حتى إبليس زهئ من البلد

على باب سفارة كندا.. لمحت ابليس و ف ايده استماره..

بقول له على فين.. قاللي بص .. يا هجره يا اعاره..

يا عم زهقت.. كفرت .. الاقيش معاك سيجاره..

انا انتهيت خلاص .. لا نافع وسواس ولا خناس

ولا ليا عيش وسط الناس..

دي عالم مجرمين.. عندكوا فائض ف الفساد..

في كل البلاد..

ومش محتاجين شياطين .. مليش عيش ف دي البلاد..

....

بقالي سنين عاطل .

و انتوا بتعرفوا تقلبوا الحق باطل..

و تسلكوا القاتل .. و تمشوا ف جنازة المقتول..

ومفيش مشاكل..

يا عم ده انا بقيت أوسوس بالمقلوب..

و أقول للحرامي .. كفايه بقى .. توووووب..

انت ايه . لوحدك هاتعمل كل الذنوب..

و أنا ابليس أشتغل واعظ .. ولا كمساري ف اتوبيس..

يا عم ده انا زمان

كنت استنى حد ينسى يسمي وهو بياكل لقمته..

دلوقتي كل اكلكم ملوث .. و بصراحه الواحد خايف على صحته..

ده مفيش ضمير اساساً عشان اموته..

و كل واحد بمزاجه .. خربانه ذمته..

يا عم ده كل حاجه اتسرقت..

وكده الاجيال الجديده م الحراميه اتظلمت..

يا راجل ده من كتر ما لطشت معايا..

خرجت ف مظاهره مع الناس اللي بتقول كفايه..

و برضه ......... مفيش فايده

إذا كان أبليس أستاذ لبعض الناس فهو تلميذ لبعض رجال النظام.

منكرشي ان الفساد زاد وانتشر بس مش لدرجه ان ابليس يطفش
لسه الدينا بخير
وبدام لسه عايشين وبنقول يارب يبقي الدينا بخير

لاء بصراحة ابليس عندة حق هيعقد يعمل اية اللى عاوز يعملة الناس بتعملة من غير محد يقولها ولا يوسوسلها

لاحول ولاقوة الا بالله العلى العظيم
حتى ابليس عاوز يهاجر

moon light كتب:: منكرشي ان الفساد زاد وانتشر بس مش لدرجه ان ابليس يطفش
لسه الدينا بخير
وبدام لسه عايشين وبنقول يارب يبقي الدينا بخير

تمام
أنا معاكى فى رأيك
زى ما فيه ناس وحشين فيه ناس كويسين جداااا
أكيد الدنيا بخير

abo_whdan2000 كتب:: إذا كان أبليس أستاذ لبعض الناس فهو تلميذ لبعض رجال النظام.

انا معاك اخى الكريم جزيت خيرااااااا

على فكرة يا جماعة الموضوع عام مش خاص بالنظام

يعنى ابليس زهق والناس مزهقتش من الفساد اللى هى عيشه فيه على فكره لو كل واحد عايز يبقى كويس هيبقى بس الناس اللى مش عايزه ربنا يهدى الجميع
مشكور على الموضوع يامحمود

يعني ابليس خص مش لاقي حاجة يعملها الحمد لله الناس تصح من نفسها بقا خليه يتفش

الله عليك يا عم على سلامه
بجد بجد رائع تسلم

ملحوظه النص ده من تاليف (على سلامه )

كل واحد جواة ابليس الصالح منا والطالح

بس المهم اللى ربنا يعينة على ابليسة

ودا مش هيكون اللى لو رجعنا لربنا

» هل سيدخل إبليس النار ولماذا
» تم طرد العضو ابن البلد
» إية اللى عجبك فى البلد؟؟؟؟؟؟
» هو ابو فليله واحد بس مفيش نكت زيها في البلد
» شكر وتقدير للعضوة بنت البلد