نقاط التميز وشعبية العضو

بسم الله الرحمن الرحيم

أولا نقاط التميز :
نقاط التميز بيقدر العضو يتحكم فيها بنفسه تبع مشاركاته
يعنى كل ما يكتب موضوع أو يضيف مساهمه بينضاف ليه نقاط تميز
بس بيختلف من قسم لآخر
يعنى الأقسام الخاصه بمنية سندوب المشاركه فيها بتضيف نقاط تميز أكتر من الأقسام الأخرى
وفى الصوره دى هتلاقوا توزيعة النقاط لكل الأقسام للمواضيع والمساهمات

أما بالنسبه ل شعبية العضو
فبيكون العضو مفيش ليه أى دخل فيها
يعنى مش بمزاجه انه يزودها
بس بتعتمد على الأعضاء ال بيقرؤا مواضيعه ومساهماته
لو أى عضو قرأ موضوعك وعجبه الموضوع
فبيكون فيه علامتين موجب وسالب فى كل مساهمه +/-
لو المساهمه عجبته طبعا بيدوس + فبينضاف للعضو نقاط فى شعبيته
والعكس لو المساهمه مش حلوه بيدوس - فبتقلل من شعبية العضو
واضافة النقاط بيكون برضه تبع لل قسم

فيه حاجه كمان اسمها زر الشكر
ودى بيتحكم فيها كاتب الموضوع
بيكون فى كل مساهمه فى الموضوع أيكونه اسمها زر الشكر
بتظهر فقط لكاتب الموضوع
لما بيضغط عليها لأى عضو بيزود فى شعبية العضو الضغط على زر الشكر فى مساهمته
وكمان شعبية العضو بتزود فى نقاط التميز
يعنى بتضيف فى نقاط التميز و شعبية العضو

ملحوظه
ممكن نغير النقاط المضافة لكل قسم تبع المناسب للمنتدى
أو ال يتفق عليه فريق الاشراف