حرق قش الأرز

موضوع: حرق قش الأرز الجمعة 16 أكتوبر 2009, 1:58 pm

السلام عليكم ورحمة الله وبركاته
حرق قش الأرز

ان مشكلة حرق قش الأرز من أخطر المشكلات التي تواجهها بلدتنا كل عام في نفس الميعاد وظهرت هذه المشكله منذ أجازة عيد الفطر ومستمرة حتي يومنا هذا و ما أخطر المشكلات التي تترتب عليها سواء كانت بيئية أو صحية وهي ليست مشكلة بلدتنا فقط بل هي مشكله مصر بأكملها وكثيرا ما نسمع في كل عام عن السحابة السوداء وأسبابها وما ينتج عنها من اختلال في التوازن البيئي

ويؤدي حرق القش إلى ظهور "حالات الإصابة بالربو الشعبى الذى يتضاعف فى هذا الوقت من السنة"، و"صعوبات فى التنفس وسعال وأحيانا من فشل فى الجهاز التنفسى يستدعى اللجوء إلى التنفس الاصطناعى. وزيادة حالات حساسية الصدر

وقد حاربت الدوله حرق قش الأرز بشتي الصور ولكن كان دون فائدة فقد حررت المحاضر للفلاحين الذين يقومون بحرق قش الأرز وكان يغرم كل منهم بغرامة لا تقل عن ألف جنية ولكن سرعان ما كان يعرض في هذا الحكم ويحصل بعد ذلك علي البراءة أو ايقاف تنفيذ الغرامة وذلك لعدم تخصيص المحافظة أماكن لحرق قش الأرز أو توفير الحلول البديلة للفلاح

وحتي لا أكون متحامل علي الفلاح حيث أنتمي اليهم وأتعرض لنفس المشكلة كل عام فنجد أنه مضطر لذلك لأن الحلول البديلة أمامة ليست متوافرة وان وجدت ومنها استعمال قش الأرز كعلف للماشية وهذا من خلال القيام بدراسها وتحويلها الي ( تبن ) واضافة بعض المواد عليها أو كسماد طبيعى ( عضوي ) وهو حل مكلف ويحتاج الي امكانيات غير متوافرة ببلدتنا أو فى صناعة الورق وهي ليست فعالة،

المشكلة الحقيقية تكمن فى عدم وجود مكابس كافية لتغطي هذه المساحة المنزرعه بالأرز ،ولا وسائل النقل للقش ولا متطوعين للقيام بذلك لأن الفلاح لا يستطيع تحمل هذه الأعباء .

وفي النهاية سوف تظل المشكله قائمة حتي يكون تدخل الدوله اكثر فعاليه ويزيد الوعي لدي الفلاحين وطرح حلول بديله عن حرق قش الأرز

وهذه بعض الصور التي تم التقاطها من بلدتنا

url=http://www.0zz0.com] حرق قش الأرز 517965047

[/url]

وعلي فكرة الصور دي في عز النهار بس السماء
مليانه دخان وسحابة سوداء

لاحول ولا قوة الا بالله.......... انا لله وانا الية راجعون

اللهم اهدى اصحاب هؤلاء الناس الذين يفعلون هذة الافعال...
جزاك الله خيرا اخ مجدى...مشكور ع التصـــــــــــوير

فعلا من اكبر المشكلات الموجوده كل عام ومفيش حلول ليها وضيف كمان للاضرار اللي حضرتك زكرتها ان الاراضي الموجوده ع الطرق السريعه كثيرا ما تسبب كوارث وحوادث حيث يصعب مع الدخان الكثيف الرؤية ليلا مما يسبب حوادث مروّعه ...
مشكور يا استاذ مجدي ع الموضوع .. املين ان يكون فيه حلول سريعه للمشكله دي

ياعم هيا جت على حرق قش الرز طب قش الرز لو انى عارف انها فعلا مشكله خطيره على صحتنا وعلى البيئه المحيطه بينا
ولاكن فيه خطر اكبر مقلب الزباله اللى فى شوا
طول السنه شغال الله ينور وانا بجد بيجى عليا ايم والله العظيم ببقى راجع من الشغل بى اليل واول ما اشوف المقلب شغال ببقى ملياش نفس ادخل البلد
ده الواحد خلاص
والمشكله الاكبر كمان انك لو كلمت اى فلاح فى الموضوع ده يقوللك وانا هعمل ايه اكل القش ده يعنى
شكرا ليك على موضوعك وليا عوده مره اخرى حرق قش الأرز Icon_arrow

