هتجمد قلبك وهتدخل وتقوووووووووووول....ولا هتاخد جنب وتضرب فووووول

weza كتب:

ما أجمل مواضيعك يا د/ سامح
أحب فيك الصراحة القاتلة

المهم...

أنا لما أخطب إن شاء ربى وقدر هخطب على أساس الخلق العظيم والدين السيلم
والجسد القويم والنفس الطيبة الخالية من الامراض والعقد النفسية المزمنة
وكل هذا ياتى من بيت كلة فهم ووعى وحكمة
(أصل الواحد مش ناقص خوتة ووجع دماغ)
ويارب إستجب لنا إحنا غلآبة...

إن قدر الله لنا وعدم إكمال هذة الخطوبة أو محصلش نصيب من الأول أكيد ثقتى مش هتتهز
وهتفضل زى ماهى ( وعسى أن تحبوا شيئاً وهو شراً لكم) مش يمكن لما نخطب و نتجوز نعيش حياة
كلها نكد ووجع دماغ ( أعوذ بالله من هذا)

ومن ناحية الأكل الحمد لله الواحد نفسة مفتوحة بس مش عمال على بطال .. اة..وبعدين إحنا لأول
ولا أخر ناس ميحصلهمش نصيب يعنى ..أة وخد بالك وبعدين لا أغيظها ولا أتربصلها فى الرايحة والجاية والكلام اللى مياكشلش عيش دا إحنا ولاد ناس و جدعان .. جدعان أوى ورجالة يعنى ..أة
وربنا يسعدها مع اللى مستريحالة .. الله يبارك لها ..

وإن شاء الله ربنا يكرمنا بواحدة بنت حلال من بيت طيب بيفهموا فى الاصول
(وأهم حاجة الاصول) .. أة

كل هذة فى الدنيا وما ادراك ما الدنيا وإن لما نتزوج فلنا الحور العين... الله أكبر
أشكرك د/ سامح على طرحك لمثل هذا الموضوع المهم الذى فية تقويم للنفس
وتطهريها من كل شئ ... وأهم شئ.. الرضا بما قدرة الله عز وجل للعباد ....
وجزاكم الله خيراا..

رأيك فى مجمله يا وزه عاجبنى على المستوى الشخصى.
بس يا رييييييييييييييييييت...حته ان ثقتك بنفسك دى متتهزش تكون حقيقيه.شوف يا سيدى انا اعرف ناس كتير اصدقاء عزاز جدا عليا اتأثروا جدا بعد فسخ الخطوبه ومنهم اللى اخد قرار غير مسؤول واتجوز اى حاجه وعاش عيشه طين بعد كده.ومنهم اللى اضرب تماما عن الزواج من اساسه
بس هتوجه بحته تانيه ليك ولكل الناس

لو دخلت البيت هتحط ايدك فى ايد مين؟الراجل ولا الست...طبعا هتقول الراجل
طب لو فرضا ان الراجل ده خرونج وملوش لازمه والست راكبه ومدلدله رجلها...وانت هتموت عالبت....هتعمل ايه؟
طبعا هتقولى فى ايد الراجل برضه ولو البنت شاريانى توافق وعلى اللى هقوله ولو مش شاريانى يبقى متلزمنيش..هرجع واقولك دى امها برضه...يا ترى رايك ايه؟

[[/quote]

رأيك فى مجمله يا وزه عاجبنى على المستوى الشخصى.
بس يا رييييييييييييييييييت...حته ان ثقتك بنفسك دى متتهزش تكون حقيقيه.شوف يا سيدى انا اعرف ناس كتير اصدقاء عزاز جدا عليا اتأثروا جدا بعد فسخ الخطوبه ومنهم اللى اخد قرار غير مسؤول واتجوز اى حاجه وعاش عيشه طين بعد كده.ومنهم اللى اضرب تماما عن الزواج من اساسه
بس هتوجه بحته تانيه ليك ولكل الناس

