هل منيه سندوب ممكن تتغير؟

هل منيه سندوب ممكن تتغير ؟

انا رأى طبعاً ممكن تتغير
بس فى عده مراحل عشان البلد تتغير :

أولاً: ما هى مشاكل نقل السوق من ميدان أبو حرمى ؟
- ما هو أنسب مكان لنقل السوق ؟
- وما هو الوضع الذى تريد السوق عليه فى المستقبل؟
ثانياً : ماذا نفعل فى الميدان بعد تنظيف السوق؟
ثالثاً: هل دخول خط الغاز الى القرية به مشكلة مع الأهالى؟
رابعاً: كيف يمكن ان نخدم القريه من حيث الكهرباء بعد التعديل؟

ــــــــــــــــــــــــــــــــــــــــــــــــــ
أولاً:
لا يوجد مشاكل لنقل السوق المشكلة هى فى المكان الذى سينقل إليه السوق مباشرة
انسب مكان للسوق ممكن جمعية ان تقوم بعمل او بدور مهم هو
ان تقوم الجمعية بشراء ارض على مساحة فدان وبناء سور على حدود تلك الارض
من ثلاثة نواحى مثلما فى الصورة وغير ذلك سيتم عمل ومحلات بأجر 100جنية
ايجار لكل محل انظرو فى الصورة

ايه رئيكم يا جماعة فى السوق الجديد
ــــــــــــــــــــــــــــــــــــــــــــــــــــــــــــــــــــ
ثانياً : ميدان ابوحرمى
سنقوم بتنظيف وترميم الميدان وعمل به نافورة مياة ومحاوطة بحديد ونظام بوابه
كما هو بالصورة الأتية

ثالثاً:
هل دخول خط الغاز الى القرية به مشكلة مع الأهالى؟
بالنسبة لوجهة نظري انا مش شايف مشكلة لانه انا شايف عمال شركة الغاز يعملون عند مصنع الزيوت
لعمل خط غاز قادم بجوار المصرف
وهسيبلكم الرد

رابعاً:
يمكن ان نخدم القريه من حيث الكهرباء بعد التعديل بعمل كشافات انارة على كل عمود للقرية ونظام التحكم بتعها
زى نظام الطرق يعنى يتم التشغيل تلقائيا عن حلول الظلام
زى نظام المنصورة
وده تبقى احسن خدمة عشان الناس اللى بيروحو يصلم واللى بيسفرو بليل

هل فعلاً ممكن نغير منيه سندوب ؟
مستنى ردكم

هل منيه سندوب ممكن تتغير؟ 336108

جميــــــــــــل جـــــــــــــــــداا

مشروع زى العسل والفكرة زى الفل

الكلام دا قولنها من زمان بس مين ينفذ..

1.. موضوع نقل السوق دا يا سلام فى حد ذاتة كويس وبعدين سوق أبو حرمى دا بيحسس

الــــــــــــواحد ...

إنة فى سوق الخضار (سوق الجملة) اللى عند العسيوى وساعات بيقلب موقف سيارات بسبب

كثرة عربيات الملاكى والكارو اللى بتعدى من هناك يعنى حاجة كلها خنقة فى خنقة

2.. النافورة دى ... خد بالك النافورة دى لة اتعملت إن شاء الله هتقلب الى حمام سباحة

وممكن يتقلب الى غسل الصحون والاطباق فيها (بس أحيك على الفكرة دى)

3.. الغاز والله إحنا مرحبين جدا على الاقل الواحد يترحم من زحمة عربية الانابيب

دا الواحد كان بيطلع عينة علشان يملى انبوبة وياسلام بقى لو انت فى الشتاء وانتى بتمليها

أكنك كنت بتسلك (صرف صحى) ويبقى شكلك مش تمام بسب الزحمة ساعتها ويبقى فى

.. ضرب وخناقة أكنك كنت فى ماتش ملاكمة ..

4.. عمل إنارة على كل عمود فى القرية ويبقى موجود بها نظام تحكم دى جميل بس ممكن بعد يومين تلقيها

مش موجودة يعنى ممكن (تتسرق).. دا يا مولانا لما اللمبة العمود تتحرق أو تفرقع بنبعت

تلغراف للناس المسؤلة عن الموضوع دا اكنهم يعنى قاعدين فى( بلاد برة ) ويجوا بعد مدة

ويركبوا اللمبة ...

خد بالك أنأ مش بعجز الفكرة ولا حاجة بس بنقول الواقع (يعنى من اللى بنشوفة)

أحيك على اهتمامك لمظهر وتغير البلد..