والله حاجة تحزن
وانا وجهه نظرى ان المشكلة دى هتفضل كدة ملهاش حل والفلاح كل مرة هيقولك اودى القش فين

حرق قش الأرز 143v

1000 شكر للاستاذ / مجدى

على فتح هذا الموضوع المهم
الذى يعانى منه أهالى القرية و القرى المجاورة
بل و مصر كلها
ــــــــــــــــــــــــــــــــــــــــــــ
و الصور خير دليل
ـــــــــــــــــــ
المفروض فعلا نبحث عن حلول لهذه المشكلة
و أكيد مش صعب نلاقى حلول
نفكر شويه مع بعض
ـــــــــــــــــــــــــــــــــــــــ
لى عوده للموضوع
ان شاء الله

المشكلة تكمن زي ما قال الاستاذ مجدي
ان الفلاح مش لاقي بديل الا الحرق
لازم الدولة تتدخل تتدخل اقوي من ذلك

حلو الكلام الا فات ده كله بس تعالوا نبس للموضوع من ناحية تانية

احنا مشكلتنا حرق قش الرز صح
طيب تعالوا نفكر نعمل ايه
ممكن نعمل
1- حملة توعية للفلاحين فى المنطقة الا حولينا
2- ممكن نتفق مع شركات لصالح الفلاحين
3- ممكن نعمل مشروع صغير جدا وهو تجميع قش الرز من الفلاحين بسعر ما ونبدا نتفق مع شركات ورق او مكابس اي شركة بتستفيد من قش الرزونبدا نبيعهز
4- ان احنا نقول حسبنا الله ونعمل الوكيل فى كل ظالم
بجد الموضوع لليه حلول كتير بس عوزين نفكر كمان وكمان
حرق قش الأرز Icon_sad

ايه الحلول المستحيله دى
انت لو جيت تكلم فلاح *** المتوقع منه يقول خلاص يا عم خدوا حطوا فى بيتك
انا واحده من الناس ايام حرق قش الرز ده بحصلى حساسيه فظيعه وبخاخات وبفضل بدعى على الفلاحين دول والله
هو احنا ممكن نعين غفير فى كل منطقه بيتحرق فيها الرز وربنا يعلم ؟ ممكن لما الفلاح يشوف الغفير ميحرقش رز فى المنطقه دى
بجد انت طارح موضوع جميل جداااااااااااااااااااا
حرق قش الأرز 24pv4vk1

وعلى فكرة وزير البيئة حذر من قبل انة من يفعل تلك الفعلة من حرق الرز وخلافة فقد يقع فى

غرامية مالية كبيرة تتراوح بين 5 ألآف جنية الى 100 ألف جنية

وطالب بعدم التهاون مع اى مخالفة حرق مكشوف (أهم حاجة عندهم الفلوس عالم ولاد...)

ربنا يهدى أصحاب ألاراضى... ويكون فى حل جزرى للموضوع الذى يكاد ان يدمر

صحتنا

مشكور أ/ مجدى

"احلي دنيا"

ايه الحلول المستحيله دى
انت لو جيت تكلم فلاح *** المتوقع منه يقول خلاص يا عم خدوا حطوا فى بيتك

على فكرة مش حلول مستحيله تعالوا نفكر فى الشباب الا زي وزيك إذا احنا مفكرناش مين الا هيفكر لينا ولمستقبلنا وده بيضر بينا وبمستقبلنا زي حضرتك
"انا واحده من الناس ايام حرق قش الرز ده بحصلى حساسيه فظيعه وبخاخات وبفضل بدعى على الفلاحين دول والله"
ومعلش فى الكلمة ممكن فى مرة من المرات لا تسلم الجرة "لا قدر الله"
ليه نقف مكنا ونقول ما باليد حيله
لا فى ادينا الكتير "عندنا شباب مفيش شغل لهم نعمل مشروع صغير ونستفيد منهم نروح ونعرض على الشركات الا بتستفيد من قش الرز ونعمل معاهم اتفقيات والشباب دول يروح يتفقوا مع الفلاحين ويخدوا القش منهم يبقى احنا استفدنا من الجهتين
مفيش حرق قش الرز
ومفيش شباب عاطل يقعد على القهاوي ودي مشكله تانيةعلى فكرة
وشكرا على مرورك ويريد تعطي افكار كمان وكمان وكل واحد بيحب بجد البلد دي وخايف عليها وعلى صحته وعلى صحة عياله يحاول يعطي افكار ونبدا بالتنفيذ مش هنعدمت على حد يعملنا لو حنا فضلنا كده هنموت ويجي عيالنا واحفدنا والمشكلة هتفضل موجوده
حرق قش الأرز Icon_farao

