| | البلد ما بقتش لينا (قصيدة 2010 ) |  |
|
+3sheta محمد سماحة عبدالرحمن البطه 7 مشترك |
| كاتب الموضوع | رسالة |
|---|
عبدالرحمن البطه
شاعر المنتدى
الإسم : عبدالرحمن البطه
الإقامة : منية سندوب / المنصوره
نقاط التميز : 2512
عدد المشاركات : 812
العمر : 63
العمل : بالجمعيه الشرعيه
فصيلة الدم : O-
تاريخ التسجيل : 07/07/2009
 |  موضوع: البلد ما بقتش لينا (قصيدة 2010 )  الأربعاء 04 أغسطس 2010, 12:33 pm | |
| البلــد مــا بقتــش لينـــا
خــدها أولاد اللـــذينـــا
خــدها حراميـــة مراقيا
خــدها سفاحيــن مارينـا
البلــد مــا بقتــش لينـــا
***********
باعـوا فيهـا كــل حاجـه
باعــوا بغتاتــه وسماجه
واللى تكسب ليه باعوها
قال بحجة إيه ... مدينه
البلـــد مابقتـــش ليـــــنا
************
البلــد دى ماهيـــش بلدنـــا
حتى شوفوا عيـون ولادنـا
فيهــا حــزن وفيهــا دمعـه
ليه عيونها تكون حزينه ؟؟
البلـــد مـــا بقتـــش لينـــا
************
البلـــد ف ايديـــن عصابه
قاعــــده تنشـــد ع الربابه
فـــى النــزاهه والطهــاره
للقيــــادات الرزينــــــــــه
البلـــــد مــا بقتـــش لينــا
************
البلــد بقـى حالـها ظاهــر
ف التـــذمر والتظــاهـــر
لجل لقمــة عيــش ولادنـا
تتخطــف كده من ايدينــا
البلــد مــا بقتــش ليــــنا
************
البلــــد بلــد اللى يهبـــش
واللى إيده تطولها يلطـش
أى حاجـــه ف أىّ حتـــّه
لــو كلـــوب بدون رتينـه
البلــــد ما بقتـــش لينـــــا
************
الرغيــف الحاف ده نادر
ما يجيبوش غير كل قادر
لجل ماتلقــاه ...تنــــاور
زى فـــــار جوه السفينه
البــــلد ما بقتــــش لينــا
************
البلــد بلــــد المنافــــــــــــق
وتلاقيــــــه دايمــــا موافــق
سُنـــّه ماشيـــه ف البلـد دى
من زمان .... من عهد مينا
البلــــد ما بقـــــتش لينـــــا
*************
ليــــه تتـــوه منــّا الحقيقــه
بيــــن مارينــــا والدويقـــه
صخــره تحكـى عن خلايـق
تحتهـــا وأحــلاااااام دفينــه
البلــــد ما بقتــــش لينــــــا
************
البلــــد بلد اللــى يرقـــص
بالصاجات ويزيد ما ينقص
أصبــح الحاكـــم بأمـــــره
فيفــــى عبده وأبله دينـــا
البـــلد ما بقتـــش لينـــــا
***********
تحيــا حكومتنا الرشيــده
بعنا ف وجودها الحديــده
واللى ف دماغها بيحصل
شـئنـا ذلــك أم أبينـــــــا
البلد مـا بقتش لينــــــــا
***********
البلد دى بقت خرابــه
والكبار صبحم ديابـــه
كلنا عايشين ف غابـه
مربوطين بحبال متينه
البلــد ما بقتـش لينـــا
**********
مهما نشكى أو نعيّــــط
مهما نصرخ أو نصوّت
يطلع المسئول يصــرّح
البلــد ف ايديـن أمينـه
البلــــد ما بقتــش لينـا
**********
البلــد بلــد اللـــى ينهـــب
م البنوك وف لحظه يهرب
تحت عين الكــل ... بـرّه
يختفــى ف أبعـــد مدينــه
البلـــد ما بقـتــش لينـــــا
***********
البلــد بلـــد اللــى يقتــل
فى العباد وفلوسها ينشل
ييجــى إيــه الخُـط جنبه
واللا ريــــّا أو سكينـــه
البلــــد ما بقتـــش لينـا
**********
البلـــــد بلـــد اللـى زوّر
ولإرادة شعـــب غيـــــّر
واللى خلّى الشعب يفزع
لما يسمع صوت سارينه
البلـــد ما بقتـــش لينــا
**********
الفســـاد للحلـــق واصـــل
وانتوا شايفين اللى حاصل
سرقه.. نهب ف كل حتّـه
م الصعيــد ولحــد سينـــا
البلـــد ما بقتــش لينـــــا
***********
ف البلد دى الكل خايف
حتى يهمس بالشفايف
أو يصرّح باللى خانقه
