يعنى ايه كوكاكولا زيرو..طب و يعنى ايه كوكاكولا فقرى بالمرة!!

يعنى ايه كوكاكولا زيرو..؟!!

* يعنى تبقى محمد كمال ريشة..وتصفر فاول..وتخش الكورة جول..تقوم تحول الصفارة انها جول..و تحافظ على حب 40 مليون اهلاوى!!

* يعنى تبقى ابو تريكة.. وتشرب "ريد بول"(ملحوظة:مشروب مش حاجة وحشة والله) ويطلعلك جِوانح..والكورة تترفعلك..فتزق لعيب..وتحط جول..و تفرح 40 مليون اهلاوى..ويفضلوا يقولوا عليك "الخلووووووووووووق"!!

* يعنى تبقى مانويل جوزيه..تقرر انك تسيب الفرقة فجأة..وتبدأ الناس تمهد انك حتخسر الدورى عشان يقولوا عليك هربت فجأة..وتاخد الدورى ب"قورة" لاعب!

* يعنى تبقى رايح استاد الماكس تشجع الاهلى وتملى المدرجات ومايحصلكش تعنت زى جمهور الاسماعيلى اللى حطولوا امن فى نص مدرجاتهم عشان يفصلوهم عن بعض!!

* يعنى انك ترمى ازايز على فاروق جعفر..وتشتم طول ماتش الجيش..وبرضوا اتحاد الكورة يلاعبك ماتش الدورى بجماهير.

* انك تبقى بتكعبل فى الكورة طول السنة..ويوم ماتش الاسماعيلى تمشى معاك ويبقى اسمك احمد صديق الشهير بــ "لـيونيل صديق"!!

* انك تبقى رمزى صالح..ويحسبوك مصرى..وامير يعك..وتيجى تقف..وتهبل..وخصوصا ماتش الاسماعيلى..ويتلغى جول انت سببه..وبرضوا ما يدخلش فيك جول!!

*انك تبقى فلافيو..ومفيش واحدة عايزة ترضى بيك عشان قورتك..وتبقى قورتك هى ثروتك..ونص البنات يتمنوا ابن حلال زيك!!

* يعنى انك تبقى جمهور الزمالك..وتساند ممدوح عباس..و يمكن هو اللى يفوز

* يعنى انك تبيع الزمالك وانت ليك حق التصويت عشان المستشار او المهندس او الدكتور يوعدوك ببسين عشان فيفى بنتك الصغيرة..ويطلع احلاها بسين!!

* يعنى انك تبقى جمهور الزمالك..و ان اى قايمة تنجح مهما كانت عشان ما يتولدش فيها براعم مرتضاوية من جديد!!

* يعنى انك تبقى مشجع زمالكاوى و ماتضطرش ان محمود بكر بس هو اللى يذيعلك الماتشات.

* يعنى انك تبقى زمالكاوى و تلاقى صفقات الموسم اللى جى مش مضروبة ولا حظك زفت ويطلعلك اجوجو من جديد!!

* يعنى تبقى الهانى سليمان وتلعب طايرة وتدخل جول فى نفسك عشان المحلة تقعد..وبرضوا تنضم للمنتخب!!

* انك تبقى احمد عبد الرؤوف وتفضل تلعب فى الزمالك لغاية دلوقتى!!

* انك تبقى الحضرى وتاخد بطولة مع سيون عشان مايبقاش حد احسن من حد.

* يعنى تبقى جمهور برشلونة..وتفوز بكاس اوروبا..وتحتفل..وتولع شماريخ..ومايجيش زوبيزاريتا..فى برنامجه "الكورة مع زوبيزاريتا"ويقولك..دول عبدة شيطان وبيمارسوا الدعارة!!

طب يعنى ايه كوكاكولا فقرى؟؟!!

* انك تبقى اسماعيلى..وتنافس بالصدفة..وبرضوا ماتخدش الدورى!!

*انك تكون من اسماعيلية..و تحب تصيف فى اسكندرية..وتكره تلعب فيها ماتشات فاصلة تانى.

* انك تبقى زمالكاوى كافى خيرك شرك..وتضطر تشجع الاسماعيلى يمكن تحرق دم جمهور الاهلى شوية..وبرضوا الاسماعيلى يحرق دمك.

* انك تبقى اتصالات..وتقعد السنة اللى فاتت بسبب تساهل الزمالك معاك فى اخر ماتش..وييجى السنادى تدوق من نفس الكاس.

* انك تبقى طارق السيد..ويستغنوا عنك..وتيجى تهرب من الاتصالات بعد الدور الاول عشان قرب يهبط..فتنضم للترسانة..والاتنين يهبطوا مع بعض!!

* انك تبقى وائل رياض..وكنت حتبقى نجم مصر ايام شوقى غريب..وتلاقى نفسك هبطت مع الاتصالات.

* انك تبقى زمالكاوى..وتلاقى مرتضى منصور كسبان ومعاه المندوه مثلا واسماعيل سليم وجاسر..وتضطر تشجع الزمالك بالخوذة!!

*انك تبقى زمالكاوى..وتقعد مكبوت 4 سنين لو القايمة او حتى الرئيس اللى انت عايزة ماكسبش!!

* انك تبقى اهلاوى وتلاقى نفسك فى كوكاكولا فقرى!!

اشرب اشرب(كوكاكولا زيرو طبعاً)..ماحدش واخد منها حاجة!!

بصراحه مفهمتش حااااااااااااااااااااااجه

مشكور على الطرح

تقبل مرورى

» يعني إيه كوكاكولا زيرو
» ماعلينا يعنى جت على دى!!!!!!!!!!!!
» بابا يعنى ايه فساد سياسى