ليله الامتحانههههههههههه وقابلنى لو فلحت

[s

الله أكبر الله أكبر .. أذان الظهر ..

يارب .. يارب بحق ده الآذان تنجح يا نون ياابن ابني وأشوفك دكتور أد الدنيا -

ياستي بس انا في تجارة -

وماله يابني هو يكتر علي ربنا ....... ده ربنا قادر علي كل شيء -

ياستي ونعم بالله بس اللي بيطلع دكتور لازم يكون في كلية الطب مش التجارة -

ياللا تجارة تجارة ... ومالها التجارة .. دي حتي التجارة شطارة .. ده الله يرحمه جدك كان تاجر في الوكالة أد الدنيا -

ياستي التجارة اللي في الوكالة حاجة واللي في الكلية حاجة تانية -

ع العموم شد حيلك وأنته ... وانا أخلي جدك يخدك معاه الوكالة عشان تتدردح وتتودك في السوق -

جدي إيه اللي هايخدني معاه ...... ده جدي مات من زمان ياستي -

يا مصيبتي عبد الواحد مات .. ياحبيبي يا أخويا .. مكنش يومك ياسبعي -

ياستي ده ميت من تلتين سنة -

تلتين سنة .. ده العمر بيجري ياولاد تصدق ولا حسيت بيهم .... ياللا اهو غار في داهية ..... قطعت وقطعت -سيرته .. ده كان بخل الدنيا فيه .. أن ماعمره دخل عليا ببطيخة ولا كيس جوافة

ياستي حراااام عليكي عايز أذاكر بقي -

يوووه ... وانا ماسكاك
ياوله .. ذاكر ... ذاكر عشان ربنا يكرمك
وتنجح وتاخد الدبلون -

ياستي دبلون ايه .. أسمه البكالوريوس -

أنته عتضحك عليا ياوله .. أسمه الدبلون الواد ابن فايزة جدع زيك كده في مدرسة التجارة وخد الدبلون -

خلاص دبلوم دبلوم ياستي .. سيبيني بقي عشان اذاكر -

ذاكر .. ذاكر يأخويا ذاكر ... تعرف ياواد ... ندرن عليا يوم ماتنجح لأكون رايحة خاطبالك عبير بت رئيسة ..... دي ايه ياواد .. أدب وأخلاق .. وعلام كمان

ياستي عبير دي معاها أعدادية -

- وماله يابني ... الراجل مايعبهوش إلا جيبه

راجل ..... راجل مين ياستي .... عبير دي بنت -

- عبير ..... عبير مين ياوله ..... أنته بتعرف بنات من روانا

لا اله الا الله ...... أبوس رجلك ياستي إرحميني بقه -

- طب ذاكر .... ذاكر جتك نيلة وأنته طالع براوي كده زي أمك ... قطعت وقطعت سيرتها ... أنا مش عارفة أبوك كان أجوزها علي إيه .. حكم .. قال لبس البوصة تبقي عروسة .. بس واللي نبي النبي نبي لكون مبوظة الخطوبة دي ومجوزاه أنيسة بت اختي

- ياستي خطوبة إيه .. أبويا مجوز امي من خمسة وعشرين سنة .. وبعدين أنيسة دي بنت أخوك مش بنت اختك .. واساسا إنتي ملكيش إخوات بنات

صحيح ياوله .. أنته عندك حق أنا مليش إخوات بنات .. أصلي انا أمي ماكنتش بتخلف صبيان -

حرااااااااااااااا ااااااااااااا
اااااااام ............. ستي ماتطلعي البلكونة شوية .. ده الهوا حلو بره -

لأ ياخويا ..... في جدع كده حليوة وشعره مسبسب في البلكونة اللي في الوش بيقعد يعاكسني -

خلاص روحي المطبخ ... أهو زمان أمي خلصت الرز -

رز ... رز إيه يابني ..... هو أنا ليه سنان للمكرونة ..... أنا هطلع البلكونة أحسن -

طب أبقي خلي بالك م الهوي ياستي -

هوي لما يلطشك يابت ياجذمه أنتي -

الحمد لله أخيرا خرجت وقدرت أذاكر ..
رحت الأمتحان تاني يوم وربنا كرمني
وحليت كويس لكن للأسف المراقب سحب مني الورقة
قبل ماأكتب أهم حاجة فيها

ياتري أنا كان إسمي إيه ؟؟؟؟ ياتري كان إسمي إيه ؟؟؟؟
أنا مين انا ليييييييه انا ازاااي

ize=24][/size]

اممممممممممممممممممم
ايه شو فى الموضوع مو حلو
لازم كل يخش يدعيلوا
ليله الامتحانههههههههههه وقابلنى لو فلحت Icon_basketball

لا بجد موضوع رائع وبجد شكل والله اعلم روحك خفيفة جدا
وبتفرجي على افلام ابيض واسود قديمة

اسعدنى مرورك جداااااااا ليله الامتحانههههههههههه وقابلنى لو فلحت 568893

اما بالنسبه انى روحى خفيفه ربنا يخليك طبعا ومرسى اليك
اما بالنسبه لفرجتى على الابيض والاسود فانا عاشقه الافلام القديمه
ليله الامتحانههههههههههه وقابلنى لو فلحت File

ليله الامتحانههههههههههه وقابلنى لو فلحت File

هههههههههههههههههههههههههههههههههه
ههههههههههههههههههههههههه
هههههههههههههههههه
يعيني يا حرام الواد ضاع بسبب سته
جاله زهيمر وهو لسه صغير
يا عيني يا عيني يا عيني علي الولد
بجد موضوع جميل

اسلام كتب:: هههههههههههههههههههههههههههههههههه
ههههههههههههههههههههههههه
هههههههههههههههههه
يعيني يا حرام الواد ضاع بسبب سته
جاله زهيمر وهو لسه صغير
يا عيني يا عيني يا عيني علي الولد
بجد موضوع جميل

مرسى على مرورك الاجمل ده

ليله الامتحانههههههههههه وقابلنى لو فلحت 124e30e4f5f2

ليله الامتحانههههههههههه وقابلنى لو فلحت S77_e_Sm-022

كلماتي فى محلها
اه يا عيني يبني مكنش يومك يابني جالك الزهيمر وانت فى عززززز شباااااااااابك يابني
يخرب بيت الا يزعلك بعد كده
اهياهياهياهياييييييييي

والله يا احلى دنيا الموضوع شيق مثير ومعرفش انك مؤلفه سينمائيه على اعلى مستوى
بس ربنا ينجح اخينا فاقد الذاكره دا وينجحك انتى كمان
بس بلاش تشوفى مسلسلات عربى كتير ياعنى
ليله الامتحانههههههههههه وقابلنى لو فلحت 0b47db2abb

ليله الامتحانههههههههههه وقابلنى لو فلحت 0b47db2abb

ليله الامتحانههههههههههه وقابلنى لو فلحت D64b63bb6c

ليله الامتحانههههههههههه وقابلنى لو فلحت F45516370a

ليله الامتحانههههههههههه وقابلنى لو فلحت 0e80dc48f2

ليله الامتحانههههههههههه وقابلنى لو فلحت 223f22898a

واياريت تكتبلنا الجزىء التانى لما شوف صاحبنا هينجح ولا لا

وربنا يكون فى عونه يا ختى وفعون الحاجه سته والحاجه نون بنت ام نون ههههههههه

زيزو

» اول 15 ليله فى القبر
» ليله القدر خير من الف شهر
» هل تعلم من ينام معك كل ليله.......
» الف ليله وليله دلوقتى
» أخر حكايه ألف ليله وليله