لو دخلت البيت هتحط ايدك فى ايد مين؟الراجل ولا الست...طبعا هتقول الراجل
طب لو فرضا ان الراجل ده خرونج وملوش لازمه والست راكبه ومدلدله رجلها...وانت هتموت عالبت....هتعمل ايه؟
طبعا هتقولى فى ايد الراجل برضه ولو البنت شاريانى توافق وعلى اللى هقوله ولو مش شاريانى يبقى متلزمنيش..هرجع واقولك دى امها برضه...يا ترى رايك ايه؟[/quote]

قلب حزين كتب:

موضوع جميل دكتور

الكل مننا لم يكمل كلامه بكل صراحه انما فيه نقاط نكدب فيها
مثل
انا هخطب انسانه متدينه جدا و محترمه جدا وووووووووو و انتا عارف بقا مش هكمل
و ساعه ما يشوف انسانه جميله فى نظره يسبقهو اللهفه و الشوق نحوها
و تيجى تقوله على اى اساس هتخطب يقولك يا عم كبر لو فيها اى عيوب هنصلحها بعدين
و دا بيكون سبب رأيسي من اسباب فسخ الخطوبه

الواحد مننا يا دكتور معاد عارف يعمل ايه فى هذا الزمن زمن الفتن

ايه يا عم الحاج شبوره اليأس دى...ودموع وبتاع...روق يا عم الحاج العمليه مش مستاهله...اكتر من كده ويزيح ربنا
عارف اكتر حاجه بتعجب لها....هى انك تلاقى واحد قاعد طول الليل والنهار عالقهوه بيضرب بنجو وبيشم كوله تحت الكوبرى
واول ما بيسمع الاذان الكهربا بتمسكه وفى لحظه وانت بتكلمه متلاقهوش جنبك....طبعا فك عالبيت او راح يتمشى عالجنبيه.
وفى الاخر تيجى تقوله يا عم مش هتتنيل وتتلم بقه وتتجوز ...تلاقيه بيقولك لما الاقى بنت الحلال اللى تراعى ربنا فيا وفى بيتها وتاكون ما بتسيبش فرد ...بزمتك ماهى حاجه تغيظ...طب قولى بالله عليك...واحد زى ده ما بيعرفش يصلى الفرائض..ممكن تقولى ازاى هيصلى استخاره؟!!!!!!.
اما عن موضوع انك ازاى هتختار فى زمن الفتن..فأنا هقولهالك كأخ...ليس معنى انك فى زمن الفتن انك بالضروره تكون مفتون
كله بنيته والله...يعنى كل واحد ونيته وعمله...يعنى لو الواحد عمله اسود...يبقى يقابلنى...ولو مراعى ربنا فى اختياره وكان على اساس ...يبقى ربنا هيكرمه....صدقنى
ولو كبرت لبعض الوقت...(يعنى مستخرتش وطاوعت الشيطان والحب وتامر حسنى وبتاع)...هتعيش عيشه طين كل الوقت.

انت عارف ان معظم الجوازات اللى جايه بعد قصه حب طويله هى من اسرعها فشلا...وطبعا انت عارف ليه

شكرا لمشاركتك ...بس انا حاسس ان لسه عندك كتير يا كبير....بس بالله عليك بلاش دموع اصل قلبى بيتقطع

سلام يا كبير

لغايه كده يا وزه واحنا متفقين....طب ممكن تقولى واحده لا تعرفها ولا تعرفك ..لا قابلتها ولا قابلتك

لا شفتها قبل كده ولا شافتك..لا قعدتلها تحت البلكونه تغنيلها شحات زى محمد فوزى...ولا ضربت فازلين على شعرك وجبته على جنب وقفلت الزار اللى فوق خالص بتاع اللياقه وكل ما تعدى عليك تحط وشك فى الارض زى عمر الشريف فى فيلم اشاعه حب.
ولا دفعتلها فى عربيه البلد...ولا بعتلها اغنيه لتامر حسنى بلوتوث...طب منتا مشفتهاش قبل كده بس سمعت عنها من حد مثلا..
فمن خلال الكلام قررت ان تدخل باليمين... يا ترى بقه ممكن تقولى وانت مجمد قلبك كده هتعمل ايه؟...وهتدخل على انهى اساس
عاوزك كده تحكيلى من الالف الى الياء..
يالله قووووووووووووووووووووووول ...خلينا نشوف دماغك

انا حاسس كده من خلال عدد المشاهدات لهذا الموضوع انه ناس كتيييييييييير جدا شافته.

