، علم اليوم السابع أنه قبل صلاة الجمعة تم استبدال خطيب مسجد نور بالشيخ صبرى،
وهو ما أخر بداية الخطبة لمدة 10 دقائق حتى ظهر الخطيب الجديد، اللافت هو أن
الاستراحة بين الخطبتين، شهدت هتافات من بعض المصلين للمطالبة بنصرة البرادعى، حيث
دعا أحد المصلين ردا على قول إمام المسجد بعد الخطبة الأولى "ادعوا يستجيب لكم"،
"اللهم أخذلهم" فى إشارة منه للأمن، فرد عليه الخطيب "أنتم قاعدين فى
مسجد".

وشهدت مسيرة البرادعى من مركز الكلى والمسالك البولية إلى مسجد نور
ومنه إلى الشارع المجاور زحاما شديدا من قبل مؤيديه الذين تجاوز عددهم الألف شخص،
مرددين شعارات شد القلوع يا برادعى، يا برادعى قولها قوية مصر عاوزة ديمقراطية، يا
برادعى أنت البطل، يا منصورة يا أبية البرادعى مية المية مصر فيها ألف بديل
والبرادعى هو البديل". وصافح البرادعى المواطنين البسطاء من أهالى المنصورة الذين
هتفوا له "عاوزينك يا برادعى عاوزين التغيير". وارتدى أعضاء الحملة المستقلة لدعم
البرادعى "تى شيرتات " بيضاء تحمل صورته.

ومن شدة الزحام لم يستطع البرادعى
السير بين الناس مما دفعه إلى الدخول لإحدى العمارات ليقف بداخلها حتى يهدأ مؤيديه،
وبعدها انتقل بسيارته لفرع مركز الكلى فى قرية منية سمنود.

والله انا شيفه ان الرجل ده خير من يمثل مصر

وان شاءالله بنتخبه

انا شفت الصور الان فى اليوم السابع والدستور

بجد حب الناس له جميل قوى

الناس زى ما تكون بتتعلق باشه

علشان تخرج من نظام الظلم والقهر والفقر اللى بيعشوه

شكرا ابو كريم على نقل الخبر

متابعة بالصور للزيارة

حسن نافعة أثناء مصاحبته للبرادعى

البرادعى يصلى الجمعة فى مسجد النور بالمنصورة 1

محمد عبد القدوس ممنوع من دخول مركز الكلى

البرادعى يصلى الجمعة فى مسجد النور بالمنصورة 2

قيادات الجمعية الوطنية فى انتظار البرادعى

البرادعى يصلى الجمعة فى مسجد النور بالمنصورة 3

مركز الكلى مغلق بأمر الأمن

البرادعى يصلى الجمعة فى مسجد النور بالمنصورة 4

صور البرادعى انتشرت بالمنصورة

البرادعى يصلى الجمعة فى مسجد النور بالمنصورة 5

البرادعى وحمدى قنديل أثناء زيارته للمنصورة

البرادعى يصلى الجمعة فى مسجد النور بالمنصورة 6

جورج إسحاق ومناصرو البرادعى أثناء الجولة بالمنصورة

البرادعى يصلى الجمعة فى مسجد النور بالمنصورة 7

حشد جماهيرى حول البرادعى

البرادعى يصلى الجمعة فى مسجد النور بالمنصورة 8

البرادعى فى المسجد يتلو القرآن

البرادعى يصلى الجمعة فى مسجد النور بالمنصورة 9

البرادعى أثناء صلاة الجمعة

البرادعى يصلى الجمعة فى مسجد النور بالمنصورة 10

البرادعى ولحظات تأمل

البرادعى يصلى الجمعة فى مسجد النور بالمنصورة 11

البرادعى فى انتظار إقامة الصلاة

البرادعى يصلى الجمعة فى مسجد النور بالمنصورة 12

اهالى المنصورة ينتظرون البرادعى أمام المسجد

البرادعى يصلى الجمعة فى مسجد النور بالمنصورة 13

الجماهير رفعت اللافتات المؤيدة للبرادعى

البرادعى يصلى الجمعة فى مسجد النور بالمنصورة 14

البرادعى وسط الحشود الجماهيرية

البرادعى يصلى الجمعة فى مسجد النور بالمنصورة 15

البرادعى وسط مؤيديه

البرادعى يصلى الجمعة فى مسجد النور بالمنصورة 16

ريم كتب:

والله انا شيفه ان الرجل ده خير من يمثل مصر

وان شاءالله بنتخبه

انا شفت الصور الان فى اليوم السابع والدستور

بجد حب الناس له جميل قوى

الناس زى ما تكون بتتعلق باشه

علشان تخرج من نظام الظلم والقهر والفقر اللى بيعشوه

شكرا ابو كريم على نقل الخبر

انا مش معاكي خالص يا ريم

الراجل دا هيوقع البلد والله

دا مكنشي بيجي مصر خالص يبقي ممكن يمثلنا ازاي

يا جماعة والله مش مقتنعة بيه نهائى

ومش قادرة انسى موقفه الا عمله ضد العرب

غير كدة

حاسه انه بيمثل جدااااااااااااااااااااااااااا

انا كنت موجودة يوم الجمعة وشفته كنت بشترى حاجة وفجاءة سمعت صوت مظاهرة وقفنا نشوف لقيناه وحواليه ناس

والله مش كتير وكانوا بيعملوا كدة ادام المصورين بس حتى واحد كان لابس شيرت البرادعى انا وصحبتى كنا بنتكلم وبنقول انه هيضيعنا فقلنا انا تبعه وقعد يضحك موت
فرحان انه ماشى ف مظاهرة وبيتصور

حصل موقف بجد معرفتش اعمل اية اضحك ولا اعيط

واحدة سالتنى وانا واقفة هو فى اية قولتلها البرادعى هنا ردت تقولى مين دة ؟؟؟؟؟؟؟؟؟

بالله عليكم دى مش كفاية

قولتلها مرشح نفسه يكون رئيس وعرفتها بيها قالتلى هو كويس ولا لا قولتلها الله اعلم بس معتقدتش
قالتلى هينزلنا اسعار الزيت والسكر والمساكن قولتلها الله اعلم

قالتلى انا بحب الرئيس مبارك لسبب انه منع عننا الحروب لو كنا دخلنا فى اى حرب كنا ضعنا

وانا بتفق معاها

مش معنى كدة انى مش بحب التغير لا والله ابدا

انا نفسى فيه زى اى حد بس التغير الا على حق مش نجيب حد يكمل نهب ف البلد ويبقى زى ما رحنا زى ما رجعنا ساعتها هيكون التغيير حلو؟؟؟؟؟؟؟

انا نفسى فى حد يعرف يحب البلد ويخاف عليها ويعرف مسئولياته ناحية الشعب من اصغر حد لاكبر حد

وانا مش من مشجعى البرادعى دة خااااااااااااااااالص

سورى يا جماعة على الاطالة

دة رايى المتواضع

قال
إنه على استعداد لإجراء مناظرة معه.. كبير المفتشين سابقًا بالوكالة
الدولية: البرادعي يعمل ضد مصر والدول العربية وموقفه من غزو العراق كان
مائعًا

كتب هشام سلطان (المصريون):
|
24-03-2010 00:24

شن الدكتور يسري أبو شادي كبير المفتشين سابقًا
بالوكالة الدولية للطاقة الذرية هجومًا حادًا ضد الدكتور محمد البرادعي
المدير السابق للوكالة متهمًا إياه بالتورط في المؤامرات التي تحاك ضد مصر
والدول العربية، متعللاً بامتلاكها اليورانيوم الذي يستخدم في صناعة
القنابل النووية.

جاء ذلك في تصريح خلال اجتماع لقيادات الأحزاب
المناهضة لترشح البرادعي رئيسًا للجمهورية أمس بقرية "البادية" على طريق
القاهرة - إسكندرية الصحراوي بحضور رؤساء أحزاب "الشعب الديمقراطي" أحمد
الجبيلي و"المحافظين" مصطفى عبد العزيز و"الجمهوري الحر" حسام عبد الرحمن
و"الاتحادي" حسن ترك و"الأمة" الدكتور سامي حجازي، رئيس "الجبهة الشعبية
لحماية مصر".