يسعد مساءك... هل منيه سندوب ممكن تتغير؟ 759255

يعنى لو كنت جيت هنا من الأول قبل صاحبة البيت ما ترش علينا ميه وتطردنا مش كان أحسن
عموما وزه حبيبى قال تقريبا نفس الكلام اللى قلته لك قبل كده وخاصة موضوع النافوره
وأنا سمعت من فتره إن السوق حيتنقل على طريق سكة المدنه لكن سور الكهربه هل منيه سندوب ممكن تتغير؟ 128341

أفكارك جديده وحلوه وتستحق الاهتمام ربنا يوفقنا جميعا لما يحب ويرضى

فعلا مشروعك ده جميل

بس فكرة النافورة دي

معتقدش انها هتمشي

اما خط الغاز هيمشي في مناطق في البلد ومناطق لا

لان زي ما انتو عارفين معظم الشوارع بتاعة القرية ضيقة جدا
ممكن متكملش 2 متر عرض الشارع

اما الباقي فجميل جدا

التغير بيبدأ من داخل كل منزل .... فالقمامه المشكله الاولى ( النظافه من الايمان )

مشاركة كل شارع فى احضار صندوق او اثنين لتجميع القمامه فيه هو حلا لهذه المشكله

وهذا مبدأ هام لإحداث التغير المنشود ألا وهو ( المشاركه والمجهود الذاتى )

بالاضافه إلى مبدأ لا يمكن إهماله وهو التغير من الداخل .......

قال الله تعالى ّّ{ إن الله لا يغير ما بقوم حتى يغيرو ما بأنفسهم }

اولآ موضوع فى غاية الاهمية وممكن تغير الاشياء المطروحة فعلاا

كيف يتم التغير اولآ تشكل لجنة من شباب البلد وتعمل رسم هندسى للمشروع

ثانيا -- جمعية الرعاية الاجتماعية ترحب باى افكار جديدة من الشباب المتحمس

ثالثا --الموضوع يعرض على الحاج سيد متولى بشخصة لا احد آخر

رابعآ --مجموعة من الشباب تتطوع بتجميل وتشجير البلد بالتعاون مع الجمعية ودا كان مشروع قائم من قبل ولن يلقى اقبالآ من الشباب وكان فية آجر رمزى على الموضوع دا

خامسا --يا شباب الى عايز يغير فى البلد يحاول انة يبدأ ويشوف ازاى الناس هترحب وتقف معاهم

سادسا --افرضوا نفسكم على الجمعية لانها ليست ملكنا لاحد دى باسم البلد والقائمين عليها موظفين فيها

فكروا فى الكلام دا كويس وان شاء اللة هيكون فية تغير لان مفيش حاجة اسمها مستحيل

weza كتب:: جميــــــــــــل جـــــــــــــــــداا

مشروع زى العسل والفكرة زى الفل

الكلام دا قولنها من زمان بس مين ينفذ..

1.. موضوع نقل السوق دا يا سلام فى حد ذاتة كويس وبعدين سوق أبو حرمى دا بيحسس

الــــــــــــواحد ...

إنة فى سوق الخضار (سوق الجملة) اللى عند العسيوى وساعات بيقلب موقف سيارات بسبب

كثرة عربيات الملاكى والكارو اللى بتعدى من هناك يعنى حاجة كلها خنقة فى خنقة

2.. النافورة دى ... خد بالك النافورة دى لة اتعملت إن شاء الله هتقلب الى حمام سباحة

وممكن يتقلب الى غسل الصحون والاطباق فيها (بس أحيك على الفكرة دى)

3.. الغاز والله إحنا مرحبين جدا على الاقل الواحد يترحم من زحمة عربية الانابيب

دا الواحد كان بيطلع عينة علشان يملى انبوبة وياسلام بقى لو انت فى الشتاء وانتى بتمليها

أكنك كنت بتسلك (صرف صحى) ويبقى شكلك مش تمام بسب الزحمة ساعتها ويبقى فى

.. ضرب وخناقة أكنك كنت فى ماتش ملاكمة ..

4.. عمل إنارة على كل عمود فى القرية ويبقى موجود بها نظام تحكم دى جميل بس ممكن بعد يومين تلقيها

مش موجودة يعنى ممكن (تتسرق).. دا يا مولانا لما اللمبة العمود تتحرق أو تفرقع بنبعت

تلغراف للناس المسؤلة عن الموضوع دا اكنهم يعنى قاعدين فى( بلاد برة ) ويجوا بعد مدة

ويركبوا اللمبة ...

خد بالك أنأ مش بعجز الفكرة ولا حاجة بس بنقول الواقع (يعنى من اللى بنشوفة)

أحيك على اهتمامك لمظهر وتغير البلد..

يسعد مساءك...

ــــــــــــــــــــــــــــــــــــــــــــــــــــــــــــــــــــــــــــ
كلامك جميل يا وزه

1- اذاى النافورة تبقى حمام سباحة ولا لغسيل الصحون مينفعشى يا وزة الكلام ده
انا موريك الرسمه هتبقى على شكل دائرة ومحوطه بسور حديد من الخارج وليها بوابه
ايه اللى يدخل فيها العيال بقى ولا يدخل فيها غسيل للصحون امال فين بقا الغفر اللى نيمين ليل نهار
كده بقا ليهم شغلتين هيا حراسة السوق والنافورة قدام قصر الضيافة بتاعهم هما قعدين
ليل نهار فى المضيفة زى مشالوا الجرار من ابو حرمى وحطم غفير لحراسة ابو حرمى من رمى الزبالة

