شوية نكت اخر حاجة

خدوا دي
مره كان في مؤتــمر طبي منعقد في دولة أجنبية
بعد المؤتمر اجتمع واحد أمريكي و وواحد فرنسي وواحد مصري
و كل واحد قعد يتكلم عن إنجازاته
الأمريكي : إحنا كان عندنا في أمريكا واحد ما بيشوفش رحنا عملنا إيه ؟؟
جبنا قطة و دبحناها و خدنا عنيها و زرعناهم للراجل!!

إللي واقفين أستغربوا قالولوه : و دلوقتي .. بيشوف كويس؟!
الأمريكي : يوووه دا بيشوف إللي ورا الشمس

جاء الفرنسي و قال : إحنا كان عندنا واحد كبده تعبان فجبنا قطة و دبحناها وخدنا كبدها و زرعناه للراجل !!
قالوله : طيب و بيشتغل كويس؟!
قالهم الفرنسي : يووووووووه .. دا بيهضم الزلط

قام المصري قال : أحنا بأه كان عندنا واحد مخه بايز...
رحنا شيلنا لو مخه و حطينا بداله جزمه!!
قالوله : ايه داا ... و شغال كويس ؟!
قالهم : يووووووووووووووووووووه ........... دا بقي
رئيس جمهورية عندنا

وخدوا دي
مرة الريس عايز يزود شعبيته فقال لرئيس الوزرا يعلي الأسعار فالناس تتضايق يقوم هو منزلها.
فعلا رئيس الوزرا زود الأسعار، بس الناس ما اتكلمتش، عادي خالص.
الريس استغرب قوي و قال لرئيس الوزرا "طب خلي الضرايب على المرتبات خمسين للمية".
زود الضرايب على المرتبات خمسين ف المية الناس هزت دماغها و سكتت.
الريس اتجنن و قال لرئيس الوزرا "بص، طلع أي قرار غشيم من عندك يخلي البلد تولع" رئيس الوزرا عمل ضريبة للي يعدي كوبري يدفع عشرة جنيه.
الناس نفخت و ضربت كف بكف و دفعوا.
رئيس الوزرا خلى اللي يعدي يدفع عشرة و عشرة و هو طالع م الناحية التانية.
الناس قالت اللهم طولك يا روح و أمرنا لله و دفعوا.
رئيس الوزرا كبرت ف دماغه و أمر إن اللي يعدي بعد ما يدفع عشرة و هو خارج م الكوبري ياخد على قفاه.
ونزل الريس بنفسه متنكر يتابع الموقف. الناس تدفع و هية معدية عشرة جنيه و عشرة جنيه و هية طالعة و تاخد على قفاها و تمشي.
شوية و لقى واحد بيزعق و متضايق، وطى على ودنه قال له "مالك؟" قال له "حاجة تقرف! أنا متعطل خمس ساعات..لازم يزودوا الناس اللي بتضربنا على قفانا شويه!!!!!!!!"

وخدوا دي كمان
أجتمع بعض رؤساء العالم لمشاهدة مباراة كرة قدم على ضفاف

نهر دجلة ، ومنهم جورج بوش وساركوزي ورئيس مصر
وأثناء المباراة سقطت الكرة في النهر..
فنادى بوش على أحد جنود "المارينز" ليحضر الكرة من الماء
فرفض الجندي وقال:
لا يمكن أن أقفز سيدي الرئيس ... النهر ملئ بالتماسيح
وأنا عندي زوجة وأطفال وعايز أربيهم..

فنادى ساركوزي على أحد جنوده الفرنسيين ليحضر الكرة من الماء
فرفض وقال:
لا يمكن أن أقفز سيدي الرئيس ... النهر مليء بالتماسيح
وأنا عندي زوجة وأطفال وبرضو عايز أربيهم..

هنا نادى رئيس مصرعلى أحد جنوده ليحضر الكرة من النهر..
فقفز على الفور في المياه وصارع التماسيح وخرج سريعاً بالكرة للرئيس
فجرى نحوه كل الصحفيين الرسميين لسؤاله
عن سر هذه الشجاعة والجرأة رغم وجود كل هذه التماسيح فرد:

" انا عندي زوجة وأطفال وعايز أربيهم

بالهنا والشفة
ويارب تعجبكم

ويلا كمان شوية نكت جمدين اوووووووووي
واحد حب يجامل و يدلع مراته
قلها: انتي حمامه
قالت: لا أنا غزاله
قلها: المهم حيوانه
ـــــــــــــــــــــــــــــــــــــــــــــــــــــــ
مصنع ألبان (في الصعيد) فاز بجائزة المصنع المثالي

جات صحفيه تسوي لقاء مع واحد من ملاّك الأبقار
الصحفية : أنت بتآكل البقر إيه ؟
المزارع : انهي فيهم البيضا ولا الحمرا ؟؟

قالت : البيضا
قال : البيضا بأكلها برسيم
قالت : والحمرا
قال : و الحمرا برضو برسيم
قالت : طيب بتسكنهم فين؟
قال : انهي فيهم البيضا ولا الحمرا؟؟
قالت : البيضا
قال : البيضا بسكنها في الحوش الي هناك
قالت : والحمرا
قال : و الحمرا برضو بسكنها في الحوش نفسه
قالت : طيب لما بتفسحهم بتعملهم إيه ؟
قال : انهي فيهم البيضا ولا الحمرا ؟؟
قالت : البيضااااااااااااا
قال : البيضا بلف بيها حول الترعه لفتين
قالت : والحمرا
قال : و الحمرا برضو بلف بيها حول الترعه لفتين

قالت : انتا ليه كل مره اسئلك بتقولي انهو فيهم انهو فيهم
وفي الاخر بتعاملهم زي بعض؟
قال : اصلو البقره البيضا بتاعتي
قالت : والحمرا؟؟
قال : والحمرا برضو بتاعتي
ـــــــــــــــــــــــــــــــــــــــــــــــــــــ

هههههههههههههههههه
المهم حيوانه ؟؟؟؟؟؟؟؟؟؟
ههههههههههههههههه بجد جميله جداااااااا
مشكوووووووووووووور وننتظر المزيد

شكلك كدا عاوز الريس يزعل منك احنا الريس بتاعنا مخه فردت جزمه جزاك الله كل خيرا
بجد نكت روعه بس مليش دعوه لو اتمسكت انا معرفكوش

على رايه
انا متجوز عندي عيال عاوز اربيهم