واتهم أبو شادي البرادعي الذي زامله لسنوات طويلة
بالاستناد للمزاعم الإسرائيلية دون التحقق في كتابة تقاريره حول وجود مواد
مشعة بالموقع السوري الذي قصفه الطيران الإسرائيلي في سبتمبر 2007.

وكان
يشير بذلك إلى تقرير صادر عن الوكالة الدولية للطاقة الذرية جاء فيه أن
المُجمع السوري الذي قصفته إسرائيل يحمل ملامح تشبه ملامح مفاعل نووي غير
معلن عنه وعلى سوريا أن تتعاون بصورة أكبر مع مفتشي الأمم المتحدة لإتاحة
الفرصة لهم كي يتوصلوا لنتائج.

وانتقد كذلك موقف البرادعي من الغزو
الأمريكي للعراق، استنادًا إلى مزاعم عن امتلاكه أسلحة دمار شامل، قائلا
إنه كان يتسم بـ "الميوعة"، مقارنا بينه والدكتور بطرس غالي الأمين العام
الأسبق للأمم المتحدة الذي قدم استقالته من منصبه احتجاجا على الممارسات
الأمريكية، على حد قوله.

وأبدى أبو شادي الذي يعمل خارج مصر
استعداده للعودة على طائرة خاصة لمواجهة البرادعي في أي مناظرة علنية
تعقدها كتلة الأحزاب السياسية المعارضة لترشح البرادعي والتي تطلق على
نفسها اسم "الجبهة الشعبية لحماية مصر" حيث من المقرر أن تعقد في 31 مارس
الجاري ثاني محاكمتها للبرادعي، وذلك على مقربة من منزل الأخير على طريق
القاهرة - الإسكندرية الصحراوي.

وسبق أن شن أبو شادي هجوما عنيفا ضد
البرادعي خلال مقابلة أجرتها معه صحيفة "روزاليوسف" المقربة من أمانة
"السياسات" بالحزب "الوطني" تطرق فيها خصوصًا إلى موقفه من تقرير للوكالة
الدولية للطاقة زعم العثور على آثار يورانيوم مخصب في مفاعل أنشاص بمحافظة
الشرقية، مشيرًا إلى أن معد هذا التقرير من المتعصبين الموصوفين بالعنصرية
وكان مقربًا من البرادعي.

وتابع قائلا: حاولت أنا وبعض العلماء
والخبراء المصريين الموجودين بالوكالة إقناع البرادعي بالرد علي هذا
التقرير خاصة أننا جميعا عملنا في مفاعل انشاص، فقد انتدبت لمدة يومين
للعمل به أثناء فترة تواجدي للتدريس في قسم الهندسة النووية بجامعة
الإسكندرية، وكنا متأكدين أنه يستحيل من الناحية الفنية أن يكون هذا
التقرير صحيحا، لكن للأسف صدمني لبرادعي قائلا: "يا دكتور يسري إنت من زمان
بعيد عن مصر وما تعرفش إيه اللي بيحصل هناك دلوقتي"!.

المصدر: http://almesryoon.com/news.aspx?id=26318

والله انا باستعجب جدا من الناس اللى بتهاجم البرادعى
لمجرد انه عايز اصلاحات دستوريه فى البلد
وقال ايييييه دا بيعمل ضد مصر وعميل للغرب ؟؟؟؟؟؟؟؟
طب بالذمه دا كلام ؟؟؟؟؟؟؟
اضحك من هنا لببببكررررررره ...هههههههههههههه
احنا اتعمينا خالص
وموضوع العراق دا فيه كلام
والناس العبيطه اللى فاكره اننا بننسا
مش واخدين بالهم ان امريكا ضربت العراق بدون ماتعبر حد
وتقرير الوكاله نفى وجود اسلحه فى العراق
فيييييين بقى اموقف المايع ؟؟؟؟؟؟؟؟
وموقف مايع قدام مييييييييين؟؟؟؟؟؟
قدام امريكا
اللى تفت على العالم كله وادت حكماااااااء وزعماء العرب بالجذذذمه وضربت العراق

يعنى هو الحال عااااااااااااااجب الناس اووووووى ؟؟؟؟؟
داحنا اتخلفنا فى كل حاجه
حتى اتخلفنا كبنى ادمين

