مين الاحسن الولد ولا البنت............؟

دراسه متأنيه لمعرفة مين أحسن البنت ولا الولد

وبعد الدراسه المتأنيه التى تمت بواسطة لجنة مرور قصدى لجنه عليا تم تشكيلها خصيصا لهذا الغرض

توصلت اللجنه إلى ما يلى

بعد البحث والتدقيق ثبت أن البنت أحسن من الولد

1-البنت بتتكلم براحتها فى التليفون وأبوها أو جوزها هو أللي بيدفع الفاتورة فى الأخر
2-البنت مش ملزمة تجهز نفسها أبوها أو البيه (خطيبها) هم اللي هايدفعوا دم قلبهم
3- مفيش حد بيبص على بدلة العريس كله بيبص على فستان العروسة
4-لو واحدة عملت مخالفة وعيطت شوية للضابط هايعديها لو راجل هاياخد على دماغه
5-لو واحدة ماأدتش قرايبها عيديه مش هايقولوا عليها بخيلة هايقولوا أصل العيب على جوزها
6-لو واحدة أتأخرت على المحاضرة ممكن الدكاترة يدخلوها لو ولد هايقولوا روح يابابا كمل نوم بره فى الشمس
7-لو حصل زعل بين البنت وباباها مش هايطردها برةالبيت ...وهى بس يادوب تعيط شوية وبابا هايروح يصالحها على طول .... أما الولد فيدوب يلحق مكان ينام فيه جنب البواب
8-دلع البنات :

ياختى كميلة ( سنتين)
ياعسولة ( 5 سنين)
ياعروسة ( 12 سنة)
ياقمر ( 18 سنة)
يا هانم ( 40 سنة )
يا ست الكل ( 60 سنة)

دلع الولاد :

أنت ياد ( 10 سنين)
أنت ياشحط بقيت طول الباب ( 18 سنة)
يا راجل ( 40 سنة)
ياعم الحاج ( 50 سنة)
ياراجل يا عجوز مناخيرك أد الكوز ( 60 سنة)

والله احنا مظلومين على طول حتى فى الدلع

» البنت احسن من الولد
» الولد احسن من البنت
» حذرو مين الولد ده!؟
» لو البنت هيا اللي هتخطب الولد
» أيهما أسعد البنت أم الولد.!!!