2- الكهرباء : يا مولانا لما يغيرو سلوك الكهرباء فى البلد كده العمويد بقت نظيفة يعملو فوق كشاف إنارة
ياعم لو قدامكم لمبه وفرقعت او اتحرقت مش هتغيرها ده دور كل بيت بعد ما الجمعية تقوم بالعمل ده
بس مين يوصلهم انهم يعملوا النظام ده والناس راحة تصلى الفجر الاغلبية مفيش نور دلوقت انته جيت فى العيد تبص
تلاقى الشوارع بعد المغرب كلها ضلمه عارف ليه لان المحلات الاغلبية مبيفتحوش فى اول يوم تيجى تمشى
تلاقى الشوارع كلها ضلمه فلازم من كشاف إنارة على كل عمود فى الطريق العمومى والفرعيات

انا ما زلت بقول ودى اول حاجه لازم تحصل ألا وهى

التغير بيبدأ من داخل كل منزل ....
فالقمامه المشكله الاولى ( النظافه من الايمان )

مشاركة كل شارع فى
احضار صندوق او اثنين لتجميع القمامه فيه هو حلا لهذه المشكله

وهذا
مبدأ هام لإحداث التغير المنشود ألا وهو ( المشاركه والمجهود الذاتى )

بالاضافه
إلى مبدأ لا يمكن إهماله وهو التغير من الداخل .......

قال الله
تعالى ّّ{ إن الله لا يغير ما بقوم حتى يغيرو ما بأنفسهم }

medo كتب:: انا ما زلت بقول ودى اول حاجه لازم تحصل ألا وهى

التغير بيبدأ من داخل كل منزل ....
فالقمامه المشكله الاولى ( النظافه من الايمان )

مشاركة كل شارع فى
احضار صندوق او اثنين لتجميع القمامه فيه هو حلا لهذه المشكله

وهذا
مبدأ هام لإحداث التغير المنشود ألا وهو ( المشاركه والمجهود الذاتى )

بالاضافه
إلى مبدأ لا يمكن إهماله وهو التغير من الداخل .......

قال الله
تعالى ّّ{ إن الله لا يغير ما بقوم حتى يغيرو ما بأنفسهم }

ــــــــــــــــــــــــــــــــــــــــــــــــــــــــــــ
يا أستاذ/ محمد
هل منيه سندوب ممكن تتغير؟ 661306

انت بدخلنى فى موضوع تانى
انا فكرت فى موضوع الزبالة قبل ما انت تفكر فيه كنت ممكن ادخل الكلام اللى انت بتقولة
بس مينفعشى يطبق عشان انت لو بتمشى فى البلد بالنهار كانت بتبقى زريبة عشان الجرار كان محطوط فى ابو حرمى
عاوز تعمل موضوع الصندوق
انا موافق معاك بس مين هيوافق انك تحط قدام منزله صندوق قمامه ذو رائحة نتنه
وغير كده مين يتحمل التكلفه دى انته ولا انا ولا الناس
وغير كده لو حصل واطبق الناس كانت بتعمل ايه فى الجرار
كان بيجيبو جردل الزبالة ويكبو على الجرار
دلوقتى عاوزهم يعملو صناديق موضوع جميل
بس هتعمل ايه فى الناس اللى هترمى زبالة من الجردل فى الصندوق اللى هتحطة قدام منزلك
وغير كده عشان تعمل موضوع صندوق
هل عندك عمالة للعمل فى الزبالة
ممكن يطبق فى حالة واحدة انك تجيب لكل شقة فى البلد 30 كيس قمامه شهريا فاهم انته ده معناه ايه
هتزول الزبالة تبقى 5 للشقة موافق معاك بس وغير كده هتحتاج عمالة للزبالة عشان الشوارع الجانبية
الموضوع مش صغير يا عم محمد
كده كده معدشى فى زبالة بتترمة فى الشوارع
الناس بتستنى الزبال وترميلة الزبالة
خلينا فى الموضوع اللى معانا دلوقتى وادينى رئيك فيه
الزبالة موضوعها كبير
هل منيه سندوب ممكن تتغير؟ 267859

قال الله تعالى

ّّ{ إن الله لا يغير ما بقوم حتى يغيرو ما بأنفسهم }

موضوعك جميل جدا طبعا يا باش مهندس محمود

بس لازم كلام الايه يطبق الاول

أفكار جميله جدااااا على فكرة
وعلى فكره سهلة تتنفز
وبخصوص ان الاطفال يلعبوا فى النافورة ويعملوها حمام ساحة
فبكل بساطه لو عملنا سور حديد عالى حوليها مش هيصل مشاكل
ان شاء الله حد هيسمعنا
بس قولوا يارب

يا رب

يا رب

نفسى فى حاجات كتير للبلد

بس دى اهمها
ياريت يوصل صوتنا للمسئولين

ههههههههههههههههههههههههههههههههههههههههههههههههههههههههههههه

» أسابيع منيه سندوب
» مالذى يحدث فى منيه سندوب؟
» عضو الى اسره منيه سندوب فهل من مرحب
» رحله الي اعضاء منتدي منيه سندوب
» هيا بنا نذهب إلي قرية المآذن ((منيه سندوب))