ليه صوتنا مش مسموع؟؟!!

ناس كتير بتنادى وتقول ان الاسلام دين سلام وحرية وتحضر...
لكن بشعر ان الكلام ده مبيوصلش لحد ..
حتى لو انك مش مثقف او ملكش فى اى حاجة لكن سهل انك تعرف الفكر المسيطر على الغرب اتجاه الاسلام والمسلمين..
عارفين كان فى لاعب اسمو {جيرفسون}تقريبا استغرب من غضب المسلمين من الصور المسيئة للرسول
وقال لو الامر بايدو كان حطها على التى شيرت اللى بيلعب به!!
وفى وقت من الاوقات الجماهير الانجليزية كانت بتصف احمد حسام بالارهابى
واخر حاجة انهم اعتبروا عمرو زكى عنصرى لانه رفض يلعب فى فريق مع لاعب اسرائيلى هما ميعرفوش مدى العداوة بينا
....
دى كلها شواهد ودلائل
وكان من ضمنها مقتل مروة الشربينى على يد متطرف المانى
.......
يعنى اسرائيل صوتها اعلى مننا كلنا كده كعرب
ازاى بيقدروا يوصلوا لعقول الناس بالشكل ده؟؟؟

منقول

بيقدرو يوصلو ببساطه ياستاذ محمود عن طريق الاعلام القوي

انما احنا اعلامنا عقيم

وطبعا الناس لها الي بتشوفو

علي القنوات والمحطات الفضائية

الموضوع جميل يا مصرى بس مين يسمعك
الناس كلها بتفكر اول ما تقوم من النوم اذاى اجيب اكل لعيالى
وكله بيروح الشغل ويجى ينام وهكذا
الناس مبتفكرشى الا فى الاكل والشرب وكيلو اللحمة بقا بكام يوم الجمعه بعض الصلاه بدل
ميتكلموا فى حاجة مفيدة كل واحد بيعد يحكى مع الاخر حتى فى الجامع انت بتتكلم عن ناس الاغلبية العامة
لا يوجد حياء عندهم

استاذ محمود موضوع رائع يستحق التوقف عنده
المشكله اننا بندى للاخر اكبر من حجمه
سيدى الفاضل الحضارات لا تتلاقى ابددددا
ومن قبل اليهود ومن قبل سيطرتهم على الاعلام العالمى
اوروبا تكره الاسلام منذ ايام هرقل بيزنطه... لانه حضاره وامه مخالفه
هل احتاجت الحملات الصليبيه اعلام يهودى ؟؟؟؟؟
هل احتاجت الحقبه الاستعماريه اعلام يهودى ؟؟؟؟؟
هل احتاجت محاكم التفتيش فى اسبانيا اعلام يهودى ؟؟؟
لا بالطبع
هذا قدر كافه الامم ... الفراعنه كانوا يدنسون حضاره من سبقهم من الملوك
الفرس ارادوا فرض حضارتتهم البربريه على اليونان
الرومان فرضوا حضارتهم وثقافتهم بالقوه على حضارات اكبر واعرق منهم
فى مصر واليونان وفينيقيا
المسلمون انفسهم عربوا الامم التى فتحوها
والامثله لا تعد ولا تحصى

ياأخى نحن لا نحتاج نظره اوروبا ولا سكانها
العالم لا يحترم الا الاقوياء
عندما تكون قويا تلفت اليك الانتباه ويهتم الاخرون بالمعرفه عنك
ولا تكون مجرد مقاله او عنوان برنامج تلفزيونى
الامم لا تتعامل مع بعضها بالاخلاق ولا بالتاريخ ولا حتى بكتب السماء

إزاى صوتنا مش عالى؟!
بالعكس يامصرى
هو إحنا فينا غير صوت والا ما كانوش قالوا زمان ( أسمع جعجعة ولا أرى طحنا )
لكن المشكله إن صوتنا العالى على بعض بس
دولة مع دوله
جار مع جار
أخ مع أخوه
لكن موقف موحد ليه صوتنا مش مسموع؟؟!! 128341

نقطه تانيه
زى الدكتور /محمد ماقال
الامم لا تتعامل مع بعضها بالاخلاق ولا بالتاريخ ولا حتى بكتب السماء
مش بس الأمم الرئيس بيمشى على خطى الرئيس اللى قبله (بأستيكه)
أول حاجه بيعملها الوزير الجديد أو المسئول نسف الحمام القديم والتخلص من رجال
السابق له والدليل شالوا سنه 6 وجابوا شاهين
الشرطه قويه فى مواجهة المظاهرات فقط
باختصار نحن أقوياء فى وجه بعضنا وليس فى وجه عدونا

عارفين احنا عاملين زى مين..
فاكرين الأفلام الدينية بتاعة زمان..لما كانوا يجيبوا ناس تقعد تلف حوالين البيت الحرام وتقول:
نحن غرامى عدس عدس - نحن غرامى بـــــــــامية
حد كان بياخد باله منهم؟؟ أبدا دا انا حتى مش فاكر كانوا بيقولوا ايه
لأنهم منظر- منظر بس لزوم الحالة الدينية بتاعة الفيلم وزى ما قال يوسف وهبى: ما الدنيا إلا مسرح كبير...واحنا اداة من أدوات المخرج فى الفيلم
مين بأة المخرج..أمريكا وإسرائيل
لما احنا نبقى المخرجين هنخليهم هما اللى يقولوا:
نحن غرامى عدس