والقوى السياسيه العبيطه اللى فى الشارع
كلهم مالهمش اى كرامه ولا وزن
وجبهه معارضه ترشيح البرادعى ( على اساس انه اترشج اساسا )
مش هما دول برضه اللى اخدوا الميلون جنيه وعملوا برامج عبيطه زيهم
فى مسرحيه الانتخابات الرئاسيه الماضيه

كفايه بقى فلقتونا
الراجل اخد فرصته 30 سنننننننننه
ايييييييييييه مش كفايه بقى ؟؟؟؟؟؟؟

مش كفايه لما يحول العلماء والدعاه واساتذه الجامعات وحتى المدرسين وموظفين الدوله
مجموعه من المخبرين بس بدل العصايه النص كتاب ولا قلم ولا حتى عمه

اول حد له ثقل ووزن يبدأ يطالب باصلاحات
الللى خايف واللى مش فاهم واللى متطفل والوصولى
كله بقى فى ماراثون تقديم الولاء
والله دا اللى ناقص اننا نعبده من دون الله

dr_mohamed shady كتب:: والله انا باستعجب جدا من الناس اللى بتهاجم البرادعى
لمجرد انه عايز اصلاحات دستوريه فى البلد
وقال ايييييه دا بيعمل ضد مصر وعميل للغرب ؟؟؟؟؟؟؟؟
طب بالذمه دا كلام ؟؟؟؟؟؟؟
اضحك من هنا لببببكررررررره ...هههههههههههههه
احنا اتعمينا خالص
وموضوع العراق دا فيه كلام
والناس العبيطه اللى فاكره اننا بننسا
مش واخدين بالهم ان امريكا ضربت العراق بدون ماتعبر حد
وتقرير الوكاله نفى وجود اسلحه فى العراق
فيييييين بقى اموقف المايع ؟؟؟؟؟؟؟؟
وموقف مايع قدام مييييييييين؟؟؟؟؟؟
قدام امريكا
اللى تفت على العالم كله وادت حكماااااااء وزعماء العرب بالجذذذمه وضربت العراق

يعنى هو الحال عااااااااااااااجب الناس اووووووى ؟؟؟؟؟
داحنا اتخلفنا فى كل حاجه
حتى اتخلفنا كبنى ادمين

والقوى السياسيه العبيطه اللى فى الشارع
كلهم مالهمش اى كرامه ولا وزن
وجبهه معارضه ترشيح البرادعى ( على اساس انه اترشج اساسا )
مش هما دول برضه اللى اخدوا الميلون جنيه وعملوا برامج عبيطه زيهم
فى مسرحيه الانتخابات الرئاسيه الماضيه

كفايه بقى فلقتونا
الراجل اخد فرصته 30 سنننننننننه
ايييييييييييه مش كفايه بقى ؟؟؟؟؟؟؟

مش كفايه لما يحول العلماء والدعاه واساتذه الجامعات وحتى المدرسين وموظفين الدوله
مجموعه من المخبرين بس بدل العصايه النص كتاب ولا قلم ولا حتى عمه

اول حد له ثقل ووزن يبدأ يطالب باصلاحات
الللى خايف واللى مش فاهم واللى متطفل والوصولى
كله بقى فى ماراثون تقديم الولاء
والله دا اللى ناقص اننا نعبده من دون الله

والله يا دكتور ما لاقى كلمة اضيفها بعد كلامك ...

عارف مشكلة مصر الحقيقيه ايه ..بجد ..؟!!
ان 75% من شعب مصر منافقين وماسحى جوخ ومطبليين ..والــ25% الباقيين جهله ومتخلفيين .
انت فاكر انتخابات الرئاسه الماضيه لما انتشرت كلمة ( اللى نعرفه احسن من اللى ما نعرفوش )
قسما بمن ر فع السماء بلا عمد ..احنا عباره عن حمير تعودنا اننا نتساق بالكرباج ( شى ..حااااااااا )
وخساره فينا الديمقراطيه لاننا لسنا مؤهليين لها ..وقدامنا كمان مليون سنه علشان نبقى زى الدول المحترمه .
وطز فى أم الــ22 بهيم .عفوا الــ 22حزب اللى ساهموا فى بقاء هذه الحكومه بقيادة قائد الهجصه الجويه .