بس عدد المشاركات لم يرضينى...يا ترى ليييييييييييييييييييييييه؟

_هل الناس بطلت تفكر فى الجواز وهنقضيها اللمبى والدورى المصرى وننام الصبح ونصحى العشا ناكل ونلف فى البلد ونرجع ننام الصبح؟؟؟؟؟؟
_ولا هل الموضوع محرج ان بعض الناس تتكلم فيه...انا شايف انه عادى خاااااالص...شكه دبوس يعنى
_ولا الموضوع برمته مش عاجب؟؟؟؟؟

ولا الكهربا قطعت يا ولاد

مساء الخير على عيونكم جميعا......وزى ما قلتلكم... شكه دبوس

سامح ابو سمره

next_ok كتب:

لقد كثر الكلام .... وتعددت الأقلام

وخير الكلام كلام الله تعالى .... وخير الهدي هدي محمد { صلى الله عليه وسلم}

قال تعالى: { والطيبون للطيبات}
صدق الله العظيم


فكن خير شباب اخرج للناس ( و كنتم خير أمة أخرجت للناس )

تكن لك أطيب وأصلح الزوجات

راع ربك يرعاك الله

إتقى ربك يجعل لك مخرجا

وهذا كلام المولى عز و جل ( إحفظه يحفظك )

أما إن كنت غير ذلك فلا تنتظر الزوجة الصالحة................................

بوركت وبورك ممشاك وتبوأت من الجنه منزلا سيد/نكست اوك

صغير فى السن بس جاااااااااااامد وعقلك كبير...أوجزت فانجزت...ارفعلك القبعه وانحنى

بس برضه يا نكست انا بتكلم فى فنيات وتركات (جمع تركه)صغيره بتولد بلاوى.

وانا من النوع اللى بحب اتكلم بالبلدى المفتشر...خد عندك مثلا

1)هتبدأ منين فى موضوع الجواز...هتكلم حريم من العائله مثلا يعرفو العروسه يخلصولك لانهم الاقدر على ذلك,ولا هتكلمها بنفسك وتاخد عنك فكره طين,ولا تكلم ابوها دوغرى من غير ما تاخد رأيها,ولا...ولا....ولا؟

2)هتطلع (والكلام للجميع مش لحد بعينه)فارس لو محصلش نصيب وتذكرها بالخير ..ولا هتقطع فيها...وتقول اى كلام عنها؟؟
وهتجمد كده اومال ولا هتتكسر وتقفل على نفسك وتربى دقنك وتحت عنيك يسود ووزنك ينزل؟؟؟

3)الشبكه(الدهب يعنى) هتصر انك تاخدها لو محصلش نصيب وتفرج عليهم البلد....ولا لو لقيتهم مصرين على اخذها هتقولهم مش مبارك لكم فيها لانها حقى وتسيبها؟ولا هتسيبها بنفس راضيه وبرضه تطلع فارس
وغيره وغيره وغيره

دى الحاجات اللى انا اقصدها
انما اللى نكست قاله....ده شرع ربنا وعنده وكله استوب....لان كل ده معلوم من الدين بالضروره
وعلى فكره انا بقول التركات دى لانها بتحصل كتير اوى ...ومعدل حصولها معرض للزياده فى الايام الهباب دى
واحنا مش عايزين كده......احنا عاوزين جيل اصيل....جيل فرسان...جيل رجاله....شهامه...نخوه....قواعد واصول شرعيه

من الاخر عازين الصح

والاهم من كده.........عاوزين الزمالك ياخد الدورى بقه....حرام يعنى كفااااااااااااااااااااايه.