شكرا ليكم جميعا مروركم الكريم
وردودكم الجميلة وتفاعلكم مع المشكلة
وأحب أضيف ان الحلول البديلة موجودة بالفعل ولكنها
مكلفة وتحتاج الي ايدي عامله وتحتاج أيضا مؤسسات
تتبني الفكرة مثل جمعية الرعاية مثلا
وهي توفير ماكينات كبس القش وهي قليلة السنة دي في البلد
وتجميع هذا القش وتحويلة الي سماد عضوي
أو التعاقد مع مصانع الورق ونقله اليها
ولكن لكي يتم ذلك يجب ألا يتحمل الفلاح أية أعباء
لأن الذي يدفعة لحرق القش لأنها هي الوسيلة الأسهل بالنسبة له
وكمان غير مكلفة سوي عود كبريت وكمان هي الأسرع
للتخلص من القش
وأهم شيئ لازم التوعية بخطورة المشكلة
وحتي يتم ذلك يبقي الوضع كما هو علية
وشكرااااااا

فعلا كل الحلول دي سهلة فعلا ولازم
الناس تتحرك
يعني خلاص السنة دي هتعدي مننا من غير منقدر نعمل حاجة نحاول ان احنا
ننفذ بعض من الحلول دي
اول خطوة
نرسل طلب لجمعية الرعاية بتوفير بعض الخدمات
زي مكن الكبس
2
نحاول ان احنا نتفق مع شركات صناعة الورق
3
نشوف الطريقة الي بيتعمل بيها علف للحيونات
ونقولها للفلاحين اذكان في مقدرته انه يعملها وخصوصا ان العلف غالي الثمن
4
ممكن يتعمل سماد عضوي يخصب الارض والفلاح مش هيتاخر في كده

والله يا جماعه كل واحد مننا عنده حل
بس نقعد ونفكر ومفيش حاجة اسمها ياس
وهنلاقي حلول وهنطور فيها
وهنوصل لاحسن حل

يا جماعه المشكله دى موجوده من زمان ومهما تقول وتعيد محدش بيسمع الكلام ولو اتكلمت انت اللى بتطلع غلطان فى الاخر بس انا نفسى افهم حاجه هما الفلاحين مش بيتعبو زينا من الحريق ده ولا هما فيهم حصانه ضدها وشكرا ليك لانك فتحت باب المناقشه فى الموضوع ده وهو حقا فى غايه الاهميه

مازال العرض مستمر
حرق القش و دخان يملأ سماء منية سندوب و القرى المجاورة
ومفيش اوكسجين
حرق قش الأرز 1241056618

شكرا ليكم مروركم الكريم

أحب أضيف ان موضوع المحاضر والغرامة

موجود من زمان كان فعلا بيمر واحد من الزراعة وبيعمل

محضر لكل واحد حرق قش وكانت المحاضر دي بتتحول

للنيابة وكان كل مخالف بتغرم مبلغ مالي 1000 جنية وعلي

فكرة الغرامة دي علي اي حرق أي مخلفات سواء كانت قش

أو غيرها بس كان عشان ده يتنفذ كان لازم من وجود حل بديل

والفلاح يكون خالفة او علي القل تكون المحافظة مخصصة مكان

لحرق هذا القش زي ما قال الوزير وده محصلش عشان كدة كان

الفلاح بيروح المحكمة وياخد براءة علي طول

وعشان كل المحاضر اللي اتعملت خدت براءة معملوش اي

محاضر السنة دي في بلدنا أو في الدقهلية كلها

وده للتوضيح ........... وشكرا

والله حراااااااااااااااااااااااام

هى دى بقى البلد والحكومة الرشيدة

انا ابنى الوحيد عندة حساسية صدر مزمنة
ولا تعليق
وحسبى الله ونعم الوكيل

محليات الدقهلية تعلن الواحدة ظهرًا لحرق قش الأرز

[16:35مكة المكرمة ] [19/10/2009]

حرق قش الأرز أحد الأسباب الأساسية في تلوث البيئة

الدقهلية- أحمد عبد الهادي:

في
تصرف غريب من الوحدات المحلية بالدقهلية أرسلت إخطارًا إلى المساجد
للتنبيه على المزارعين بحرق قش الأرز ابتداءً من الساعة الواحدة ظهرًا
وحتى الرابعة عصرًا؛ بدعوى تقليل مخاطر حرقه ليلاً!!.

