حوار مصرى

موضوع: حوار مصرى الأحد 16 أغسطس 2009, 3:39 pm

# يقال إن87%من الشعب المصري ساخطون على الحكومة المصرية ... ما تعليقك ؟
ــ ال 13% الباقيين معاهم جنسيات أخرى .

# تقرير :45% من الشعب المصرى مصابون بمرض السكر ما تعليقك ؟
ــ آدى اللى خدناه من" الحلوانى " اللى بنى مصر .

# ما أهم مظاهر الفهلوة عند المصريين ؟
ــ انهم يشكون فى الشحات ولا يشكون فى النصاب .

# بعد اضطهاد النادى الأهلى الواضح لنادى الزمالك والمتمثل فى التنكيل به ذهابا وايابا .... ماذا تتوقع لجماهير الأخير ؟
ــ أتوقع أن نقرأ قريبا أخبارا عن زملكاوية المهجر .

# ليه الحزب الوطنى بيعمل اعلانات لنفسه مع ان البلد كلها بتاعته ؟
ــ زى ما شبكة الأوربت بتعمل اعلانات لنفسها على شاشة الأوربت .

# ما الفرق الأهم بين مصر وأمريكا ؟
ــ الفرق الأهم ان عائد السياحة من الهرم المزيف الموجود فى لاس فيجاس مئة ضعف عائد السياحة من الهرم الحقيقى .

# ما أهم قاعدة موجودة فى مصر ؟
ــ ان مفيش قاعدة لأى حاجة

# ما وجه الشبه بين السد العالى وقانون الطوارىء ؟
ــ الأثنان مصدر " للكهرباء!!!" .

# لماذا يطلق المصريون على زوجاتهم لقب " الحكومة "؟
ــ لصعوبة تغييرها مهما تسببت فى كوارث .

# أين يمكنك أن تلاحظ سوء نية المصريين ؟
ــ عندما يغنون للطفل البرىءبمنتهى الخبث قائلين .... يارب يا ربنا " تكبر وتبقى زينا .

# ليه أكتر ناس بياخدوا مواقف معارضة جريئة هم الناس بتوع الغزل والنسيج ؟
ــ علشان بيشتغلوا فى القطن , و " القطنة ما بتكدبش " زى ماقلت مدام نظيفة.

# امتى بتحس ان البلد حلوة ؟
ــ ما باحسش ان بلدنا حلوة غير لما داليدا تقول : " حلوة يا بلدى "(بغض النظر انها قالتها وانتحرت)

# امتى هناكل جوافة من انتاج مزارع توشكى ؟
ــ لما نلاقى المشمش!!!!!

# ما العلاقة بين عصام الحضرى وسمن روابى ؟
ــ الطعم فلاحى وتحدى .

# هل لك أقارب استشهدوا فى الحرب ؟
ــ لأ عندى أقارب استشهدوا فى السلام ..... " السلام 98

موضوع: رد: حوار مصرى الأحد 16 أغسطس 2009, 6:00 pm

هل لك أقارب استشهدوا فى الحرب ؟
ــ لأ عندى أقارب استشهدوا فى السلام ..... " السلام 98
هههههههههههههههههههه

فعلا يبقي انت اكيد ف مصر

موضوع: رد: حوار مصرى الإثنين 17 أغسطس 2009, 2:18 am

# أين يمكنك أن تلاحظ سوء نية المصريين ؟
ــ عندما يغنون للطفل البرىءبمنتهى الخبث قائلين .... يارب يا ربنا " تكبر وتبقى زينا .
هههههههههه ....... ههههههههههههههههههه
ايه الجمال ده يا عم الحاج..زدنا..

موضوع: رد: حوار مصرى الإثنين 17 أغسطس 2009, 3:15 am

((((ما أهم مظاهر الفهلوة عند المصريين ؟
ــ انهم يشكون فى الشحات ولا يشكون فى النصاب . )))))

اتعرف عن الشعب المصرى انه بيحب النصابين وبيشجعهم مه النصاب معاه فلوس والناس ليها مصالح
لكن الغلباب لازم يباد بفلت أو ايزالوا
مش مهم الطريقة المهم انهم يبادوا بعد تصفية دمهم

موضوع: رد: حوار مصرى الإثنين 17 أغسطس 2009, 10:06 am

ما الفرق الأهم بين مصر وأمريكا ؟

امريكا ناس بتفكر وبتنفذ حتى لو غلط مش مهم
اما احنا فلله الحمد لا بنفكر ولا بنفذ

!!!!!!!!!!!

موضوع: رد: حوار مصرى الإثنين 17 أغسطس 2009, 1:39 pm

# أين يمكنك أن تلاحظ سوء نية المصريين ؟
ــ عندما يغنون للطفل البرىءبمنتهى الخبث قائلين .... يارب يا ربنا " تكبر وتبقى زينا

جميله جدا بس انت ظلمت المصريين والله نيتهم حلوه أصله لو مطلعش زيهم هيطلع زى ناس تانيين مصيرهم وحش
اختار انت بهدلة الدنيا ولا.........

موضوع: رد: حوار مصرى الإثنين 17 أغسطس 2009, 1:59 pm

جزاك الله خيرا حلو قوى

» ازاى تعرف انك اتربيت فى بيت مصرى؟؟
» ارفع رأسك يا مصرى
» اختراع مصرى جديد
» لو سألتك انت مصرى تقولى ايه ؟؟
» كل سنه وأنت طيب يا مصرى أصيل