دمتم فى رعايه الله وأمنه

مبيحصلش يا مانس

هههههههههههههههههههههه

ريم كتب:

متابعه معكم

لكن بصمت

موضوع جميل جدا دكتور سامح

يا ريت نسمع اراء باقى الاعضاء

انا عن نفسى والله استفدت منه كتير

تحياتى لكم جميعا

منتظرين ارائكم

بصمت ليه بس يا ست الكل؟؟؟؟

انتى اخت عزيزه ولكى ارائك المميزه فى اطار خلقى هادف و جميل

لازم تقولى والا..........هتقولى برضه

الله .....الوطن......الزمالك

mans كتب:

الكلام فى الموضوع ده كبير اوى

(حذف من قبل الاشراف)

لان ساعت مبيكون واحد خاطب واحده و محصلش نصيب او رايح يتقدم لوحده

لو البنت اللى رفضته بيكون من جواه مولع نار و عايز يولع فيها

و تلاقيه يدور على واحده اجمل منها و اغنى منها و متعلمه احسن منها

عشان يقول لنفسه انا اتجوزت واحده احسن منها فى كل حاجه و بيحاول بكل الطرق ان الكلام ده يوصلها عشان يحرق دمها

و كذالك البنت لو مخطوبه وخطيبها سابها تلاقيها (حذف من قبل الاشراف)عايزه تولع فيه و تشوهه و تلاقيها علطوا ما شاء الله مبتخرجش من البيت الا ماتكون على سنجه عشره يعنى ( حذف من قبل الاشراف )و ممكن تكون عمرها ملبست كده اصلا فى حياتها بس بتلبس كده عشان تعوض النقص اللى هيه حست بيه بسبب ان خطيبها سابها

و طبعا بتعوض النقص ده بكل نظره شاب ليها و هيه ماشيه تقول يا ارض اتهدى ما عليكى ادى

و طبعا الا من رحم ربى فى ناس من الطرفين بنات و صبيان محترمين بس قليلين

و ارجو ان تعزرونى على صراحتى فى الكلام

منص.....الصراحه مطلوبه...لكن التجاوز مرفووووووووووووووووض.

المنتدى بيقرأه بنات اللى هم....اختى واختك_زوجتى وزوجتك_امى وامك_قريبتى وقريبتك_جارتى وجارتك...صح يا منص؟
وبما انى لاحظت وجود عباره (حذف من قبل الاشراف)...فأكيد انك تجاوزت وبشده...واتمنى ان لا يكون قرأ هذا الكلام اى شخص
طبعا رأيك فى مجمله كويس وفيه من الصواب قليله....لكن الاهم ان من ذكرتهم ليس كثر(يعنى كتيييييييير)...لأن دى قله اللى بتعمل اللى انت بتقول عليه...بدليل ان الكل ما شاء الله بيتجوز...والكل بينجنب ولاد حلال..والدنيا زى الفل..
لكن الغرض من انشاء هذا التوبك هو اننا نقلل من ظهور القله دى...باعاده تقويمهم والحد من تفشى الظاهره دى

واظن انك حريص معايا على ذلك
صح يا منص؟؟؟؟؟برجاء الحفاظ على روح المنتدى وعدم التجاوز

تقبل خالص تحياتى

next_ok كتب:

أولا أود أن أشير انني لا أحبذ المشاركة مرتين في موضوع ولكن هذا بسبب د/ سامح


الذى وبكل أمانة إرتحت إلى كلامه الجميل والممتاز فهم من الناس الذين نرتاح لهم بمجرد الحديث معهم , فإسمح لي يادكتور أن أقول لك انك لست دكتور فقط ولكن دكتور وزى العسل كمان هذا بعد إذنك طبعا.

هتبدأ منين فى موضوع الجواز: طالما إنى راجل مينفعش أكلم نساء لا في العائلة ولا خارجها
علشان يتموا موضوع زى دا (طبعا هتكلم بنفسى)
وهذا حدث فعلا

هتطلع فارس ولا.....,,,,,,,,,: في الحالة دى .... خلاص بقى محصلشي نصيب هعمل إيه ....
لازم تكون راجل وللى يعمل غير كدا يبقى يشيل كلمت ذكر من
البطاقة لانه محطش في الإعتبار إنه له ولايا (أخت أو بنت عم
أو أم.........)
وطبعا لانه نصيب فهذا قضاء الله لاهنكسر ولا حاجة بس سوف
يوجد شعور حزين ولكن شعور في حالة تمنى إنه يعنى كان نفسي
الموضوع يتم وبس ...

