فلسفة حمار

موضوع: فلسفة حمار الثلاثاء 08 ديسمبر 2009, 2:26 am

عجبي عليك يا بني ادم يا كبير الدار
قومت الدنيا وما قعدت لما قالوا حمار
هو اسمي شتيمه ولا جنسي ده عار
خلقني ربي وخلقك ولا حدش له خيار
وانا مهما زاد الحمل فوقى صابر على المشوار
لا فى يوم أقول اشمعنى أخويا وأخذ منه تار
ولا يوم أبص لزرق غير وأطق منه وأغار
ولا أرفع فى يوم عيني على جارتي وأصون الجار
ولا مهر أدفع لحمارتي وشبكة وسوار
ولا شقة أجمع فى تمنها ولا أجهز دار
ولا حرمي حامل تتوحم على الكافيار
ولا بنت تخرج عن طوعي وتجيب العار
ولا ابن يدمن ويهلوس ويقع ينهار
عايش فى حالي متهني وليه أفكار؟؟
بأكل وبأشرب وأنهمق ومافيش أسرار
وعندي ابن أدم يخدمني ليل ويا نهار
إن جعت يشتري برسيمي بأغلى لأسعار
وفى مرضي يفضل يعالجني ويدعي الستار
خادم أمين من غير راتب ولا حتى إيجار
والحين عرفت يا بني أدم .......
مين فينا .................؟؟؟