خوفنا باين من عينينا
البلـــد ما بقتـش لينـا | |
|
 | |
محمد سماحة
منياوى نشيط
نقاط التميز : 231
عدد المشاركات : 119
العمر : 47
تاريخ التسجيل : 09/11/2008
| | موضوع: رد: البلد ما بقتش لينا (قصيدة 2010 ) الخميس 05 أغسطس 2010, 12:20 am | |
| رائع أستاذ عبد الرحمن
أتمنى منك نشرها في جميع المنتديات اللي انت عضو فيها
وأتمنى من أي عضو في المنتدى ينشرها باسم الأستاذ عبد الرحمن في أي منتدى هو مشارك فيه
لأن هذه القصيدة الرائعة بتعبر عن حال البلد بجد | |
|
| | |
sheta
منياوى جديد
نقاط التميز : 9
عدد المشاركات : 3
العمر : 42
تاريخ التسجيل : 05/08/2010
| | موضوع: رد: البلد ما بقتش لينا (قصيدة 2010 ) الخميس 05 أغسطس 2010, 1:06 am | |
| السلام عليكم
ازيك يا استاذ عبد الرحمن وايه اخباركم
ومبروك للأستاذ محمد سماحة مرتين ، مرة على الماجستير
ومرة على الزواج
والله قصيدة رائعة وتعبر عن الحال والواقع المر اللي الناش عايشاه (( دا كلام عال )) ههههه
بس الحمد لله على كل حال
المهم طمني عليكو
وسلامي للجميع | |
|
| | |
عبدالرحمن البطه
شاعر المنتدى
الإسم : عبدالرحمن البطه
الإقامة : منية سندوب / المنصوره
نقاط التميز : 2512
عدد المشاركات : 812
العمر : 63
العمل : بالجمعيه الشرعيه
فصيلة الدم : O-
تاريخ التسجيل : 07/07/2009
| | موضوع: رد: البلد ما بقتش لينا (قصيدة 2010 ) الخميس 05 أغسطس 2010, 1:04 pm | |
| - محمد سماحة كتب:
- رائع أستاذ عبد الرحمن
أتمنى منك نشرها في جميع المنتديات اللي انت عضو فيها
وأتمنى من أي عضو في المنتدى ينشرها باسم الأستاذ عبد الرحمن في أي منتدى هو مشارك فيه
لأن هذه القصيدة الرائعة بتعبر عن حال البلد بجد *********************************** ياللاإنت غرمان حاجهولو إنى عارف إنكم مش حتقصروا مع البنت فى الجمعيه لو الفاس وقعت فى الراس | |
|
| | |
عبدالرحمن البطه
شاعر المنتدى
الإسم : عبدالرحمن البطه
الإقامة : منية سندوب / المنصوره
نقاط التميز : 2512
عدد المشاركات : 812
العمر : 63
العمل : بالجمعيه الشرعيه
فصيلة الدم : O-
تاريخ التسجيل : 07/07/2009
| | موضوع: رد: البلد ما بقتش لينا (قصيدة 2010 ) الخميس 05 أغسطس 2010, 1:16 pm | |
| - sheta كتب:
- السلام عليكم
ازيك يا استاذ عبد الرحمن وايه اخباركم
ومبروك للأستاذ محمد سماحة مرتين ، مرة على الماجستير
ومرة على الزواج
والله قصيدة رائعة وتعبر عن الحال والواقع المر اللي الناش عايشاه (( دا كلام عال )) ههههه
بس الحمد لله على كل حال
المهم طمني عليكو
وسلامي للجميع ******************** وعليكم السلام ورحمة الله وبركاتهالحمد لله على كل حال لسه فاكر يا سيد ياشتا إن لك أحباب تسأل عليهمياراجل إحنا كنا محتاجين لك بشده الكام يوم اللى فاتوا دولالله يبارك فيك والعقبى لك إن شاء اللهتابعنا بس إنت وإنت تلاقى كلام عال العال وطمننا عليك أولا بأولولو إن الحال مش عال أبداالله يسلم عمرك وشبابك على رأى أمى | |
|
| | |
محمدعبوله
منياوى متميز
الإسم : محمدعبوله
الإقامة : in fear
نقاط التميز : 508
عدد المشاركات : 255
العمر : 28
العمل : student
فصيلة الدم : O+
تاريخ التسجيل : 04/05/2010
| | موضوع: رد: البلد ما بقتش لينا (قصيدة 2010 ) الخميس 05 أغسطس 2010, 7:21 pm | |
| قصيد ه ممتاذه شكرا يا استاذ عبدالرحمن | |
|
| | |
maioiii
منياوى على حق
الإسم : مى
الإقامة : المنصورة
نقاط التميز : 2012
عدد المشاركات : 1093
العمر : 35
العمل : ليسانس اداب اثاااار