استاء
المواطنون من ذلك التنبيه، وطالبوا بمنع حرق قش الأرز نهائيًّا، خاصة بعد
انتشار السحابة السوداء التي أدت إلى إصابة العديد من المواطنين بأمراض
الصدر والتهابات العيون.

وفي
نفس السياق تبنت جمعية "أصدقاء البيئة" حملة رسائل قصيرة عبر الهواتف
المحمولة تحمل: "كن إيجابيًّا وتظلم من دخان قش الأرز اتصل بـ19808 حملة
مواجهة المخاطر".

ربنا يشفية يا أستاذ حواس
بس هي دي بلدنا
علي الرغم من ان القش ممكن يحقق مكاسب لو تم
استغلالة علي الأقل صناعة الورق اللي بنستورردة
أو حتي علف للحيوان اللي سعرة مولع
وغيرة وغيرة ,,,,,,,,,,,,

ربنا يشفيه يا استاذ حواس
بس المشكلة ان الفلاحين لو جيت تكلمهم بيسدوا ودانهم
ومش عايزين يسمعوا حاجة

غطت السحابة السوداء صباح أمس وأمس
الأول، سماء مدينة المنصورة ما أدى إلى حجب الرؤية على الطرق، فيما شنت
أجهزة البيئة حملات على الأراضى الزراعية وحررت مئات المحاضر للمزارعين
الذين يحرقون قش الأرز.وأكد محمد مصطفى كشك، عضو مجلس محلى
المنصورة، أن السحابة السوداء أدت إلى اختناق المدينة بأكملها بدخان حرق
قش الأرز الذى انتشر بشكل ملحوظ على طريقى «ميت غمر - المنصورة» و«طلخا -
شربين» واتهم كشك جهاز شؤون البيئة بالتقصير فى منع الحرائق رغم تعاقده مع
شركتين لتدوير القش.وأضاف محمد عبدالهادى شومان، سائق، أن الرؤية
كانت منعدمة على الطرق السريعة بسبب السحابة وأدت إلى وقوع حوادث عديدة
خاصة على طريق المنصورة السنبلاوين الذى شهد ٤ حوادث أمس.واستقبل
مستشفى الأطفال الجامعى نحو ٨٠ حالة من الأطفال بين سن سنتين و٧ سنوات
خلال اليومين الماضيين يعانون من الإصابة بأزمات تنفسية.وأكدت إحدى
الطبيبات بالمستشفى - طلبت عدم نشر اسمها - أن ٨٠٪ من الأطفال الذين دخلوا
المستشفى خلال اليومين الماضيين كانوا يعانون أزمات تنفسية وصدرية وربوية
بسبب انتشار الدخان والسحابة السوداء.من جانبه، أكد المهندس أبوبكر
الشهاوى، رئيس جهاز شؤون البيئة، أن سبب ظهور السحابة السوداء هو تغيرات
فى العوامل الجوية وليس حرق قش الأرز قائلاً: «إن نسبة الحرق هذا العام
تقل بكثير عن الأعوام السابقة»، مشيراً إلى تحرير ٥٠٧ محاضر
للقائمين بالحرق بالتعاون مع شرطة البيئة والمسطحات المائية والإدارات
الزراعية. وفى دمياط، انتشرت السحابة السوداء فى مراكز المحافظة خاصة كفر
سعد والزرقا وفارسكور ما سبب حالات اختناق للمواطنين والسائقين على طريق
«دمياط - المنصورة الغربى» والطريق الدولى.وقال المهندس مظهر
نعمان، مدير عام شؤون البيئة بالمحافظة، إن الإدارة تقوم بحملات مستمرة فى
المراكز وتم تحرير ١٢٨ محضراً لحرق قش الأرز منها ١١٠ فى مركز كفر سعد و١٣
فى فارسكور و٥ فى الزرقا ويتم اتخاذ الإجراءات القانونية ضد المخالفين
لافتاً إلى أن الحملات ستتم خلال المرحلة المقبلة على مدار الساعة خاصة
بعد الفجر حيث يلجأ المزارعون لحرق القش فى هذا التوقيت هرباً من الرقابة.

شكرا مرورك الكريم
وعي فكرة الشعب كلة دلوقتي بيعاني من امراض
الجهاز التنفسي والحساسية بسبب حرق قش الأرز
شفانا الله وعافانا من هذا الوباء

» الأرز.. أكثر من ألف طريقة لتقديمه
» زراعة الدقهلية تزيل مخالفات الأرز وتغرم الفلاحين