!!!!!!!!!!!!!!!!!!!!!!!!!!!!!

تعد هذه أول مرة ألاحظك فيها يا دكتور محمد بهذه العصبية..عصبية شديدة جدااا واضحة فى مساهمة حضرتك أعلاه..وطبعا لها مايبررها ؛ لكن لو لاحظت اسم ووظيفة من أوردتُ الكلام على لسانه لأدركت فورا أن مثل هذا الرجل ليس من ( 75% من شعب مصر منافقين وماسحى جوخ ومطبلين) وبالطبع هو ليس من (25% الباقيين جهلة) بنفس ألفاظ الأستاذ محمود فتحى..
المسألة يا اسيادنا مسألة قناعات شخصية..وأنا عندى قناعة شخصية أن هذا الرجل البرادعى صنعة أمريكية ، وتغيير لزوم المرحلة..قد يحدث تغييرات طفيفة فى الديمقراطية والحريات العامة ولكن بالقدر الذى يسمح لأمريكا أن تركبنا و(تدلدل) رجليها ، أما إن زاد قدر الحريات عن هذا-ولن يزيد- فسترى عجبا من هذا البرادعى..
عارف ايه نوع الحريات التى ستكون متاحة تحت حكم البرادعى؟
حرية الصحافة الهازئة بالإسلام ، وحرية الإعلام الهازئ بالإسلام ، وحرية العقيدة الهازئة بالإسلام،يا جماعة نحن لعبة فى يد أمريكا تضع من تشاء فى سدة الحكم وتخلع من تشاء..وهذا الوضع ليس جديدا فقد بدأ بثورة يوليو(راجع كتاب ثورة يوليو الأمريكية لمحمد جلال كشك) مرورا بالمؤمن صاحب كامب ديفيد(راجع البحث عن الذات للسادات)وصولا إلى قائد الهجصة الجوية كما يقول الأستاذ محمود فتحى،ولن يكون البرادعى بعيدا عن كل هذا..
يا جماعة الحل فى حكم إسلامى رشيد ، وليس بالضرورة أن يكون إخوانيا فقد خلعت عباءة الإخوان منذ زمن بعيد..
لما الشعب يبقى مسلم..هتلاقى الحاكم بقى رشيد
معذرة للإطالة

http://www.ahewar.org/debat/show.art.asp?aid=55702

دا رابط من منشورات الحوار المتمدن ذات التوجه العلمانى
حوار مع الدكتور يسرى ابو شادى سنه 2006

حضرتك ممكن تشوف بيقول ايه على علاقه امريكا بالبرادعى
وكم الاعتراض الامريكى عليه لانه لا يرضى رغباتها
وتشوف حضرتك دور الوكاله من الحرب على العراق

وتشوف الدكتور المحترم يسرى ابو شادى
وكل مايتسأل عن اسرائيل يهرررررب زى الفار
والاخر قال للصحفيه
هابقى اجاوب على اسألتك بخصوص اسرائيل لما اسيب منصبى فى الوكاله !!!!

اولا مش اى كلام يتكتب نصدقه
وخصوصا اننا ماشاء الله سمعنا كلام كتير من الكوره للفن للسياسه
والاخر صاحبه يقول دا كذب وماحصلش

ولو كان الدكتور قاله بجد
يبقى كدا افصح عن نفاقه
الراجل ساب منصبه فى الوكاله
وجاى يسترزق بقى !!!!!!!!!!!

وبعدين يا استاذ عبدالله
مشكلتنا اننا بقينا نتعامل بالنوايا
مين قال انه صناعه امريكا ؟؟؟؟؟؟؟
وبعدين ازاى تقول سنررررررى من هذا البرادعى ؟؟؟؟؟؟؟
خلاص بقينا بننجم !!!!!!!!!

