قصيده عن القدس

تخيلو لو يفزع الجار للجار
في مجتمع حاقد وغاضب ومشحون
وتخيلو لو تلتفت كل الأنطار
للمشهد الي وقفت دونه عيون
وتخيلو لما رحل حرب تندار
مابين حكام العروبة وصهيون
اليا متى نستقبل ذنوب باعذار
واليا متى نستنزفجروح باطعون
نتبع خطى تيار ونصد تيار
نبعد وعدوان المسلمين يدنون
لو كان باقلوب العرب صبر واصرار
ماكان سوو فيكم الي يسوون
باهمالكم بدلتم الثار بالعار
بعتم تراب القدس وانتم تشوفون
حنا كذا بامعارض الراي شطار
لين استوى بالمجد عالي ومظمون
من كثر ماكنا نجامل ونحتار
سرنا نخاف نعارض الي يقولون
القدس تصرخ والسما تحصد اعمار
والدم ينزف والأرامل يموتون
وارواح تسلب سلب واعصاب تنهار
واطفال تعدم والبشر مايحسون
خمسين عام نحارب الشرك باحجار
وبسكوتنا نبني عمارات واحصون
ننسى وكن الي حصل شي ماصار
نسكت وكن مابينا شخص مغبون
لين اشربو من دم الاسلام كفار
وبعروقنا صارو يروحون ويجون
استضعفو لين اضعفو كل الاقطار
ساقو غضبهم والأوادم يصلون
يستدرجون العز للسمح الابرار
يستمتعون بقتل الاطفال بالهون
ماكنه الاشعب مخلوق غدار
في قلب لا ساكن ولاهو بمسكون
بالذل ماتلقى على صيته اغبار
كبارهم واطين واصغارهم دون
لابارك الله فيهم اصغار واكبار
ولا جمع الله شMAK وين يسعون
وما تنطفي شمس الحقيقة ولو جار
فينا زمان الذل والضعف والهون
ودام الفشل والضعف ثلثين الاضرار
لابد مانضحك ولابد يبكون
وان كانت اقلوب العرب تنذر انذار
ليش انتجاهلهم وهم يستبدون
الناس قالت حارب النار بالنار
ومالله خلق للآدمي عمر مظمون
وان كانت الفزعة من احرار لاحرار
حنا البروق الي غدت سحب ومزون
وحنا السكوت الي سبق عصف واعصار
وحنا سباع الكون يالعنة الكون
وحنا عرب والعرب ماتترك الثار
بافعالنا ماهي بقولة يقولون
نزعل ولاكن بالزعل دمنا حار
نفزع اليا شفنا العذارا يصيحون
عقالنا معهم من العلم مقدار
ومجنونا ينطح ثمانين مجنون
ياشعب ياثاير وياشعب مغوار
هون من اسباب المعاناة وتهون
اصرخ على كل البشر وجه اجهار
وخل اليهود امادرو عنك يدرون
واجمع شتات الوقت تذكار تذكار
واذكر مواقف كل طاعن ومطعون
حارب بدين الخالق النافع الضار
واستذكر الرحمن وابليس ملعون
اطرد من ارض الله عدوين الاذكار
وان جوك ولا جعلهم مايردون
ورح قلهم حنا على كل مشوار
وذوقو مرارة نصف ماتستحقون
واذا رضيتو قولو الوقت دوار
واذا زعلتو سوو الي تسوونه