فكرة عمل مجلة لمنية سندوب

السلام عليكم ورحمة الله وبركاته

أرى أن المنتدى يضم كوكبة من علماء القرية وأساتذة متخصصين فى مجالات مختلفة

من هنا أقترح عمل مجلة دورية تصدر باسم مجلة منية سندوب تحتوى أقسام مختلفة وكل من وُهب موهبة ما تتيح هذه المجلة له نشرها .........

وغير ذلك أظن حضراتكم أدركتم ما أقصد

فى انتظار آرائكم

فكره رائعه

بس عايزه شخص يكون قد المسؤليه

علشان تتنفذ صح

دى مش مسأله سهله

بالتوفيق ان شاء الله

كرة كويسه جدا

والمجله دي كانت معموله من زمان

وان شوفتها عند مدرس لي

وكانت جميلة

بجد فكره كويسه بس عايز تنفيذ صح ومش اى كلام فا متستعجلوش المقيمون على المنتدى يدرسو الموضوع ويشووف مين اكتر واحد ممكن يصلح لهذه المجله ليكون هو الكاتب الرئيسي فيهاا

واتمنى لكم النجاح والتوفيق الدائم ان شاء الله

مشكور استاذ محمد علي الفكرة الطيبة
فعلا كان فيه زمان مجله منية سندوب
طبعا عايزة دراسة من متخصصين في المجال ده
وهتحتاج امكانيات مادية في الأول و بعد كده
هتصرف علي نفسها من الاعلانات اللي ممكن تتعمل فيها
لأن سعرها لازم يكون رمزى طبعا
بالتوفيق وامنياتى بتحقيقها

فعلا المجله دي كانت معموله زمان بس مش عارف توقفت ليه وانا قرات نسخه منها قبل كده
والموضوع ده هيحتاج امكانيات كبيره مش عارف ممكن المجله دي ترجع تاني ولا لا

فكرة ممتزة جدا انا عندى نسخ من المجلة منية سندوب القديمة وبصراحة كانت حاجة جميلة جدا
وكان المسؤال عن المجلة الاستاذ محمد حمزة وهو معانا فى المنتدى

السلام عليكم

مشكور لكم احبابى لمروركم الطيب

انا ملاحظ ان الكل بيوقف عمل المجلة على الناحية المادية، نعم هى مشكلة فعلا

7
7
7

ولكن أرى أن لها حل

والحل يكمن فى مجهودكم ، فبقترح ان يساهم كل عضو بالمنتدى - والبالغ عددهم 1000 عضو - بالمال من (5 - 10) جنيهات وبالتالى يكون محصلة المجموع ما بين (5000 - 10000) وأظن أن ده مبلغ ربما يساعد فى بدأ الخطوة الأولى لعمل المجلة.

وأن يتولى أحد أفراد فريق المجلة القديمة جمع هذه الأموال، وبالتأكيد هيكون لديه الخبرة الكافية والمطلوبة لإدارة هذا العمل ونُعيد فريق العمل القديم مرة ثانية ونساهم كل منا بكتاباته فى المجالات المختلفة من أجل تثقيف شباب وأهالى قريتنا.

هذه وجهة نظرى فى انتظار آرائكم