استاذ عبدالله صناعه امريكا احنا عارفين هما مين
ودورهم معروف وواضحين وبيعترفوا بذلك
لكن اننا نرمى الناس بالباطل بلا ادله
لا اعذرنى حضرتك غلطان

الاسلام ؟؟؟؟
عايزين حكم رشيد ؟؟؟
طبعا ليه لأ
لكن فين القوى الاسلاميه ؟؟؟؟؟
الاخوان ؟؟؟؟؟؟
اللى مارضوش يشاركوا فى احتجاج العمال امبارح
عشان الحد الادنى للاجور
الاخوان اساتذه الصفقات ؟؟؟؟
ولا السلفيين اللى بيقولوا الخروج على الحكام مفسده
ولا التبليغ
ولا الجماعه الاسلاميه اللى تابت

يا أخى الامم بتصلح نفسها
يعنى تركيا بقالها 80 سنه علمانيه
دلوقتى بتصلح نفسها وبترجع لتاريخها واسلامها حبه حبه

خلينا ناخد حريتنا الاول
وبعد كدا احنا اللى نختار
لو اختارنا الاسلام يبقى احنا اكفاء له
او اخترنا غير الاسلام يبقى دا اختيارنا

اسف على الاطاله واسف على العصبيه
حقك عليا استاذ عبدالله

الله يبارك فيكم كلكم

بجد انا بحب اقرا حواراتكم دى

بستفيد منها قوى

انا كنت بايد البرادعى من خلال معلومات بسيطه جدا عنه

لكن بعد ماسمعت كلام دكتور محمد

تاكدت انى اختيارى للشخصيه دى كانت صح

شكرا لكم جميعا

انا بتاسف ..أستاذ عبدلله ..على هذه اللغه فى الحوار .. البرادعى يصلى الجمعة فى مسجد النور بالمنصورة 951399

انا عايز أسأل سؤال ..وياريت تجاوبنى عليه بكل صراحه استاذ عبدلله
ليه اى مرشح يفكر انه يرشح نفسه أمام حسنى مبارك لازم يطلع عميل وخاين ..؟!!
عندك مثلا ايمن نور ..قالوا عنه انه صناعه امريكيه ..الخ
وهكذا البرادعى ..!!
انا اعتقد لو فكرت ارشح نفسى أنا كمان مش بعيد يقولى عنى أنى صناعه امريكيه ...!! ( دعابه)
القصد ..ليه أى حد يقرب من كرسى الرئاسه ..نطلع فيه البدع وللاسف نصدق من غير ما نجرب ..!!
وهل حسنى مبارك ليس صناعه امريكيه ..؟؟
اعتقد اه صناعه امريكيه ..لاننا جربناه وبقالنا 30 سنه بنعانى بسببه ..ومساوئه مش محتاجه انى اعددها .
أخى عبدلله ..ايه المانع انى اترك باب الترشيح مفتوح امام الجميع ( اخوان ..سلفيين ..شيوعيين ..علمانيين ..عملاء ..خونه ...اى حد ..) وأترك الاختيار للشعب هو اللى يحدد مين يحكمه ..؟

فى انتظارك

تحياتى

dr_mohamed shady كتب:: http://www.ahewar.org/debat/show.art.asp?aid=55702

دا رابط من منشورات الحوار المتمدن ذات التوجه العلمانى
حوار مع الدكتور يسرى ابو شادى سنه 2006

حضرتك ممكن تشوف بيقول ايه على علاقه امريكا بالبرادعى
وكم الاعتراض الامريكى عليه لانه لا يرضى رغباتها
وتشوف حضرتك دور الوكاله من الحرب على العراق

قرأت الحوار الذى أشرت إليه يا دكتور محمد على الرابط السابق ، وفعلا الدكتور يسرى أبوشادى غير نبرته تماما فى الحديث عن البرادعى،فالحوار الذى اشرت إليه تاريخه 26/1/2006 مما يعنى أن البرادعى كان لايزال فى منصبه ؛ لذلك تجد الدكتور أبو شادى يدافع عنه ، أما الآن فقد انقلب المدح هجاء(180 درجة)...وهذا التناقض أثار استيائى بشدة ، وغضبى فى نفس الوقت من أبو شادى..

