بكره ممكن يكون متأخر قوى

بكره ممكن يكون متأخر قوي

لو أنت زعلان من أي حد, ومفيش حد لاقيه علشان يصالحكم على بعض.. صالحُه أنت

ممكن يكون الشخص ده لسه عايز يكون صاحبك.. ولو معملتش كده النهاردة

بكره ممكن يكون متأخر قووووي
*******
لو أنت بتحب شخص فى الله, والشخص ده ميعرفش انك بتحبه.. قولّه

ممكن يكون الشخص ده هو كمان بيحبك ولو أنت مقولتلوش النهاردة

بكره ممكن يكون متأخر قوووي
*******
لو أنت لسه بتحب حد وفاكر انه نسيك.. قولّه

ممكن يكون الشخص ده كان بيحبك طول عمره.. ولو أنت مقولتش النهاردة

بكره ممكن يكون متأخر قوووي:
*******
لو محتاج أن صديقك يقرّب منك.. اسأله أو اسألها

ممكن يكون هو محتاج اكتر منك.. ولو أنت مسألتش النهاردة

بكره ممكن يكون متأخر قوووي
*******
لو أنت عندك أصدقاء وشايلّهم تقدير بجد.. قولّهم

ممكن يكونوا همّ كمان في قلبهم ليك نفس التقدير.. علشان لو أنت مقولتش

النهاردة وهمّ سافروا مكان بعيد

بكره ممكن يكون متأخر قوووي:
*******
لو أنت بتحب والديك, وماجاتش الفرصة انك تقولهم كده.. قول

همّ ممكن يكونوا موجودين دلوقتي علشان تقولهم.. علشان لو أنت مقولتش وهما

رحلوا النهاردة
بكره ممكن يكون متأخر قوووي
*******

حتشوف أزاي فيه ناس بتهتم بيك, وأنت مش عارف

اعمل الحاجات دى النهارده

لان بكره ممكن يكون متأخر قوووي

ولو عجبك الموضوع اضف رد او تعليق

لان بكره ممكن يكون متأخر قووووى

إن شاء الله بكره أبعت رد وبإذن الله مش حيكون متأخر قوى
hii

على فكره لو فكرنا شويا صغنططين هانلاقى ان:

(بكره عمره ما يتأخرابدا لأنه عمره مابيأتى اصلا!)

يعنى ياريم لو اخدت منك فلوس مثلا على سبيل السلف وقلت لك بكره هاعطيهالك تأكدى انى ناوى اضرب عليها لأنك لو جيتى لى بكره هاقولك اوك انا قلتلك بكره ليه جايه النهارده وهكذا كل يوم!!!!!!!!)

وبكده يبقه الاستاذ عبد الرحمن البطه رد بأنه مش ناوى يرد!

حد فهم حاجه؟؟؟؟؟

HUSSEIN كتب:: على فكره لو فكرنا شويا صغنططين هانلاقى ان:

(بكره عمره ما يتأخرابدا لأنه عمره مابيأتى اصلا!)

يعنى ياريم لو اخدت منك فلوس مثلا على سبيل السلف وقلت لك بكره هاعطيهالك تأكدى انى ناوى اضرب عليها لأنك لو جيتى لى بكره هاقولك اوك انا قلتلك بكره ليه جايه النهارده وهكذا كل يوم!!!!!!!!)

وبكده يبقه الاستاذ عبد الرحمن البطه رد بأنه مش ناوى يرد!

حد فهم حاجه؟؟؟؟؟

للاسف يا استاذ حسين انا فاهمه حضرتك

وعلشان كده مش هفكر اسلف حضرتك ابدا

لان بجد شكل بكره بتاعك مابيجيش ابدا

افتقدنا تعليقاتك الجميله يا استاذ حسين

وعلى فكره اخوك الدكتور سامح انضم لينا هنا

ولاحظت من خلال رده على الاعضاء فى الترحيب

انه نفس اسلوب حضرتك الممتع فى الردود

انتم كلكم كده ولا ايه بكره ممكن يكون متأخر قوى 5347

للآسف كلنا كده وفيه 5 غيرنا لو دخلوا يبقه كل سنه وانتم طيبين!!!

أنا قلت الرد بكره
وآدينى أهه وفيت
لولا الوفاء أمانه
والله ياريم ماجيت
*******
ياريــم دا الوعـــد ديـــن
ع الحــر وفــاؤه واجــب
لا أخويــا ولا ابــن عمى
ما ليش ف الحق صاحب

بكره ممكن يكون متأخر قوى 82357

ريم كتبت
لو أنت بتحب والديك, وماجاتش الفرصة انك تقولهم كده.. قول
همّ ممكن يكونوا موجودين دلوقتي علشان تقولهم.. علشان لو أنت مقولتش وهما رحلوا النهاردة
بكره ممكن يكون متأخر قوووي

والدك وبرضه أمك00000000طول عمرهم ف همك
إياك تبخـــل عليهم 0000000 لو حتى احتاجوا دمّـك
متقولش أستنى بكره
ده بكره بعيد قــــوى

لو عايز ترد على أى موضوع فى المنتدى وقلت هرد بكرة
ياريت ترد النهاردة لأن بكرة متأخر قوى

لو ليك صاحب مسافر
ويعــزّ عليـك فراقـه
إبعت له ولو رســاله
تطفــى نار اشتياقــه
ماتقولش أبعتها بكره
دا بكــره بعيــد قــوى

لو صاحبك كان فى ضيق
محتـــاج زىّ الغريــــــق
لقشّـــــه إعطيــها لـــــه
خلّيـــك أوفــى صديـــ،ق
مــاتقولش أدّى له بكــره
دا بكـــره بعيـــد قــــوى

لـو بنتــك ف امتحـان
حتكــرم مش تهــــان
إدعــى لهـا بالتفــوق
مـع كـل صــوت أدان
ماتقولش أدعى لها بكره
دا بكــره بعيــــد قـــــوى

بكره ممكن يكون متأخر قوى 147543

» من بكره شوفوا حد تانى
» خد فكره واشترى بكره
» كن حتى يكون
» هل يكون حياؤك مثل هؤلاء
» (هكذا يكون التوكل على الله)قصةللاطفال