الى متى سنظل راقدين

بعد معاينتى لمهزلة اليوم فى انتخابات مجلس الشورى بالطبع وبالتأكيد حضراتكم قد ابتعدتم

عن المشاركة فى تلك المهزلة - ربما لعدم وجود اشراف من القضاة

فأصبحت النتائج محسومة مسبقا ربما أنه اليأس قد ملك القلوب - الى اين نسير ؟

الى هاوية مظلمة - لاديموقراطية - ولاحرية - ولاعيش كريم -

بيئة ملوثة - اخلاق ابتعدت عن الاسلام

ربما حالتى السوداوية زادت عندما علمت أن موظفين الادارات بالاوقاف تم انتدابهم

فى لجان الانتخابات لصالح وزير الاوقاف

الفساد ملأ حياتنا - ماهو مستقبل اولادنا

لقد باعوا كل شئ حتى فلوس تأمينات الموظفين الغلابه ضاعت

ونهر النيل ضاع - ومخزون مستقبلنا من الغاز وهبوه لاسرائيل

ومياه الشرب ملوثة بسموم ومعادن ثقيلة - امراض تنتشر - وفقر يعم - وجهل يغم

فى السياسة شوية أفاقين بيعارضوا لمصالحهم الخاصة

والباقى بيدخل الحزب الحاكم برضه لمصالحه الخاصة

وشوية خرفان يتم تعيينهم فى الشعب والشورى لتمرير مايلزمهم من قوانين

كلما نظرت فى عيون طقل او شاب ارى جريمة جيلى الذى رقد وصمت وانحنى طويلا

لم نتبع ديننا ونربى اولادنا ولكننا بحثنا عن لقمة العيش واهملنا كرامتنا

نتعب ونشقى علشان نشترى لاولادنا الموبايل والسيارة والبنطلون الساقط

صرفنا قوتنا فى دروس خصوصية لا فايدة ولا جدوى

التعليم فاسد والاعلان فاسد - الهوا فاسد والمايه فاسده حتى الغذاء قاسد

لم نقاوم الاغانى الهابطة وافلام الرذيلة - اللهم اغفر لنا و سوء تربيتنا وادائتا العقيم

يمتلكنى اليأس والاكتئاب فأبكى على مافات من عمري وانا غائب الوعى

فأهم لأثور وعايز أكسر كل القيود فلا أجد إلا دموعى على شبابي

لا لا لا تلوم من ركب ولكن اللوم لمن انحنى


الى متى سنظل هكذا؟؟؟!!!!!!!!

مصرى اصيل كتب

بس يا استذا محمد انت متحامل على نفسك شويه وبتحمل جيلك المسؤليه كامله ..لكن انا بختلف معاك ..لان الحق يقال ان افشل جيل واتفه جيل وافسد جيل هو الجيل الحالى ...الذى ارادوا له ان يكون هكذا وانساق وراء هذا الفشل ووالتفاهه والنفاق ..!!


انا معترض معاك فى ان ده غلطت جيلنا الحالى

لا خالص الجيل الحالى اللى هوه جيلى وجيلك ملهمش زنب احنا جينا لقينا الدنيا ماشيا كده

حتقول ان جيلنا هوه السبب فى التخلف اللى البلد فيه حقولك لا

حتقول ان جيلنا هوه السبب فى فساد التعليم حقولك لالا

حقولك لا على كل حاجه

لالالالالالالالالالالالالالالالالالالالالالالالالالالالالالالالالالالالالالالا

لا احنا جينا لقينا التعليم بايظ و الدنيا كل حاجه فيها خربان يبقى احنا السبب ازاى

انته يا مصرى اصيل كان فى ايدك وفى ايد جيلك ايه تعمله

دانتا جيت لقتها خربانه

و كل اللى احنا فيه ده مش عشان مفيش حد كان من اجيال ابائنا ابويا وابوك بيقولو لا على اى سياسه بتحصل

كله كان بيخاف على نفسه

عايزنه نيجى نعمل ايه

انته مش ملاحظ ان جيلنا هوه اللى عمال يعمل مظهرات و جيلنا هوه اللى بينادى بتغير الدستور وجيلنا وجيلنا

للاسف انته ناظر على فئه معينه من الشباب ورامى عليهم كل السبب الشباب مش كلهم زى بعضهم

وجيلنا لا يقل حماس عن اى جيل سبق

والله العظيم انا بقعد مع شباب بيونو نفسهم البلد تقول نحارب اسرائيل و نفسهم يروحو يحاربو وبكل عصبيه بيتكلمو و و مضيقين جدا من كل حاجه حواليهم ونفسهم يعملو حاجه بس يعملو ايه يعملو مظاهره معدتش المظاهرات بتجيب نتيجه للاسف فى اى حاجه




وربنا يسامح ابائنا على اللى احنا فيه لان هما كانو خايفين من الحكومه مكنش فى وحده عندهم يقفوا ويقولو لا لاى حاجه

مع احترامي لأراء كل الأخوة فمازلت عند رأيي الأول معظم الخطأ لدى الأجيال السابقة أنها كانت تخاف على لقمة العيش وفضلته على كرامتها وحقها المغتصب - كما أنها لم تفهم من التربية للأجيال التالية غير تلبية الطلبات المادية ربما كان من الحب لأننا شعب عاطفي جدا
كما أن حملتنا لمواجهة المخاطر تكتظ بشباب وفتيات فى العشرينات كلهم قوة وولاء وشجاعة كلما جالستهم أعادوا فى نفسي الأمل
يلزمنا التغيير السلمي من الجذور حتى الزهور - من الطفل حتى السلطة
بشرط أن نتنازل عن مصالحنا الشخصية ونتمسك بحب مصر واخلاقنا الاسلامية