الشبكه(الدهب يعنى)......:والله يادكتور في ظل إرتفاع سعر الذهب هذا الإرتفاع المفرط و غلاء
الاسعار ......فإن السائد في هذه الظروف و الأيام (لا توجد شبكة )
يجيبوا حاجة مفيدة أحسن ....... ولو جابوا ... تبقى حاجة بسيطة
يعنى وفي هذه الحالة خلاص النفس هتكون راضية...


طبعا هذه المشاكل كلها هي من غضب الله على الإنسان

وإعرف إنك شاب مش صالح ولا طيب

أما لو كنت شاب صالح سوف يرزقك الله الزوجة الصالحة
{ والله و رسوله أعلم}

شكرا على تشريفك مرتين ليا يا نكست مع انك مش متعود عليها زى ما بتقول ....لكن انا عاوز مشاركه مستمره...مش ننقر كلمتين ونجرى يا برنس.....صح؟ هو ينفع نفتح موضوع...اقوم اقولك سلام عليكم...تقولى وعليكم السلام....اقولك صلى عالنبى...تقولى عليه افضل الصلاه والسلام...اقولك انا ماشى.
..تقولى مع السلامه وخلصت الليله؟....لا طبعا
انا مش هسيبك الا لما نتشاكل سوا......هههههههههه
اولا انا اقصد الحريم ...انك تكلم والدتك او اختك.(اوعى تكون مخاصمهم).هههههههه وهما يتكلمو دايركت او يكلمو حريم عائله العروس...فى المواضيع دى يبنى...ما يجيبها الا حريمها

وبعدين مين بيقولك ان محدش عاد بيجيب دهب.....اسكت يا عم اسكت...طب اقولك على حاجه
لو اللى انت متقدملها اصرت انك لازم تجيب دهب زى صحبتها فلانه وعلانه..هتقولها لا..مفيش غير صينى؟واذا كان عاجبك؟

بس انا هختلف معاك فى حته....انت بتقول ان لو ربنا مكرمكش بواحده كويسه يبقى غضب.....
طب وليه ميكونش ابتلاء...وزى منتا عارف ان الله اذا احب عبد ابتلاه واذا ذاد حبه له اجتباه(يعنى بيزيد ابتلاؤه ليه)
عشان يختبره ويشوف قدرته على الصبر...ويزيد من حسناته
وفى نفس الوقت ممكن ربنا يكون بيخلص منك (مش انت طبعا)بسبب عمايلك السودا...ربنا يحفظنا

ميل ميرسى مسيو نكست....يعنى شكرا جزيلا يا برنس

قلب حزين كتب:

اقتباس :

ودائما وابدا تلاقى البنت تقول انا مبعملش حاجه غلط

ههههههههههههههههههههههههه
عندك حق والله
البنات فكرين انهم مش بيعملو حاجه غلط
بس كل حاجه هم بيعملوها غلط
ربنا يهديهم

مينفعش كده...انت عندك اخوات بنات اكيد ولو معندكش غيرك عنده يا حزين..
صدقنى مفيش اللى انت بتقول عليه...ولو موجود نسبته ضئيله جدا...ولو كتير ..يبقى انا وانت وكل الناس هنشك فى اقرب المقربين لينا(الام والاخت والزوجه والقريبه).....واكيد انت بتثق فيهم...صح؟؟؟

وهل يفترض ان لو حد ...سواء ولد او بنت لو عمل سوء او ذنب انه يصبح يقول فعلت كذا وكذا

يا أخى قال صلى الله عليه وسلم...كل امتى معافى الا المجاهرين...صدق رسول الله

المجاهر يعنى الذى يبيت وقد فعل السوء وقد ستره ربه...فيصبح من ليلته ويقول فعلت كذا وكذا...هذا لا يعافيه ولا يغفر له الله

وبعدين منتا بتضحك اهو يا عم الحاج وميه ميه.....ما تشيل بقه الدموع اللى نزلت عالشاشه حرقتلى اللاب توب يا عم ههههههههههههههههههههههههههه
ربنا يهدينا اجمعين

أستاذ ياسين.... جزاك الله كل خير

وشكرا لهتمام حضرتك

وهذا شئ يشرفني