جماعة الإخوان تعلن رسميا مقاطعة جولة الإعادة وانسحاب مرشحيها

بيان الإخوان : 72% من مجلس شوري الجماعة صوت للمقاطعة

جماعة الإخوان تعلن رسميا مقاطعة جولة الإعادة وانسحاب مرشحيها Download

محمد بديع مرشد الإخوان

أعلنت جماعة الإخوان المسلمين رسميا مقاطعتها لجولة الإعادة في انتخابات مجلس الشعب وقالت الجماعة في بيان لها اليوم أن 72 % من مجلس شوراها قد صوتوا لمقاطعة جولة الإعادة واعلان انسحاب مرشحي الجماعة ال 27 حسب البيان
وأرجعت الجماعة قرارها إلي ما حدث فى هذايوم الانتخابات وما سبقه من أيام من تزوير وإرهاب وعنف على أيدى رجال الأمن وبلطجية الحزب الوطنى ،حتى وصل الأمر إلى التعدى على بعض القضاة والمستشارين،
وقالت الجماعة في بيانها أنه قد جرت محاولات كثيرة لاستفزازها وجرها إلى ممارسة عنف مضاد، وهو ما لم تستجب له
وأضاف البيان ان الشعب رأي كل الجرائم التى رصدتها منظمات المجتمع المدنى ونشرت فى معظم وسائل الإعلام، والصور الحقيقية التى هى أبلغ من كل كلام، وكذلك النتائج المزورة التى تم إعلانها .
وقالت الجماعة أن ما حدث من انتهاكات جعلتها تعيد النظر فى المشاركة فى جولة الإعادة رغم أن لنا فيها سبعة وعشرين مرشحا ومرشحة، وبالرجوع لمجلس شورى الجماعة قرر بأغلبية أعضائه عدم المشاركة (بنسبة 72%)؛
وقال الإخوان أن المشاركة فى الانتخابات الأولى حققت أهدافها بإيجابية الشعب المصرى والتفافه حول شعار الإسلام هو الحل ونزع الشرعية عن نظام الحكم الفاسد المستبد الذى انتشرت فضائحه فى أرجاء العالم، مضيفة أن ما حدث أثبت أن النظام مغتصب للسلطة مزور لإرادة الأمة مستمر فى طريق الفساد والاستبداد،
كما أن عدم المشاركة فى جولة الإعادة هو إعلان لاحتجاجنا على هذا الاغتصاب والفساد ويزيد من عزلة النظام عن الشعب، ويثبت أنه يهدد مبدأ المواطنة ويكرس رفض الآخر، كما يكرس الفساد والديكتاتورية والاستبداد.
قالت الجماعة أن عدم مشاركتها فى هذه الجولة الانتخابية لا يعنى تغيير فى استراتيجيتها الثابتة بالمشاركة فى جميع الانتخابات، ولكنه موقف فرضته الظروف الحالية، وكل حالة تقدر بقدرها،
مضيفة وسوف نستمر فى كل الإجراءات القانونية التى تلاحق المزورين والمفسدين لإبطال هذا المجلس المزور ولإحقاق الحق وإعادته إلى صاحبه الحقيقى وهو الشعب .

القراره جه فى وقته
بعد فضح التزوير فى الجولة الأولى
وفى نفس الوقت يتسجل الموقف ده ويسيبوا الوطنى يلعب مع نفسه
خصوصا كمان ان حزب الوفد هو كمان انسحب من الإعادة

انا مع الاخوان فى هذا القرار...لأن بصراحه دخولهم فى الانتخابات بيعطيها مشروعيه وبيحسس الناس ان فيه منافسه شريفه...

انا رأيى كده ان كل الناس تقعد فى بيوتها وتكبر دماغها وبلاش حرقه دم..

والله يا اخواننا احنا سيرتنا بقت على كل لسان وريحتنا معبيه القطب الشمالى...وهحكيلكم موقف حصل معايا انا شخصيا هنا وخلانى فى خمس هدومى مش فى نصها حتى....يعنى الواحد كان زى العريان.

ليا اصحاب كتير هنا بالذات من المغرب العربى...وما ادراكم ما المغرب العربى(تونس_المغرب_الجزائر)...المهم كل يوم يقولولى معقوله يا سامح عندكم نسبه فقر اكتر من 50% يعنى الناس عندكم مش لاقيه تاكل

وانا بعنطزه المصريين
اقول لا انتو بتكرهونا انتو بتسمعوا الجزيره وخلاص...انتو اللى شحاتين ومش لاقيين اللضى

المهم راكبين العربيه وماشين..وبنسمع نشره الاخبار على راديو كندا وكله بالفرنساوى...يمكن لو بالعربى مكنوش فهموا....المهم الاقيهم(مذيعين كنديين طبعا) مستضيفين ناس من مصر...وخد عندك...الديكتاتور...الظالم...المزور... وكله بالفرنساوى...اى والله بالفرنساوى...يعنى ياللى مفهمتش افهم وحس ...ويقوموا يقولوا ايه كمان ان متوسط دخل الفرد فى مصر لا يتجاوز دولار ونص(يا خرااااااااااااااابى) فى اليوم...يعنى عقبال امالتكم جميعا حوالى 8 جنيه(يا محمدى)...الرقم دا هنا فضيييييييييحه ...مصيييييييييييييييبه...وانا بقه عمال ابرطع واقولهم كيلو اللحمه ب خمسين جنيه او 55 والناس بتاكل ولا فدماغها..لغايه ما جت الصدمه اللى قفلت بقى...المهم علوا صوت الراديوا وقعدو يقولو ايه يا معلم سامع ولا نعلى اكتر...وانا اقولهم لحظه مش واخد بالى خلونى فى الطريق...واستنى المذيع يخلص وده شغال....المهم كنت مبلول وعرقان وحالتى هباب. فقلتلهم هما مش بياكلوا لحمه اوى يعنى هما بياكلوا لحمه نص اوى...وبرضه مش دولار ونص اوى...هما ممكن يبقو دولا رين يعنى...
متخلونا فى عادل امام وهيفاء وعمرو وكده يعنى ...وبلاش الكوره اللى بتزعل الناس من بعضها دى...المهم فطسوا على نفسهم من الضحك...وقالوا ماشى يا معلم هنسيبك انهارده...بس اما تيجى سيره مصر متبقاش توسعها اوى...قولتلهم حقه كله الا كده...احنا معندناش غيرها

وعلى فكره يا شباب كلمه دايما بسمعها منهم..وهى اننا بنحب بلدنا بشكل غير عادى...اما هما اللى بيخلع مبيرجعش تانى ومبيحبوش بلادهم ونفسهم يبقوا زيينا بس مش عارفين...يعنى نفسهم يبطلوا لحمه وياكلو فوووول بس مش قادرين...نفسهم يجربوا الفقر بس سامعين انه صعب...وانا بحاول اقنعهم

ولو فيه جديد معاهم ...باذن الله هتكونو اول ناس تعرف

تفتكروا الناس ممكن تاكل لحمه فى العيد..ولا تفتكرو البلاد التانيه دى ممكن تاكل فول فى يوم من الايام...ربنا يستر عليكى يابلد

وانا لله وانا اليه راجعون...الفاتحه امانه على مصر يا ميتين(قصدى يا مصريين)وانا معاكم

سلام crying