تاريخ التسجيل : 20/02/2010
| | موضوع: رد: البلد ما بقتش لينا (قصيدة 2010 ) الأحد 08 أغسطس 2010, 6:18 pm | |
| مااشااء الله قصيدة روعة حضرتك من الاخر حطيت ايدك على الجرح هى فعلا مش ليناا احنا عايشين فيهااا ضيووف دة حتى الضيووف بيتعاملوا كويس وبادامية لكن مفيش حل الا الصبر على البلاء قصيدة معبرة جداااااااااااااااااااااااااااااااااااااااا وواقعية يا استااذى ف تقدم ان شاااء الله  | |
|
| | |
kassab30
منياوى متميز
الإسم : اشرف محمد أحمد كساب
الإقامة : فى هدومي
نقاط التميز : 1175
عدد المشاركات : 383
العمر : 36
العمل : مهندس معماري
فصيلة الدم : O+
تاريخ التسجيل : 01/10/2008
| | موضوع: رد: البلد ما بقتش لينا (قصيدة 2010 ) الإثنين 09 أغسطس 2010, 7:38 am | |
|
بارك الله فيك استاذ عبد الرحمن والله هو ا حال البلد بس نيجي ونقول
احنا ليه ساكتين عن نفسنا - وكتمين بقونا بايدينا - وندب حظنا على حكومتنا الرشيدة - هو ليه كل واحد فينا - معلق فى رقابته الرباط - ورابط نفسه بيه علشان على طول يقول لا لا لا
| |
|
| | |
madfox2000
منياوى جديد
نقاط التميز : 133
عدد المشاركات : 22
العمر : 44
تاريخ التسجيل : 20/11/2008
| | موضوع: رد: البلد ما بقتش لينا (قصيدة 2010 ) الجمعة 03 سبتمبر 2010, 10:04 pm | |
| البلد دى ياعم عبده ضرورى لينا
مهما فيها غربونا
مهما تاهوا وتوهونا
قلبوها قلبونا
هيا لينا
احنا الى سيبنالهم لجامها
يكلوا ويتاجروا بالمها
وامااشتكت من ندل خانها
احناالى سيبناها وجرينا
البلد دى ياعم عبده ضرورى لينا
متلمش ع الندل الى خان
ولا على الى متمرمغ حنان
لوم على مليون جبان
سايبينها مكسورة وحزينة
البلد دى ياعم عبدة ضرورى لينا
| |
|
| | |
عبدالرحمن البطه
شاعر المنتدى
الإسم : عبدالرحمن البطه
الإقامة : منية سندوب / المنصوره
نقاط التميز : 2512
عدد المشاركات : 812
العمر : 63
العمل : بالجمعيه الشرعيه
فصيلة الدم : O-
تاريخ التسجيل : 07/07/2009
| | موضوع: رد: البلد ما بقتش لينا (قصيدة 2010 ) الجمعة 03 سبتمبر 2010, 11:06 pm | |
| - madfox2000 كتب:
- البلد دى ياعم عبده ضرورى لينا
مهما فيها غربونا
مهما تاهوا وتوهونا
قلبوها قلبونا
هيا لينا
احنا الى سيبنالهم لجامها
يكلوا ويتاجروا بالمها
وامااشتكت من ندل خانها
احناالى سيبناها وجرينا
البلد دى ياعم عبده ضرورى لينا
متلمش ع الندل الى خان
ولا على الى متمرمغ حنان
لوم على مليون جبان
سايبينها مكسورة وحزينة
البلد دى ياعم عبدة ضرورى لينا
والله يا ابنى أنت مش ماد فوكس ولا حاجه
ده انت أعقل مننا كلنا
إذا كان الكلام ده كلامك يبقى الواحد يخاف على نفسه من موهبه صاعده
وأهلا بالمنافسه الشريفه مع الجيل الجديد
وكلها 30 سنه والبرنس يعمل لك فيديو
البلد بلدنا غصب عن التخين فيهم
وخيرنا راجع لنا
بس إمتى ؟؟
هوه ده السؤال | |
|
| | |
madfox2000
منياوى جديد
نقاط التميز : 133
عدد المشاركات : 22
العمر : 44
تاريخ التسجيل : 20/11/2008
| | موضوع: رد: البلد ما بقتش لينا (قصيدة 2010 ) السبت 04 سبتمبر 2010, 10:52 pm | |
| متشكرين
ودا مش كلامى
والحروف دى مش حروفى
حبة معانى اتنطوروا من جوه جوفى
سميها همى او انين سميها خوفى
انا اصلى احيانا بخاف
طول عمرنا شايلين همومنا ع الكتاف
نايمين نخاف فايقين نخاف
يمكن نكون عايشين كمان علشان نخاف
نخاف لننطق يسجنونا
خايفين لنضحك يكبتونا
خايفين
وخايفين
وخايفين
وع العموم
متشكرين | |
|
| | |
| | البلد ما بقتش لينا (قصيدة 2010 ) | |
|
