مش هاعترف

مش هاعترف انى بحبك مش هاعترف
هيفيد باية الاعتراف
من بعد لما وصلنا لنهاية المطاف
لما المسافات بعدت بين حبنا
وام الحواجز بددت خيط حبنا
واما الحنين فى القلب مدد واندفن
واما المشاعر كلها لبست كفن
هيفيد باية الاعتراف
انا مش بخاف انى اعترف
انا عمرى كله كنت فيه زى الالف
لا اعرف الف ولا بلونين
وبناتلف
طول عمرنا عايشين بينبض قلبنا بالاتلاف
شايلين حمولنا ع الكتاف
والحب كان فى قلوبنا ما بيعرف يخاف
مطرح ما نحلم كنا بنخطى القدم
رغم الالم
ولا عمرناش شفنا الندم
غير بس يوم لما انكشف شىء فى العنين
اتقطعت كل الخيوط
الموت بيحفر سكته فوق الجبين
الكدب دمر حبنا هد السنين
الغلطة كانت مننا
يمكن عشان لا بتسمعى ولا بتشوفيش
الا الى باين جوه فى عيونك سراب
ويجوز عشان معرفتكيش شفنا العذاب
الكدب له ميت الف باب
الكدب عمره ما يختفى لازم يبان
بس انتى ليه تتكتفى قبل الاوان
وتكتفى فى عينى الامان
وتكتفى حبى الى كان
مستنى يخرج ينطلق من غير حدود
يعلنها قدام الوجود
ويمد للعالم ايدية
انا باختلف مش عارفة ليه
عايز سبب للقلب ويحبك عليه
وساعتها لازم هاعترف