مصرى أصيل كتب:: انا عايز أسأل سؤال ..وياريت تجاوبنى عليه بكل صراحه استاذ عبدلله
ليه اى مرشح يفكر انه يرشح نفسه أمام حسنى مبارك لازم يطلع عميل وخاين ..؟!!
عندك مثلا ايمن نور ..قالوا عنه انه صناعه امريكيه ..الخ
وهكذا البرادعى ..!!
انا اعتقد لو فكرت ارشح نفسى أنا كمان مش بعيد يقولى عنى أنى صناعه امريكيه ...!! ( دعابه)
القصد ..ليه أى حد يقرب من كرسى الرئاسه ..نطلع فيه البدع وللاسف نصدق من غير ما نجرب ..!!
وهل حسنى مبارك ليس صناعه امريكيه ..؟؟
اعتقد اه صناعه امريكيه ..لاننا جربناه وبقالنا 30 سنه بنعانى بسببه ..ومساوئه مش محتاجه انى اعددها .
أخى عبدلله ..ايه المانع انى اترك باب الترشيح مفتوح امام الجميع ( اخوان ..سلفيين ..شيوعيين ..علمانيين ..عملاء ..خونه ...اى حد ..) وأترك الاختيار للشعب هو اللى يحدد مين يحكمه ..؟

فى انتظارك

تحياتى

كم أحب قراءة
تعليقاتك يا أستاذ محمود، فهى دائما نقدية لا تخلو من طرافة
وخفة دم
تذكرنى بأحد ظرفاء العصر وهو الأستاذ محمود السعدنى..
القصد..والله يا
أستاذ محمود أنا مؤمن بحتمية التغيير، لأن النظام الحالى
شاخ واهترأ
ولم يعد صالحا للاستهلاك الآدمى ولا حتى الحيوانى منذ مدة طويلة
..لكن
تغيير إلى ماذا ؟؟!!! هنا تكمن الخطورة..وهذا هو السؤال..
هل أشجع
التغيير لمجرد انه تغيير، وليس مهما أبدا من هو الرئيس الجديد وما
هى
اهدافه وايديولوجيته التى يؤمن بها ويسعى لتحقيقها..هل فعلا يسعى هذا
الرئيس
الجديد للإصلاح أم أنها شعارات براقة يستخدمها للوصول إلى الكرسى ثم

ليذهب الناخبون والشعب إلى الجحيم ..
نعم نحن نحتاج إلى التغيير الآن
أكثر من أى وقت مضى ..لا شك فى هذا
..فالفساد والبلطجة المقننة وتجاهل
المطالب الأساسية للشعب الغلبان قد وصلت
إلى أبعد مدى..لكن البرادعى
تغيير غير مأمون العواقب..
ومع هذا .. لو رشح البرادعى نفسه ضد مبارك أو
جمال ؛ بلا شك سأنتخب
البرادعى..من باب التغيير ههههههه

أضحك الله سنك أخى عبدلله .. البرادعى يصلى الجمعة فى مسجد النور بالمنصورة 951399

..

شوف يا باشا ...
حتى لو البرادعى غير مأمون العواقب ...وحتى لوفيه العبر.. بيتهيالى احنا لوقدرنا نخليه يوصل للحكم.. وبعد كده لومعجبناش وقتها هنبقى عرفنا الطريقه اللى تخلينا نقدر نجيب واحد أصلح منه للحكم... مش نفضل 50 سنه مش عارفين نعمل اى حاجه وبناكل فوق دماغنا بالشووز ونقول هل من مزيد ..وكل ما تيجى فرصه للتغير نطلع فيها البدع .

يا أخى نفسى اصحى من النوم وافتح الجريده الاقى صورة شخص تانى غيره .. البرادعى يصلى الجمعة فى مسجد النور بالمنصورة 835604

البرادعى يصلى الجمعة فى مسجد النور بالمنصورة 835604

» استمع للشيخ يوسف معاطي ( من مسجد السلاب بالمنصورة )
» خطبة الجمعة لفضيلة الشيخ محمد حسين يعقوب غدا فى مسجد القماش..
» خطبة الجمعة قبل الماضية للشيخ محمد حسين يعقوب فى مجمع التوحيد بالمنصورة.. بعنوان (الصمم الشريف)
» يصلى تحت الماء...!!!!!
» كلمات تجعل من لايصلى يصلى